Ipaziman 17:12 - Seysyo No Tao

¹² “O peypeypangayan no mo nimacita yasa ngarnan a ozong am yaomanam pa yasa ngarnan a panipanirsirngen. Am sira rana am mahap da o peypanirsirngan da a kapacizanod da do omalalam a meypanirsirngen. Am alikey o iyan da do panirsirngen.

Ipaziman 17:12 ပူးပေါင်းရင်းမြစ်များ

Ipaziman 10:11

Maniring pa jyaken o tinsi am, “Ipisa ka pa a mangay a mapaziman sya do peycyamahamahatawan na kano meykataretarek a tao a kano meykataretarek so ciriciring a kano aro a panipanirsirngen.”

Ipaziman 12:3

Karahan am amyan pa so mapangyangyalak a meytotwaw do hanit. Amyan so asa ka rako a akmey vangkoro a kamolay. Oo na am apito. Ozong na am asa ngarnan. Makakaday oo na no sakop no panirsirngen.

Ipaziman 13:1

Karahan am makacita ko so asa ka omalalam a apo do awa. O ozong na am asa ngarnan. Oo na am apito. O ozong na am makakaday no sakop no panirsirngen. Oo na am adketan no ngaran a iraherahet na si Ama ta do to.

Ipaziman 17:16

O yasa ngarnan a ozong a kano omalalam am ikaoya da o mavakes. Am ori o nipehes da so kangangay na. So ikabo na rana no aywayob na a kakan da pa so asisi na a kasleb da rana sya temtemen.

Ipaziman 18:10

Manyahey sira a makacita sya meyrarahet. Ori o nipakarai da meytatanek. Maniring sira am, “To ka makasi a rako a ili a yameyngaran so Papilon. Ta yasa ka vatvatek pa am yarana meydedna jimo no pasingsingtan na jimo ni Ama ta do to.”

Ipaziman 18:17

Am yapa jyangay do yasa ka vatvatek am na rana nikatemteman no kangangay na.” O manavilak do aro a avang a kano maoran do avang a tao a kano kasakap da kano aro a mangahangahahap a tao am makararai sira do kwang.

Ipaziman 18:19

Meyratateng am mangap sira so tana a pasakoin da do oo da a amzezezeng a omlavi. Maniring sira am, “To makasi o rako a ili ya. Ta makanizpi sira o amyan so avang a meyliyliktaw do jya. Ta ji pa angay do asa ka vatvatek am katemteman na rana a kabo na no makakaday a kangangay na.