Ipaziman 16:3 - Seysyo No Tao

³ O tomonton a tinsi am paglowen na o panay na do awa. Karahan am meyvaliw o awa akmey rala no nimawakwak a tao. Ori o nikamimin no masaod no awa a mawakwak.

Ipaziman 16:3 ပူးပေါင်းရင်းမြစ်များ

Nimlivolivon 2:41

So ikaro da no tao a mahap rana so ipangnanao na a kataktak da rana jira. No kanang rana am omanoyong ji Yeso am nikarapan sira so kakatlwan a ranaw (3000) a tao.

Ipaziman 10:2

O lima na am meypinan so mavezay a likta vakong. O asa ka ai na am amzasag do awa. O asa ka ai na am amzasag do kacyan.

Ipaziman 11:6

Amyan so oyowyat da amzazat do cimoy do peylimwangan da no ciring na ni Ama ta do to. So talamozongan da no tozongan no ranom a kapeyvaliw da so ranom a rala. So iyan no oyowyat da a mapeykaraherahet so tao do karawan no makakaday a alalaw. Am jyapingsan o araraw no ipeykaraherahet da so tao.

Ipaziman 13:1

Karahan am makacita ko so asa ka omalalam a apo do awa. O ozong na am asa ngarnan. Oo na am apito. O ozong na am makakaday no sakop no panirsirngen. Oo na am adketan no ngaran a iraherahet na si Ama ta do to.