Ipaziman 15:4 - Seysyo No Tao

⁴ Mo Panirsirngen, sino makadket jimo a ji raralayan. Sino ji nganood so ngaran mo. Imo saon o ji meylimoteng so onowned a Tao do to am. So ikamimin no tao do peycyamahamahatawan na a mangay do tangain mo a omraralay nimo. Ta yarana nimamimin o tao a yarana nimeymatamata do iwawalam mo a yaji mapeycyakaban so tao.”

Ipaziman 15:4 ပူးပေါင်းရင်းမြစ်များ

Loma 15:9

O ikadwa na no na peypeypangayan no na nyai ni Kizisto am sidongen na inyo a beken a tao do Yotay a somaray no pangangasyan na ni Ama ta do to. Ta maniring do Seysyo am, “Ori o anoodan ko jimo a azwazwain a isaray do yanan da no beken a tao do Yotay.”

1 Pite 1:16

Maniring do Seysyo am, “Ji kamo meylimoteng so onowned an. Ta yaken rana am ji ko meylimoteng so onowned a Tao do to.”

Ipaziman 11:15

Avyotan no ikapapito no tinsi am amyan so macyak a ciring do teyngato. Maniring am, “Oyowyat a yatomalamozong no karawan am yamonganay do Panirsirngen ta kani Kizisto a nipamnekan na a yatomalamozong nya a mangay do kaidan no karawan.”

Ipaziman 14:7

Maniring a amlololos am, “Anooden nyo si Ama ta do to a iraralay. Ta yana marateng o araraw na no ipacici na a mapeykapyapinpin so tao do karawan. So raralayan nyo no yanimangamaog so hanit a kano teyrahem a kano awa kano tozongan no makakaday a atbod a ranom.”

Ipaziman 16:5

Maniring o tomalamozong no ranom a tinsi a nimamizing ko pa am, “Imo rana yamyan sicyaikwaya kano kakwa a yaji meylimoteng so onowned am ka manoyong a yaji mapeycyakaban so tao a yamapacici.

Ipaziman 16:7

Maniring o ciring a apo do patanatanangan so nakem a nimamizing ko am, “Mo Panirsirngen a tey mowyat a Tao do to, yabo mo kalalasan a yamapacici so tao, do yamo kaji mapeycyakabanan so tao.”

Ipaziman 19:2

Manoyong o kaji na mapeycyakabanan so tao do pacicyan na so tao, ta na rana nipasingsingtan o rako a ili akman so somagpyan a mavakes a yatomirara so tao do karawan a yamraralay no malas a iraralay a na kawakwak pa so lamlamsoy na ni Ama ta do to.”

Ipaziman 19:8

Na rana nipanta ni Ama ta do to so malavang a ayob na.” (O peypeypangayan no malavang a ayob ori am kapyapya no vazay da no omanop ji Ama ta do to a tao.)

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Ipaziman 4:8

So ikamimin da meykanem so panid no apat a omalalam am tana sazapen na, tana likod na am makakaday no mata na. Sira rana am abo maraw a abo mahep a to da meyyanwanooji. O anwanood da am, “Mo ji meylimoteng so onowned a Panirsirngen a tey mowyat a Tao do to a to meyyonong a mavyay a nimapo no kakwa, kasicyaikwaya kano kangay na do kaidan no karawan.”

Ipaziman 6:10

Maniring sira amlololos am, “Mo Panirsirngen a tey mowyat a tey meynakem a manoyong a ipeyhanhan, si mango am pacicin mo a peykapyapinpinen mo o tao do karawan a mangonong nyamen a yada niwakwak.”