Ipaziman 13:7 - Seysyo No Tao

⁷ So to na rana myapyai sya amgogad no omanop ji Ama ta do to a tao a iharag na sira. So ikatey mowyat na tomalamozong no meykeytetngehan a tao do karawan a kano peycyamahamahatawan na kano meykataretarek so ciriciring a tao.

Ipaziman 13:7 ပူးပေါင်းရင်းမြစ်များ

Locya 4:6

a kapanci na nya jya so, “O yamo macita rana eya aro a peymasaodan no karawan eya am mamimin a monganay jyaken. Am cyaha, ta itoro ko jimo.

Yowani 19:11

Maniring si Yeso am, “O na iyan no oyowyat mo am si Ama ta do to. Am o yanitomoro nyaken jimo a tao am to makasi, ta tey arako o raraten na.”

Ipaziman 10:11

Maniring pa jyaken o tinsi am, “Ipisa ka pa a mangay a mapaziman sya do peycyamahamahatawan na kano meykataretarek a tao a kano meykataretarek so ciriciring a kano aro a panipanirsirngen.”

Ipaziman 11:18

Ta no kapeyoyaoya da no ji raralay nimo a tao am nipadna mo rana o peyoyaoyyan mo jira. Yarana marateng o araraw no yamo ipacici so nimawakwak a tao. O lamlamsoy mo a panoyonoywan mo so ciring mo a kano yaomanop jimo a yamraralay nimo a tao am tana meynakem sira, tana makasi a tao sira am mo miminen sira azawen. Sira rana yamapeykaraherahet so karawan a tao am yamo balinasen sira.”

Ipaziman 11:7

Mateyka da ipanci o ciring na ni Ama ta do to am arapen na sira no omalalam a apo do gazawagaw a kaharag na sira wakwaken.

Ipaziman 12:17

Karahan am somozi o kamolay a omarap so komownongan do mavakes. Ta sira rana am omonot do ciriciring na ni Ama ta do to a tao a omanoyong do nanao ni Yeso a tao.

Ipaziman 17:15

Maniring pa jyaken o tinsi am, “Mo nimacita o ranom a yana lisnan no yasomagpyan a mavakes ang. O peypeypangayan no nang am peycyamahamahatawan na kano meykalyalipenpenan a tao a kano meykataretarek so ciriciring a tao.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.