Ipaziman 13:6 - Seysyo No Tao

⁶ Ori o niraherahetan na so ngaran ni Ama ta do to a kano peyvahayan na kano macikaop jya tao do teyngato.

Ipaziman 13:6 ပူးပေါင်းရင်းမြစ်များ

Matay 12:34

Inyo rana macitapas do tokza so onowned a tao am abo o apya ciring a powboten nyo.

Matay 15:19

O mapo do onowned am amyan dang so makakaday a nakenakem no tao a ipeyraraten a mangap so tao, mangzakza, manakaw, mangalalas, manamwad.

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Loma 3:13

O ciriciring da am ikarahet no tao. Sya mangononong so yamalas. So na icyakmey mavowaw no ciriciring da a tey manginanawa.

Kelosi 1:19

Ta kakdain na ni Ama ta do to o Anak na macikto jya so kadmayan.

Kelosi 2:9

Ta yamanoyong o nakem na ni Ama ta do to a yarana nimacimalag ji Kizisto.

Sipolay 9:2

So nitnek na rana no akmey sarwap a ananaten da vahay a panaralayan. O manma aspangan do sahad na am ipanci da Meynakem a vahay, yanan no peyzeyzampwan a kano akakanan a kano nipatanang da ji Ama ta do to a pang.

Sipolay 9:24

Jya nisomdep si Yeso do nyamaog no tao a akmey sarwap a panaralayan. Ta o nyamaog no tao am ji meyngongyod ori. Si Kizisto rana am yarana myan do teyngato a mapasyasi nyaten do tangain ni Ama ta do to.

Ipaziman 11:12

Makamizing sira o rarwa ka tao so amlololos a apo do teyngato. Maniring jira am, “Sijya kamo do jya.” Karahan am citahen da sira no kavosoyan da omavang do cinalab a meycyakavat do teyngato.

Ipaziman 12:12

Am ori o isaray nyo a tao do teyngato. So to nyo makasi a tao amyan pa do karawan. Ta yasomozi si Satan a yamangay jinyo do dang. Ta katenngan na o kalikey rana no araraw na.”

Ipaziman 15:5

Komavos ori am macita ko do teyngato o panaralayan a meywang. Amyan do sahad na so peyheyhekasan na ni Ama ta do to.

Ipaziman 18:20

“Somaray kamo do teyngato, ta yarana nimabalinas o rako a ili a meyngaran so Papilon. Inyo a yaomanop ji Ama ta do to a kano amlivolivon no ciriciring na ni Ama ta do to a kano panoyonoywan na so ciring am somaray kamo, ta na rana nipangonong inyo ni Ama ta do to. So na rana nipasingsingtan jya.”

Ipaziman 21:3

Makamizing ko so ciring a apo do lilisnan no panirsirngen. Maniring am, “Yamyan do karawan o vahay ni Ama ta do to a yamacivahay do tao do karawan. Sira rana am abneken na sira anak. So ipacitovong na jira ni Ama ta do to a Tao do to da.

Ipaziman 4:1

Karahan am macita ko o teyngato a kacyangan. Ipirwa ko mamizing o akmey meyzapa. Maniring am, “Tanang do jya, ta ipacita ko jimo o yaomanam a vazay.”

Ipaziman 4:4

Apat so ikasikatlo (24) o lilisnan a amlivon so lilisnan no panirsirngen ang a lisnan no papat so ikakatlwan (24) a kamanrarakehan a meyyayob so malavang a magorogod a kapeysakop da so vowawan.

Ipaziman 5:13

Karahan am mamizing ko o makakaday a nyamaog na do teyngato a kado teyrahem a kado awa, pacyangayan da no nimawakwak rana tao meyyanwanood. O aingan no anood da am, “Inaoy no si mamimin o sarasaray a kano azwazway a kano oyowyat a mangay do yaomlisna do lilisnan na kano Kagling a mangay do kaidan no karawan.”

Ipaziman 7:15

Ori o da ipeytatanek do sazapen no lilisnan ni Ama ta do to a yamahap so vazay na no yamaraw a kano mahep do panaralayan a mangay na apzatan ni Ama ta do to.

Ipaziman 7:9

Karahan am makacita ko so aro a tao am jyavilangi sira rana apo do peycyamahamahatawan na kano meykataretarek so ciriciring a meytatanek do sazapen no lilisnan a kano Kagling. Meyyayob sira so malavang a magorogod a meypinan so voovoong.