Ipaziman 13:4 - Seysyo No Tao

⁴ To da na raralayan o kamolay. Ta nitoro na o oyowyat na do omalalam. So icyakman na sang no omalalam a iraralay da. Maniring sira am, “Sino makataha so omalalam eya. Sino makahad sya.”

Ipaziman 13:4 ပူးပေါင်းရင်းမြစ်များ

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

Ipaziman 12:3

Karahan am amyan pa so mapangyangyalak a meytotwaw do hanit. Amyan so asa ka rako a akmey vangkoro a kamolay. Oo na am apito. Ozong na am asa ngarnan. Makakaday oo na no sakop no panirsirngen.

Ipaziman 12:4

O ipos na am kowkowen na o icyakatlo no mata no hanit a papispisen do teyrahem a kapeytatanek na do tangain no mavakes a tod na ji ngyan do vahay a mapananala so katazak na tao no kanakan a kapacyop na sya a kanen.

Ipaziman 13:11

Makacita ko pa so asa ka omalalam a apo do oned no tana. Ori rana am adwa ozong na akman rana so ozong no kagling. Am o izezyak na am akman rana so kamolay.

Ipaziman 13:15

Makahap o ikadwa na no omalalam so rako a oyowyat am avyain na o akma ney keyteytawan no nimanma na omalalam. So nipeyzezyak na rana a kawakwak na so ji raralay nya a tao.

Ipaziman 13:2

O nimacita ko a omalalam am akma raney kokoman so tao. O ai na am akmey ai no rako a kokoman so tao. Akman sang o ngongoy na. So nitorwan na no kamolay so oyowyat na kano lilisnan na kano keynakman na do omalalam.

Ipaziman 17:14

Sira rana am arapen da o Kagling am haragen na sira no Kagling a kano nipamnekan na tao a omanop jya. Ta iya rana am kabtekan a Panirsirngen.”

Ipaziman 18:18

Macita da o aob no apoy a tomemtem so rako a ili am amlololos sira. Maniring sira am, “Sino o makataha so akman sya rako a ili.”

Ipaziman 9:20

O karwan no tao do karawan a jya nimawakwak no apo do ngongoy no baka am ji da macimazai o kararalay da no kalamsoyan ni Satan a kano ovay a kano gizit a kano vato a kano kayokayo a nyamaog da a ji makacita, ji makamizing, ji makalam.