Ipaziman 13:16 - Seysyo No Tao

¹⁶ Karahan am gacigatan na o aro a tao, tana meynakem a tana jyeynakem, a tana makcin a tana mabsoy, a tana peylamsoin da kano ji da peylamsoyan, miminen na o wanan da kano zozogwan da tovilan.

Ipaziman 13:16 ပူးပေါင်းရင်းမြစ်များ

Nimlivolivon 26:22

Yato ngai sicyaraw eya o na nisidongan jyaken ni Ama ta do to a meylimwang no ciriciring na do meynakem a tao a kano ipangoyongoyod da tao. O nipeylimwang ko am meyyangay a kano nipeylimwang ni Moyse a kano panoyonoywan na so ciring ni Ama ta do to no kakwa.

1 Kedinto 12:13

Am ori o tana tao do Yotay ta, tana beken a tao do Yotay ta am tana lamlamsoy da yaten am tana to ta ngonongonongi o vazay ta am cyaha. Ta tamo na nimamimin a nitaktakan no Seyzi. So ta icyakmey yasa ka tao so kataotao a yana italamozong no yasa ka Seyzi.

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Cyalatay 6:17

Inaoy si papwen da sicyaikwaya o kaji da rana zyakan nyaken a meylimwang no ciriciring na ni Yeso Kizisto. Ta o aro a kozad ko do kataotao ko am ori o yongkad ko a lamlamsoy ni Kizisto.

Ivoso 6:8

Manakem nyo o na kato mapeyyangangayan so tao ni Ama ta do to. Tana peylamsoin da am tana beken a lamlamsoy am na to palololwa do kapyapya no vazay na o yazaw na sya.

Kelosi 3:11

No manoyong kakman ta sang am abo rana peytartarkan ta do tangain na ni Ama ta do to. Tana tao do Yotay a kano beken a tao do Yotay a tana jyapsek a kano mapsek a tao a tana peylamsoin da kano ji da peylamsoya a pacyangayan ta am ta meyyangangay a yarana vayo so onowned ji Kizisto. So ika iya no azwazwain ta.

2 Timotay 3:8

Akman si Yanayse a kani Yangpole a ji ngahap so apya nanao na ni Moyse am akman sang o vazay da no mangnanao no malas a tao. Ta yajyablis o pangtoktwan da. So ikabo na no katatenngan da a manoyong a nanao na ni Ama ta do to.

Ipaziman 11:18

Ta no kapeyoyaoya da no ji raralay nimo a tao am nipadna mo rana o peyoyaoyyan mo jira. Yarana marateng o araraw no yamo ipacici so nimawakwak a tao. O lamlamsoy mo a panoyonoywan mo so ciring mo a kano yaomanop jimo a yamraralay nimo a tao am tana meynakem sira, tana makasi a tao sira am mo miminen sira azawen. Sira rana yamapeykaraherahet so karawan a tao am yamo balinasen sira.”

Ipaziman 15:2

Citahen ko pa am makacita ko so akma raney awa panganinwan a pacizavozan no apoy. So iyan no tatasa ka tao a nimacita ko. Sira rana am niharag da na o omalalam a kano kamamagenan na kano abo so tovil a tao. Sira rana am meytatanek sira do awa panganinwan a minan do nitoro na jira ni Ama ta do to a pakzikziken a meyyanwanood,

Ipaziman 19:18

Kanen nyo rana o kataotao da no nimawakwak a panipanirsirngen a kano panipanirsirngen no itaysang a kano itaysang a kano baka kano maoran do baka tao a kano peylamsoin da kano to naliway a tao a kano meynakem a kano jyeynakem a tao.”

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 19:5

Makarahan am amyan so ciring a apo do lilisnan. Maniring am, “Inyo rana a lamlamsoy ni Ama ta do to a kano amraralay nya tao am tana meynakem a tana ipangoyongoyod da inyo am mamimin kamo a omanwanood so Tao do to ta.”

Ipaziman 20:12

Makacita ko pa so nimawakwak a tao. Tana meynakem a tana jyeynakem am abo ji nanek do tangain na. So nikawasak na rana no vakong. O asa ka vakong a adketan no ngarangaran no yanan na rana no to meyyonong a inawan da am akman sang a mawasak. O nimawakwak rana tao am to macilocilolo do mina iwawalam da no keyyan da pa do karawan o domket do aro a vakong ang a ipacici na sira.

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.

Ipaziman 6:15

O panipanirsirngen rana do karawan a kano makayokod no teyhesa ka mahataw a kano kabtekan da no panirsirngen no itaysang a kano meynakem a tao a kano peylamsoin da kano to naliway a tao am mamimin sira mangay somazok do meykavavavahay a azcip a kano tokon,

Ipaziman 7:3

Maniring am, “Ji nyo peykaraherahet o karawan a kano awa kano kayokayo. Pananalahen nyo pa yamen a mapadket do zozogwan no lamlamsoy ni Ama ta do to so itovil namen jira.”