Ipaziman 12:9 - Seysyo No Tao

⁹ kakas na sya ni Ama ta do to so rako a kamolay. Ori rana am nimeytetnga volay no kakwa. O ngaran na am si Satan a yatomirara so tao a yameyraraten. O kamolay rana am nimamispis do teyrahem. So icyakman da sang no kalamsoyan na iwalit na do teyrahem ni Ama ta do to.

Ipaziman 12:9 ပူးပေါင်းရင်းမြစ်များ

Matay 13:39

O mapasakoy so tamek a kavosoyan ori am si Satan. O peypeypangayan no mangay mangap rana sya ori am kavosan no karawan. O mangap sya a tao ori am tinsi.

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 25:41

“Karahan am maniring o Panirsirngen do tao a amyan do ozi na am, ‘Kazey kamo a yana panircirngan ni Ama ta do to. Ji kamo macisngen jyaken. Angay kamo a pacilovot do na sokzan si Satan a kano kararay na a yamyan do to meyyonong a yajyahesep a makotokotod a lila no apoy.

Matay 4:1

Makarahan am ipeypalanginan no Seyzi si Yeso a yangay do kabwan no nihakawan no tao a littan ni Satan.

Matay 4:10

Tovisan ni Yeso am, “Angay rana mo Satan! Ta o ciring do Seysyo am, ‘Iraralay nyo o Panirsirngen a Tao do to nyo. So ika iya na no iraralay nyo. Ta abo o ikararwa na a iraralay nyo an.’ ”

Matay 4:5

Makarahan am yangay na pa ni Satan si Yeso do Yelosaleng a kangay na nya do toktok na no rako a panaralayan da.

Matay 4:8

Am ori o nitanggahan na ni Yeso ni Satan do makarang a tokon a kapacita na no peykamahamahatawan na kano aro a masamasaod no karawan.

Locya 10:18

Maniring jira si Yeso am, “Ko katenngan, ta ko nimacita rana si Satan a nimakeykai a nimakas do teyrahem a niharag na ni Ama ta do to.

Locya 13:16

Yamyan do jya so sivovoong ni Apolahan a yana wao so ikarwa (18) so awawan a na nivaod ni Satan. Manngwa, marahet o kowvay so sang do ipeywalam no tao?”

Locya 22:3

No kano nang am nikovotan ni Satan o onowned na no tao do Isecyadi a meyngaran so Yota. Iya rana am ikararwa da so ikakarwan no macinanao ji Yeso.

Locya 22:31

Maniring pa si Yeso am, “Mo Simong, cittey si Satan a nipya ni Ama ta do to a mangay a omlita jinyo.

Locya 8:12

O nimakas do rarahan am akman so tao a omamizing so ciring ni Ama ta do to a kangay na mahap sya ni Satan do onowned da. So ji da nganoyngi jya, ji da makahapi so karilawan na nira ni Ama ta do to.

Yowani 12:31

Oya rana o ipacici so tao do karawan. Oya rana o isakeb ni Satan a yatomalamozong no tao do karawan.

Yowani 14:30

Alikey rana o yako ipacikaop jinyo a macisirsiring jinyo. Ta yarana myan o yamimong no karawan. Am ji na harag yaken no oyowyat na.

Yowani 16:11

Yamalas o yada naknakmen a na ipasingkad so tao ni Ama ta do to. Ta yarana nimeydedna o peyoyaoyyan na do mimong no karawan.

Yowani 8:44

Inyo am anak kamo ni Satan. Ta nyo pangozayan o nakenakem no ama nyo a nimakalapo no kakwa o kapangap na so tao. Ji nakzan o manoyong a nanao, ta abo jya o manoyong a nanao. Cinatao na o kapangalalas na, ta iya rana am kapangalalas na a yapwan no makakaday a malas.

Nimlivolivon 26:18

Ko tovoin imo a omiwang do mata da kapakacita da rana so kazngangan a komaro do vazay ni Satan a omanoyong rana ji Ama ta do to. So ikanoyong da rana mavonas so raraten a macikaop do amraralay nyaken a tao,’ kwan na yaken ni Yeso.

Nimlivolivon 5:3

Maniring jya si Pite am, “Mo Ananiya, ikongo mo apyan si Satan a yamapasala so onowned mo a yaomalalas do Seyzi, do mo katayo so katey no nizpi a ngina no nihakawan nyo.

Loma 16:18

Ta o akman rana sang a tao am da ji ngapa o vazay ni Yeso a Panirsirngen ta. Ta o kataotao da o da naknakmen. Sira ori am littan da no ciring da o mahaha so nakem ji Ama ta do to a tao.

Loma 16:20

Si Ama ta do to o yamanta nyaten so ikapiya no onowned ta. Makeykai na rana si Satan a haragen a kabo na rana no oyowyat na amlita jinyo. Inaoy si itoro na ni Yeso Kizisto a Panirsirngen ta o pangangarilawan na jinyo.

2 Kedinto 11:14

Am jyabo kazyak no akman sang a. Ta kakwakwan ni Satan a mapatpetpeh akmey maniray a tinsi ni Ama ta do to.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

2 Kedinto 12:7

Ta maraherahet o kazway ko so teywara a nimacita ko a vazay do teyngato. So na iyan do kataotao ko no ko maliliw a akma ney bakbakan jyaken ni Satan. Ori o ko ji makadkeci do ko kapazway so kataotao ko.

2 Kedinto 2:11

Ta maraherahet o kakata na ni Satan. Ta yabo jyaten o yaji makateneng do ipanlilita ni Satan.

2 Kedinto 4:4

Da ji nganoyngi no tao, ta yana bengbengen ni Satan o onowned da no yaji manganoyong a tao. Am ori o da ji makatenngi do peypeypangayan no Mapasaray a Ciriciring na ni Ama ta do to a yaomagaz do azwazway na ni Yeso Kizisto. Ta si Yeso Kizisto rana am ta nipakacita rana si Ama ta do to.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

2 Tesalonicya 2:3

ji nyo to nganoyngi o ciring da an. Ta no omanam rana o araraw am manoyong o kapacioya da ji Ama ta do to no aro a tao a macyanod so nakenakem do irako na so raraten a italamozong na ni Satan a tao a yamapalolo sira a mangay do kararatan, mangay o kangay na do makotokotod a lila no apoy.

1 Timotay 2:14

O nilittan na ni Satan am beken a si Adam an, ta si Iwa an. Ori nipacisalan na so nakenakem ji Ama ta do to.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

1 Pite 5:8

Meypepzat kamo. Taosya o kakma nyoy mitkeh so onowned. Ta si Satan a kavosoyan nyo am yakmey kokoman so tao a yaji yakneng do na yanan a yameykala so tao a na kanen a na pasyain so nakem ji Ama ta do to.

1 Yowani 5:19

Tamo katenngan o kapacikaop ta ji Ama ta do to. So ta pakatenngan do kapacikownongan da ji Satan no yaji manganoyong a tao do karawan.

Yota 1:9

Kakwakwan no panirsirngen no tinsi a meyngaran so Micyale a ji makadket ji Satan a avain, no kapeysolib da do kataotao ni Moyse no kawakwak na. O kanimanci na nya ji Satan so, “Ioya na imo ni Ama ta do to.”

Ipaziman 12:12

Am ori o isaray nyo a tao do teyngato. So to nyo makasi a tao amyan pa do karawan. Ta yasomozi si Satan a yamangay jinyo do dang. Ta katenngan na o kalikey rana no araraw na.”

Ipaziman 12:3

Karahan am amyan pa so mapangyangyalak a meytotwaw do hanit. Amyan so asa ka rako a akmey vangkoro a kamolay. Oo na am apito. Ozong na am asa ngarnan. Makakaday oo na no sakop no panirsirngen.

Ipaziman 12:7

Karahan am meyyarap sira do teyngato. O meyngaran so Micyale a tinsi a kano kararay na tinsi am macyarap do kamolay a kapalolo na no kamolay so kalamsoyan na macyarap jira.

Ipaziman 12:8

Am nimaharag o kamolay. So ji da rana vezeji do teyngato no kamolay a kano kalamsoyan na,

Ipaziman 13:14

So nipakahap na so rako a oyowyat a meyvazay so mapangyangyalak a vazay do tangain no nimanma na omalalam. Am ori o nilittan na do tao do karawan. Ipanci na o tao do karawan a mamaring so kamamagenan no nimatavaz no ipangan a omalalam.

Ipaziman 16:14

Sira rana am kalamsoyan ni Satan a meyvazay so mapangyangyalak a vazay. Sira rana kalamsoyan ni Satan am mangay sira do peycyeylilyan na a meykala so panipanirsirngen a kalovot da sira a omarap si Ama ta do to no marateng rana o araraw ni Ama ta do to a tey mowyat a Tao do to.

Ipaziman 18:2

Maniring ori a amlololos am, “Yarana nimabalinas o rako a ili a meyngaran so Papilon. Ori rana am yamanoyong a yada peyvahayan no makakaday a kararay na ni Satan a da peyvahayan no yamapaoya a meyyasasalap.

Ipaziman 18:23

Ji rana lila o zampo. Ji rana amizing o ciriciring da no meysinmo a tao. O meypananazangan a tao do dang am mamimin sira ney meynakem na tao do karawan. Abo ji na nicirara a tao do karawan no oyowyat ni Satan.”

Ipaziman 19:20

So nirakpan da so omalalam a kapazanod da so nimeyvazay so mapangyangyalak a makahaw a tao a rakpen. O makahaw a tao am nimeyvazay ori so mapangyangyalak a vazay a ipeykawad na so yanan no ipatotodo no omalalam a kano niomraralay no kamamagenan na tao. Omalalam rana kano makahaw a tao am niwalit na sira do akman so awa so karakorako a lila no apoy.

Ipaziman 2:13

Ko katenngan na katey mowyat ni Satan do yanyo peyilyan. Am yanyo jya nipasaklangan yaken no kawakwak da so meylimwang no ciring ko a tao a meyngaran so Antipa do italamozong na ni Satan a ili nyo. Nyo jya nipeymakarwan yaken a iraralay.

Ipaziman 2:24

“ ‘Am inyo rana tatasa ka tao do Tiyatila a jya niomonot do malas a nanao a jya nimacinanao do matayo a iwawalam ni Satan am ji ko na norwan jinyo o masalit a ji nyo a patakan a vazay.

Ipaziman 2:9

Ko inyo katenngan so alalaw a yamavak so velek. Am inyo rana am kamo ney mabsoy na. Ko inyo katenngan a yada tamwaden no yamanci no ka tao da do Yotay. Am sira rana ori am beken a tao do Yotay, ta sira rana am akmey kalavongan ni Satan.

Ipaziman 20:10

Si Satan rana a nimapeykawad sira am iwalit na do akman so awa so karakorako a lila no apoy. Am nimanmanma rana o makahaw a tao a kano omalalam do dang. Sira rana am abo maraw a abo mahep a ipeyrarahet da a mangay do kaidan no karawan.

Ipaziman 20:8

So yangay na rana mapeykawad so nakenakem da no tao do Keke a kano Make a pacyangayan da no peycyamahamahatawan. So mangay na peylovolovotan sira ni Satan a mangay omarap. O karwaro no tao am akma raney anay do pasalan so karwaro.

Ipaziman 3:9

Citahen nyo sira o kalavongan ni Satan a yamanci no yada ka tao do Yotay a yamangalalas. Ipanci ko sira mai a meylilitod do tangain nyo a kapakateneng da na jyaken a marilaw ninyo.

Ipaziman 9:1

Avyotan no ikalalima no tinsi o zapa am macita ko o asa ka mata no hanit a makas do teyrahem a kahap na so kagi no abo so takadan a gazawagaw a jyatenngi so karaherahem.

Ipaziman 9:20

O karwan no tao do karawan a jya nimawakwak no apo do ngongoy no baka am ji da macimazai o kararalay da no kalamsoyan ni Satan a kano ovay a kano gizit a kano vato a kano kayokayo a nyamaog da a ji makacita, ji makamizing, ji makalam.