Ipaziman 11:8 - Seysyo No Tao

⁸ O kataotao da am to rana nangyan do rarahan do rako a ili. Do dang rana am nipadketan da so Panirsirngen ta do jyojika. O pehngehngayan da so ngaran no ili am Sotoma kano Ayci.

Ipaziman 11:8 ပူးပေါင်းရင်းမြစ်များ

Matay 10:15

To ko na macitangayan jinyo am no marateng rana o araraw no kapeykapyapinpin na so tao ni Ama ta do to am makdekdeng pa o oyaoyyan na do ji naotao jinyo a kano nipasingsingkad na do tao do Sotoma kano Hamola no kakwa pa.

Nimlivolivon 9:4

Am ori o nikavazakwang na do teyrahem a kapakamizing na so macisirsiring jya. Maniring am, “Sawlo, Sawlo, ikongo mo pakakasyan jyaken.”

Sipolay 13:12

Akman sang si Yeso a niwakwak da do siri no ili. O peypeypangayan no kaniomvoyog no rala ni Yeso am ivonas na so raraten no tao.

Sipolay 6:6

Sira rana ya a to ngaro do manoyong a nanao ni Ama ta do to am abo rana o tao a makapeysinaoli so nakenakem da. Ta sira rana am akmey to da oliya o Anak ni Ama ta do to a padketen do jyojika a peyleylaken do tangain no tao.

2 Pite 2:6

Nibalinas na ni Ama ta do to o tao do adwa ka ili a meyngaran so Sotoma kano Hamola. Ori o nipakasan na so apoy a itemtem na sira a ipacita na so ji manganwanoyong a tao.

Yota 1:7

Naknakmen nyo o tao a yameyvahay do Sotoma kado Hamola kano yamacitangked do dang so ili a tao a yamapasala so aktokto da a yamapeyvazay so macimasesnek a vazay. So ikanoyong no jyahesep a lila no apoy a nimangay meydedna jira. O akman rana sang a vazay am ikananao da rana ori no meyraraten a tao.

Ipaziman 11:13

Karahan am meykanini. Am ori o nikazkem na no pozos na no rako a ili. O nimawakwak no kanini a tao am kakapitwan na ranaw (7000) sira. So nikanyahey da no nimavezed pa tao a kazway da rana si Ama ta do to do teyngato.

Ipaziman 11:9

O nimapo do peycyeytetngehan a tao a kano peycyeylilyan a kano meykataretarek so ciriciring a kano peycyamahamahatawan na am mangay da citahen o kataotao da so kasisi so ikapat a araw. Ji da amya o tao a ambobo nira.

Ipaziman 14:20

O potaw a asi no kayo am atdesen da na do siri no ili da a katesen a kapeytotwaw no rala apo do pangangatesan so potaw. So icyakma ney ayo a omhangop so karatayan. O karaherahem na am manda do kawakan.

Ipaziman 14:8

Maniring o ikararwa no tinsi am, “Yarana mabalinas o rako a ili a meyngaran so Papilon. Ta yana itoro do tao o yamapasagpyan a saki a da yopen.”

Ipaziman 16:19

O rako a ili a meyngaran so Papilon am nimeykadwa o nikazazyan na. So ikabo na no jya nimabalinas a ili do peycyamahamahatawan na. O icyakman na sang am peyyanen na ni Ama ta do to do onowned na o raraten da no tao do Papilon. Am ori o nipakasan na sya jira ni Ama ta do to so peyoyaoyyan na.

Ipaziman 17:1

O papito a ka tinsi a makakaday no panay am amyan jira so asa a mai jyaken. Maniring am, “Sijya, ta ipacita ko jimo o ipasingkad so yasomagpyan a mavakes. Iya rana am yatomnek a rako a ili do sirisiri no aro ayo.

Ipaziman 17:18

O mavakes rana a mo nimacita am rako a ili a yatomalamozong no panipanirsirngen do karawan.” Ori rana o ciring na jyaken no tinsi.

Ipaziman 17:5

Amyan so matayo so peypeypangayan a nivatvatkan do zozogwan na. Ori rana am, “Rako a ili do Papilon a akma dey ina no mapasagpyan so kataotao da do karawan.”

Ipaziman 18:10

Manyahey sira a makacita sya meyrarahet. Ori o nipakarai da meytatanek. Maniring sira am, “To ka makasi a rako a ili a yameyngaran so Papilon. Ta yasa ka vatvatek pa am yarana meydedna jimo no pasingsingtan na jimo ni Ama ta do to.”

Ipaziman 18:18

Macita da o aob no apoy a tomemtem so rako a ili am amlololos sira. Maniring sira am, “Sino o makataha so akman sya rako a ili.”

Ipaziman 18:2

Maniring ori a amlololos am, “Yarana nimabalinas o rako a ili a meyngaran so Papilon. Ori rana am yamanoyong a yada peyvahayan no makakaday a kararay na ni Satan a da peyvahayan no yamapaoya a meyyasasalap.

Ipaziman 18:21

Makarahan am amyan so mowyat a tinsi a mangap so rako a vato a paliwaten na do awa. Maniring am, “Kakma ka sang a rako a ili do Papilon a mabalinas a ji rana meyteytotoro.

Ipaziman 18:24

Manoyong o ili do Papilon a peydednan no peyoyaoyyan na ni Ama ta do to. Ta do ili rana ori am nikawakwakan da no panoyonoywan na so ciring a kano omanop jya tao. So ikanoyong na do ili ori nikawakwakan da no tao do teyrahem.