Ipaziman 11:3 - Seysyo No Tao

³ Manovoy ko so rarwa ka meyyayob so zaping a tao a yongkad na ni Ama ta do to. Sira rana am ipeylimwang da o ciring na so adwa so ikasikalima (42) vehan.”

Ipaziman 11:3 ပူးပေါင်းရင်းမြစ်များ

Matay 11:21

Maniring am, “Inyo rana tao do Kelasin a kado Peysayta am to kanyo makasi an. Ta o mina vazay ko jinyo do dang am no nimyan pa ori do Tayar a kado Siton am jyabo kaji da nimamlisan so nakenakem a komaro do peyraratenan da.

Matay 18:16

Am no si ji na ngamiznga imo am to ka na manara so rarwa a mangay jya. O ikakman na sang am akma ney yongkad o rarwa am tatlo a ka tao do kanoyong da kalas da no mina ciring da.

Locya 10:13

“Inyo rana tao do Kelasin a kado Peysayta am to kanyo makasi an. Ta o mina vazay ko jinyo do dang am no nimyan pa ori do Tayar a kado Siton am jyabo kaji da nimamlisan so nakenakem a komaro do peyraratenan da.

Locya 24:48

Inyo o yongkad no vazay ko a nidomket do Seysyo, do mina kapakacita nyo so akman sya a vazay a nimangononong rana.

Yowani 15:27

Akman kamo sang a meylimwang nyaken. Ta nimeycicinda kamo a nimacihza jyaken no kavavayo ko pa mangnanao.

Yowani 3:27

Maniring si Yowani am, “No abo si Ama ta do to a omoyat do tao am abo do tao o makapakavos so vazay.

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 13:31

O mina kararay na apo do Cyadidi a mangay do Yelosaleng am nimacita da si Yeso a nimirwa a mavyay do sikapat a ngarnan (40) so araraw. Sira ori nimeylimwang ni Yeso jyaten a tao do Yotay, do kanimakacita da sya.

Nimlivolivon 2:32

“Ta si Yeso am nivyay ni Ama ta do to. Ta yamen rana am yongkad no akman sang a vazay. Ta nimacita namen rana ori a nimavyay. So namen pancyan nya jinyo.

Nimlivolivon 3:15

Am ori o nizakatan nyo si Yeso a yapwan no to meyyonong a ikavyay no pahad. Am kanimapeyvangon na sya ni Ama ta do to. Yamen rana am yongkad na yamen a nimakacita sya.

1 Kedinto 12:28

Do kyokay na ni Ama ta do to am yamakakaday o tao a nipamnekan na mahap so vazay na. O ney manma na am nipamnekan na ni Yeso a amlivolivon no ciriciring na. Tomonton am mangononong so ciriciring na. O ikatlo na am mangnanao no ciriciring na, katwatonton na rana no meyvazay so mapeyzokab a vazay a kapacyangay da rana no manvonas so ingingnen no tao a kano marilaw no icyatatao da kano makayokod no aro a sinjya kano meyzezyak so macitarek a ciring.

2 Kedinto 13:1

Ikeypitlo ko na ya mangay a tomita jinyo. Naknakmen nyo an. Ta taosya o kapaciraherahet nyo ano jya rarwa, tatlo o yongkad nyo a nimakacita sira. Ta ori o ikanoyong na. Ta ori rana am ciring do Seysyo.

Ivoso 4:11

Iya o nimanta no tao so teneteneng a kano oyowyat da. Nitenngan na o tatasa ka tao a amlivolivon no ciriciring na, kapamnek na do tatasa ka tao a mangononong so ciriciring na, kapamnek na do tatasa ka tao a meylimwang no Mapasaray a Ciriciring na. So iyan no tao a panirsirngen do kyokay amnanao so sinjya.

Ipaziman 1:5

a kani Yeso Kizisto a ta ipeyhanhan so ciring. Iya rana am ney manma na nimirwa a mavyay. Si Yeso Kizisto rana am yatomalamozong no panipanirsirngen do karawan. Na ikarilaw yaten. Na nipahawa yaten no rala na do yata peyraratenan.

Ipaziman 11:2

Am ji mo aktoktoi o pantaw na, ta o pantaw na am yarana nitoro do beken a tao do Yotay. Sira rana am ipeykaraherahet da o akma ney ili ni Ama ta do to a yadwa so ikasikalima (42) a vehan.

Ipaziman 11:6

Amyan so oyowyat da amzazat do cimoy do peylimwangan da no ciring na ni Ama ta do to. So talamozongan da no tozongan no ranom a kapeyvaliw da so ranom a rala. So iyan no oyowyat da a mapeykaraherahet so tao do karawan no makakaday a alalaw. Am jyapingsan o araraw no ipeykaraherahet da so tao.

Ipaziman 12:6

a kaksoz no mavakes do kahasan a kangay na do angayan na nya ni Ama ta do to. So nipeyveyveknan na sya ni Ama ta do to so adwa so ikasikalima (42) a vehan.

Ipaziman 13:5

So nipyan na pa no kamolay so omalalam a mapazway a omraherahet si Ama ta do to a kapya na sya to ngonongonong do vazay na do adwa so ikasikalima (42) a vehan.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 20:4

Macita ko o aro a lilisnan no panirsirngen a lisnan no tao. Sira rana am mamimin sira nipanta na so oyowyat da a mapacici a mapeykapyapinpin so tao. So nipakacittan ko so pahad da no niwakwak da a meylimwang no nanao ni Yeso a kano ciriciring na ni Ama ta do to a tao. Sira rana am ji da niraralay o omalalam a kano kamamagenan na. Jidket do zozogwan da kado lima da o ngaran no omalalam. Sira rana am nimamimin sira nimirwa a mavyay a kapacizanod da ji Yeso a meypanirsirngen do asa zivo (1000) a awawan.