Ipaziman 1:4 - Seysyo No Tao

⁴ Yaken rana am si Yowani ko. Yako ipeyteygami sira o yapito a ka kyokay do Yasiya pongso. Inaoy no si itoro na jinyo o ikapiya no onowned nyo a kano pangangarilawan a apo ji Ama ta do to a jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan a kano Seyzi na ni Ama ta do to,

Ipaziman 1:4 ပူးပေါင်းရင်းမြစ်များ

Yowani 1:1

No kaji na pa amaogan no karawan am amyan rana o Ciring ni Ama ta do to. O Ciring rana am macilovot ji Ama ta do to. O Ciring am manoyong a Tao do to.

Nimlivolivon 19:10

O akman rana sang a vazay am mina kadwa kawan. Tana tao do Yotay a tana tao do Sila am nimamimin sira o meyvahay do Yasiya a nimakamizing so ciring ni Yeso Kizisto.

Nimlivolivon 2:9

Yamyan jyaten eya so tao do Patiya kano tao do Mitiya kano tao do Ilan a kano yapo do Meysopotamiya kado Yotay a kado Kapatocya kado Pento a kado Yasiya,

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

1 Kedinto 1:3

Inaoy no si itoro na ni Ama ta do to a kani Yeso Kizisto a Panirsirngen ta o pangangarilawan na kano ikapiya no onowned nyo.

2 Kedinto 1:2

Inaoy si itoro na ni Ama ta do to a kani Yeso Kizisto a Panirsirngen ta o pangangarilawan na kano ikapiya no onowned nyo.

Sipolay 13:8

Ta si Yeso Kizisto rana am tana no kakyab a tana sicyaraw eya a tana todangay no makwa am yajyablis.

Yake 1:17

O makakaday a yatey pipya a vazay am yamamimin a yapo ji Ama ta do to a yanimangamaog so araw a kano vehan a kano mata no hanit. Iya rana am jyabliblis so pamnemnekan.

Ipaziman 1:1

O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.

Ipaziman 1:11

Maniring am, “Imo rana am vatvatkan mo o mo macita a kaparara mo so vakong do apito a ka kyokay do Ivoso a kado Semayna kado Peycyamo a kado Tiyatila kado Satise a kado Veylatevey a kado Lawticya.”

Ipaziman 1:17

Macita ko am to ko naziyazikaz do tangain na, akman rana so nimawakwak a tao. Meyratateng am pinanan na yaken no wanan na. Maniring am, “Ji ka nyahey. Ta yaken rana am nikapwan na kano pangavosan na.

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Ipaziman 1:8

Maniring si Ama ta do to a Panirsirngen ta am, “Yaken am Aarva kano Yamicya a nikapwan na kano pangavosan na no aro a vazay eya.” Ta si Ama ta do to rana am jyablis a Tao do to a nimapo no kakwa a na kato ngayyan sicyaikwaya a mangay do kaidan no karawan.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 16:5

Maniring o tomalamozong no ranom a tinsi a nimamizing ko pa am, “Imo rana yamyan sicyaikwaya kano kakwa a yaji meylimoteng so onowned am ka manoyong a yaji mapeycyakaban so tao a yamapacici.

Ipaziman 2:12

“Ipeyteygami mo o yamimong no kyokay do Peycyamo. Si maniring ka am, ‘Yamaniring o yameypinan so yamatarem a ipangan am:

Ipaziman 2:18

“Ipeyteygami mo o yamimong no kyokay do Tiyatila. Si maniring ka am, ‘Yamaniring o Anak na ni Ama ta do to a yakmey apoy so mata yamanikap a yameyyai so yakmey aswaz a nilinasan am:

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 22:16

“Yaken rana am si Yeso ko. Nimanovoy ko so lamlamsoy ko a tinsi a meylimwang nya jinyo so vazay eya do peycyakyokyokayan na. Yaken rana am sivovoong na yaken ni Tawey. Yaken rana am akmey karow a mata no hanit.”

Ipaziman 22:8

Yaken rana am si Yowani ko. Manoyong o kanimakacita ko so aro a vazay eya. Mamizing ko a macita am meylilitod ko do tangain no tinsi a nimapacita jyaken so aro a vazay eya a amraralay nya.

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.

Ipaziman 3:14

“Ipeyteygami mo o yamimong no kyokay do Lawticya. Si maniring ka am, ‘Yamaniring o meyngaran so Amin a yatey manoyong a ipeyhanhan so ciring a yapwan no makakaday a na nyamamaog ni Ama ta do to am:

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Ipaziman 4:5

Amyan so to meycicilat a kano gomanazegez a nimapo do lilisnan no panirsirngen a keyyan no apito a ka zampo a amlila do tangain no lilisnan. Ori rana am Seyzi na ni Ama ta do to.

Ipaziman 4:8

So ikamimin da meykanem so panid no apat a omalalam am tana sazapen na, tana likod na am makakaday no mata na. Sira rana am abo maraw a abo mahep a to da meyyanwanooji. O anwanood da am, “Mo ji meylimoteng so onowned a Panirsirngen a tey mowyat a Tao do to a to meyyonong a mavyay a nimapo no kakwa, kasicyaikwaya kano kangay na do kaidan no karawan.”

Ipaziman 5:6

Karahan am macita ko o Kagling a amyan do avak no lilisnan a kano apat a ka omalalam a kano kamanrarakehan. O Kagling rana am akma raney niwakwak da a apito so ozong a kapito no mata na. O mata na am Seyzi na ni Ama ta do to a nitovoy na mangay do teyrahem.

Ipaziman 8:2

Makarahan am macita ko o papito a ka tinsi a meytatanek a maponged no teyhesa ka zapa.