Ipaziman 1:3 - Seysyo No Tao

³ O amvilang do vakong eya tao am tey yapya sira. O makamizing so yana nipaziman a ciring a kapangonong da jya am tey yapya sira o akman sang a tao, ta yarana makeykai o araraw na no ipakaranes na.

Ipaziman 1:3 ပူးပေါင်းရင်းမြစ်များ

Matay 24:15

“Macita nyo no makwa o nipanci ni Taniar a mapaoya a somazovaz si Ama ta do to a mangay da patneken do ji nyo mamyapyan a tankan na. (No vilangan nyo o ciring eya am to nyo na naknakma o peypeypangayan na.)

Locya 11:28

Maniring si Yeso am, “Manoyong ori am omamizing so ciring na ni Ama ta do to a kapeyvazay na sya am tey yapya o akman sang a tao!”

Loma 13:11

Peyvazain nyo o akman sang. Ta nyo katenngan o kakeykai na rana ni Yeso a mai a mahap jyaten. So ji nyo to ngitkehi. Ta meytataziman kamo.

Loma 13:12

Yakomavos rana o marahet a vazay da no tao do karawan. Na kapakaranes rana no yapiya na patazadangan jyaten ni Ama ta do to. Am ori o ji ta to peyvazai so jyapsepsek a vazay ta. Ta kahap ta so apiya vazay akmey voovoo a ipakaharag ta so amlita jyaten a Satan.

1 Pite 4:7

Yarana masngen o ikavos no karawan. Makowyowyat kamo pa omzat do onowned no kataotao nyo. Ta ori o ikabo no raraten a makazazat do inozi nyo.

2 Pite 3:8

Am ji nyo a hamangi o meykasa vazay, manga kakteh an. Tana kasaraw a tana makazivo awawan am meyyangay ori ji Ama ta do to.

Ipaziman 22:10

Maniring pa jyaken am, “Ji mo naywa o ciriciring do vakong eya, ta makeykai rana o araraw na no ipakaranes no vazay eya.

Ipaziman 22:12

Maniring si Yeso am, “Meytataziman kamo an. Ta yako makeykai rana a mai. Yai ko o nakem ko so omanoyong jyaken a tao am to ko palolwa do kapyapya no iwawalam da o nakem ko sira.

Ipaziman 22:20

Si Yeso a yamacyanoyong do aro a ciring eya am na ipanci, “Yamanoyong o kakeykai ko na a mai.” Amin. Mo Yeso Kizisto a Panirsirngen, mai ka rana.

Ipaziman 3:11

Ko na makeykai a mai. Am ori o ji nyo amtaji no kapangononong nyo do ciring ko an, a ji mamyapya no tao a mehes so azaw nyo a jyablis so onowned.