Ipaziman 1:18 - Seysyo No Tao

¹⁸ Yaken rana am to ko meyyonong a mavyay. Nimawakwak ko no kakwa. Am ko na mavyay sicyaikwaya a mangay do kaidan no karawan. Yaken rana am yatomalamozong no kawakwakan a kano yaomanam pa vazay ko do mawakwak a tao.

Ipaziman 1:18 ပူးပေါင်းရင်းမြစ်များ

Matay 11:23

Inyo rana tao do Cyapaynong am manngwa, nyo ipanci o kapakaranes nyo do teyngato? Jyabo kaji nyo akasan do kararatan a, do kanimakacita nyo so mapeyzokab a vazay ko a. Am no nipeyvazay ko do Sotoma am yabo kanimbalinas ko sira.

Matay 16:19

Itoro ko jimo o ipangingiwang do italamozong ni Ama ta do to. O ji mo mya do teyrahem am akman sang a ji mya do teyngato. O apyahen mo do teyrahem am akman sang a apyahen do teyngato.”

Locya 24:5

So nikanyahey da ambengbeng so moing da. Maniring o rarwa ka tinsi jira am, “Ikongo nyo ipeykala so mavyay a tao do yanan no nimawakwak a tao.

Yowani 11:25

Maniring si Yeso am, “Yaken o mapeyvangon so nimawakwak a tao. Yaken o yapwan no inawan no tao. Tana nimawakwak rana sira o omanoyong jyaken am mirwa pa sira mavyay.

Yowani 14:19

Alikey rana kaji da na makacittan jyaken no ji nganoyong jyaken a tao. Am inyo am macita nyo pa yaken no si mirwa ko pa a mavyay. So ikakman nyo sang a makahap so to meyyonong a ikavyay no pahad nyo.

Loma 6:9

Ta tanyo na katenngan si Kizisto a nimirwa a mavyay. So ji na rana wakwaki. Ta abo o oyowyat a makawakwak sya.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

Cyalatay 2:20

Am ori an, ikabeken a yaken rana no yamavyay sicyaikwaya. Ta si Kizisto rana o yamavyay do onowned ko. O yako ikavyay sicyaikwaya am yako ipeyhanhan o Anak na ni Ama ta do to. Na nikarilaw yaken a na nyangay no inawan.

Kelosi 3:3

Ta inyo rana am yamyan rana jinyo so vayo a onowned nyo a ji nalamozongan rana no raraten. Ta kamo rana macikaop ji Yeso Kizisto a kani Ama ta do to.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 12:2

To ta peyyononga a peyyanen do onowned ta si Yeso Kizisto. Ta iya rana am nimapapo so kapeyhanhan ta ni Ama ta do to. So ika iya na no mapeynyangavosan syaha. Ji na nikamama o jyojika do tangain na. To na nazibwan o peyleylakan da sya a wakwaken do jyojika. Ta katenngan na o kapeyvoga no sarasaray na no makwa. So na rana ilisna do wanan na ni Ama ta do to sicyaikwaya.

Sipolay 7:25

Am ori o yana ikanoyong a yamakasidong so yaomanop ji Ama ta do to a tao, do yana kato meyyonongan a mavyay a yamapasyasi nyaten ji Ama ta do to.

Ipaziman 10:6

kasirisiring na si Ama ta do to a nimangamamaog so hanit a kano teyrahem a kano awa kano meycyamadadayan a nyamamaog na. Maniring am, “Ji rana inini ori.

Ipaziman 15:7

O asa do apat a ka omalalam am itoro na o apito a ka vowawan a panay do papito a tinsi a kapnowan no oyaoya no to meyyonong a Tao do to.

Ipaziman 2:8

“Ipeyteygami mo o yamimong no kyokay do Semayna. Si maniring ka am, ‘Yamaniring o nikapwan na kano pangavosan na a yanimirwa a mavyay am:

Ipaziman 20:13

Makarahan am patwawen na no awa o nimawakwak a tao. Akman sang o kacyan a mapatwaw so nimawakwak a tao so pahad. Sira rana am to macilocilolo do mina raraten da no keyyan da pa do karawan o pacicyan na sira.

Ipaziman 20:14

Karahan am balinasen na o kawakwakan a iwalit do akman so awa so karakorako a lila no apoy. O apoy rana am ipirwa kawakwak.

Ipaziman 3:7

“Ipeyteygami mo o yamimong no kyokay do Veylatevey. Si maniring ka am, ‘Yamaniring o yaji meylimoteng so onowned a tey manoyong am: Yaken rana am akman ko so panirsirngen a meyngaran so Tawey a yatomalamozong no kagi. So ikabo no tao a makaneb do niwangan ko. O yako nyaneban am abo makeywang jya.

Ipaziman 4:9

O anwanood da no apat a ka omalalam am azwazway a kano keynakem a kano sarasaray a yanood da so to meyyonong a mavyay a omlisna do lilisnan ang. No meyyanwanood sira o omalalam am,

Ipaziman 5:14

Maniring sira o apat a ka omalalam am, “Yamanoyong,” a kapeylilitod da rana o kamanrarakehan a omraralay nya.

Ipaziman 6:8

Citahen ko am macita ko o baka akman rana so kakawan so keyteytawan. O maoran do baka am meyngaran ori so Kawakwakan a kapacitonton na no meyngaran so Heseb. So iyan no oyowyat da omwakwak so icyakapat no tao do karawan. Karwan da am mawakwak no arap. Karwan da am mawakwak no abcil. Karwan da am mawakwak no ingingnen a kano makakaday a kokoman so tao.

Ipaziman 9:1

Avyotan no ikalalima no tinsi o zapa am macita ko o asa ka mata no hanit a makas do teyrahem a kahap na so kagi no abo so takadan a gazawagaw a jyatenngi so karaherahem.