Ipaziman 1:16 - Seysyo No Tao

¹⁶ O wanan na am meypinan so apito a ka mata no hanit a somangpa so matarem a ipangan. O moing na am akman so peyignan no araw a mangowap.

Ipaziman 1:16 ပူးပေါင်းရင်းမြစ်များ

Matay 17:2

No kanang am todablis o keyteytawan ni Yeso do tangain da. So nicyakma ney araw no moing na maniray. Akman sang o talili na.

Nimlivolivon 26:13

Amyan ko do rarahan do peyignan no araw am to ko makacita so maniray apo do teyngato a mazngazngang pa kano araw a komowap jyaken a kano kararay ko.

Ivoso 6:17

Ipeyhanhan nyo si Ama ta do to a mapatazadang jinyo. Ta akma nyoy sakop o kapatazadang na jinyo ni Ama ta do to. Peyyanen nyo do onowned nyo o Ciriciring na ni Ama ta do to. Ta ori rana am akma nyoy cinalolot a nitoro na jinyo no Seyzi.

Sipolay 4:12

O Ciriciring na ni Ama ta do to am tey rako o oyowyat na. So ikowyowyat na pa kano matarem a takzes a to makatjip so asisi a kano totowang. So ikakman na sang so kowyowyat no Ciriciring na ni Ama ta do to a makateneng do onowned a nakenakem no tao.

Ipaziman 1:20

O peypeypangayan no yapito a ka peyzeyzampwan a ovay a macita mo do wanan ko am yapito a ka kyokay. O yapito a ka mata no hanit am panipanirsirngen no yapito a ka kyokay.”

Ipaziman 10:1

Nimakacita ko pa so asa ka tey mowyat a tinsi apo do teyngato a meyyayob so cinalab a meysakop so nangirang. O moing na am akma raney araw a maniray. O ai na am akma raney amlida apoy.

Ipaziman 12:1

Kapeytotwaw no mapangyangyalak a vazay do hanit. O peypeypangayan no nang am amyan so makdeng a vazay do kadadayan na so araraw. So niyan no asa ka mavakes a meyyayob so araw a kazasag na do vehan a meysakop so adwa so ikarwa (12) a mata no hanit.

Ipaziman 19:15

So nipeytotwaw no ipangan do ngongoy na. O ipangan am ibalinas na so peycyamahamahatawan. So icyakma ney vahalang so kowyowyat a tomalamozong no peycyamahamahatawan na. So icyakma ney komates so macioya jya tao a pasingsingtan na jira no tey mowyat a Tao do to.

Ipaziman 19:21

O itaysang da am nimimin na sira niwakwak no matarem a ipangan a apo do ngoso na no maoran do malavang a baka tao. So nikabobsoy da no meyyasasalap a nimanoktok so asisi da.

Ipaziman 2:1

Maniring jyaken si Yeso am, “Ipeyteygami mo o yamimong no kyokay do Ivoso. Si maniring ka am, ‘Yamaniring o yameypinan no wanan na so yapito a ka mata no hanit a yaomalam do avak no yapito a ka peyzeyzampwan a niparing da no ovay am:

Ipaziman 2:12

“Ipeyteygami mo o yamimong no kyokay do Peycyamo. Si maniring ka am, ‘Yamaniring o yameypinan so yamatarem a ipangan am:

Ipaziman 2:16

Am ori o ipamlis nyo, ta no ji kamo mamlis am makeykai ko a mai a kabalinas ko sira no yako sangpahen a ipangan.

Ipaziman 3:1

“Ipeyteygami mo o yamimong no kyokay do Satise. Si maniring ka am, ‘Yamaniring o na yanan no Seyzi na ni Ama ta do to a kano yapito a ka mata no hanit am: Ko katenngan o nyo kasasaodan. Ko katenngan o da kapanci ninyo no tao a yamahap so nanao ko. Am yaji meyngongyod o onowned nyo jyaken.