Ipaziman 1:1 - Seysyo No Tao

¹ O vakong rana ya am na adketan no nipatwaw ni Yeso Kizisto a vazay. O na nitorwan nya jya ni Ama ta do to so akman sang a vazay am mangay na ipanci do aro a lamlamsoy na o yarana makeykai a makaranes a vazay. Si Kizisto rana am nimapahanhan so tinsi a mangay mapacita no aro a vazay eya do lamlamsoy na si Yowani.

Ipaziman 1:1 ပူးပေါင်းရင်းမြစ်များ

Yowani 12:49

Ta ko ji mangozai o kataotao ko a yamapeyciring sya. Ta ko to mangozai o ciring no yanimapahanhan jyaken.

Yowani 15:15

Ji ko na abneka inyo a lamlamsoy ko. Ta o lamlamsoy am ji na tenngi o vazay no mapalamsoy sya tao. Ko na to abneka inyo a kagagan ko. Ta ko na nimimin o yako nimamizing ji Ama a yanipanci jinyo.

Yowani 17:8

Ta ko ninanao sira o mo nitoro jyaken a nanao. Sira manoyong a yarana mahap sya. Da katenngan o yako kanoyong a yapo jimo. Da anoyngan o yamo kanitomovoy jyaken.

Yowani 3:32

Patwawen na o nimacita na kano nimamizing na. Am to da nazibwan no tao o nanao na.

Yowani 8:26

Yaro pa yako ipanci jinyo a vazay a ipamizing ko so marahet a icicirawat nyo. So ikanoyong na no yanitomovoy jyaken do teyrahem. Ta o ko nimamizing jya am ipeylimwang ko do tao do teyrahem.”

Loma 16:25

Manoyong o kazwazway ta si Ama ta do to. Ta iya rana am yamanoyong a yaomoyat jinyo a meyhanhan nya akman so Mapasaray a Ciriciring na a ipeylimwang ko a yaomagaz ji Yeso Kizisto. Ori rana am ji da nikatenngan no kakwa a nanao na ni Ama ta do to.

Cyalatay 1:12

Yabo yasa ka tao a ko nipacyamizngan a ko nipacinanawan so Mapasaray a Ciriciring na ni Ama ta do to. Ta si Yeso Kizisto o mina to manci rana nya jyaken.

Ivoso 3:3

Na nipananao jyaken ni Ama ta do to o vazay na a jyatenngi no kakwa. So yako rana ipakateneng jya. So nipakalavatan ko na sya jinyo.

Tito 1:1

Yaken rana am si Pawlo ko a lamlamsoy na ni Ama ta do to a nipamnekan ni Yeso Kizisto a omlivolivon no ciriciring na. O na nipamnekan jyaken am yana tovoin yaken a mapait so onowned da no nipamnekan na tao ni Ama ta do to a omanoyong ji Yeso. So palolwan ko sira a kapakateneng da rana do nanao na no yatamo iraralay.

Ipaziman 1:19

Imo rana am vatvatkan mo o macita mo. Tana sicyaikwaya, tana yaomanam pa a vazay am miminen mo a padketen.

Ipaziman 1:9

Yaken rana am si Yowani ko a akma nyoy kakteh do cinai. Ta yata akmey asaha do tangain ni Yeso. So yako ipacizanod jinyo a yaji macizizikna do alalaw nyo, do yana katalamozongan nyaten ni Ama ta do to. Niplin da yaken do alikey a pongso a meyngaran so Patemo do kapeylimwang ko no ciriciring na ni Ama ta do to a kano nanao a nipatwaw ni Yeso Kizisto.

Ipaziman 17:1

O papito a ka tinsi a makakaday no panay am amyan jira so asa a mai jyaken. Maniring am, “Sijya, ta ipacita ko jimo o ipasingkad so yasomagpyan a mavakes. Iya rana am yatomnek a rako a ili do sirisiri no aro ayo.

Ipaziman 19:10

So nipeylilitod ko do tangain na omraralay nya. Maniring jyaken am, “Ji ka akman sang an. Ta yaken rana ka nimo a kano akma moy kakteh do cinai a yamahap so nipeylimwang na ni Yeso a nanao am mamimin a lamlamsoy ni Ama ta do to. So raralayan mo ni Ama ta do to. Ta o nanao na ni Yeso Kizisto am meyyangay ori a kano nipangnanao da no panoyonoywan na ni Ama ta do to so ciring na no kakwa pa yato ngai sicyaikwaya.”

Ipaziman 19:9

Makarahan am maniring jyaken o tinsi am, “Vatvatkan mo o katey yapya da no nitaidan na tao a macikasaray jya a nimatarek so vahay.” Maniring pa o tinsi am, “Manoyong ya ciring na ni Ama ta do to.”

Ipaziman 21:2

Makarahan am macita ko o ili na ni Ama ta do to. Ori rana am Vayo a Yelosaleng a apo ji Ama ta do to do teyngato a nipagcin na do teyrahem. So icyakma ney meyvinavinaywan a tey mazway a citahen a mavakes a omrapong so mangay na seksekan a tao.

Ipaziman 21:9

O papito a ka tinsi a meypinan so apito a panay a kapnowan no manowji a alalaw am amyan so asa jira a nimai a manci nya jyaken. Maniring am, “Sijya, ta ipacita ko jimo o yasomeksek do Kagling a mavakes.”

Ipaziman 22:1

Makarahan am ipacita na pa jyaken no tinsi o asa ka ayo a yapwan no to meyyonong a ikavyay no pahad a to meylacilat a akma raney panganinwan a apo do lilisnan ni Ama ta do to a kano Kagling.

Ipaziman 22:16

“Yaken rana am si Yeso ko. Nimanovoy ko so lamlamsoy ko a tinsi a meylimwang nya jinyo so vazay eya do peycyakyokyokayan na. Yaken rana am sivovoong na yaken ni Tawey. Yaken rana am akmey karow a mata no hanit.”

Ipaziman 22:6

Maniring jyaken o tinsi am, “Yabo na kalalasan no ciring eya. Ta si Ama ta do to a yaniomoyat do panoyonoywan na so ciring am yanimanovoy so tinsi a mapaziman so yaomanam pa vazay do aro a lamlamsoy na. Ta ji rana meyyahahay a mai.”

Ipaziman 22:8

Yaken rana am si Yowani ko. Manoyong o kanimakacita ko so aro a vazay eya. Mamizing ko a macita am meylilitod ko do tangain no tinsi a nimapacita jyaken so aro a vazay eya a amraralay nya.

Ipaziman 22:9

Am maniring jyaken am, “Ji ka akman sang. Ta yaken rana ka nimo a kano akma moy kakteh do cinai a yana panoyonoywan so ciring a kano yamangozay do ciring do vakong eya am to meyyangangay a lamlamsoy na. So ikapyapya na pa ni Ama ta do to a iraralay mo.”

Ipaziman 4:1

Karahan am macita ko o teyngato a kacyangan. Ipirwa ko mamizing o akmey meyzapa. Maniring am, “Tanang do jya, ta ipacita ko jimo o yaomanam a vazay.”

Ipaziman 5:7

Karahan am meypasngen o Kagling do sazapen no lilisnan a kahap na so vakong do wanan no amyan do lilisnan ang.