Cyalatay 6:9 - Seysyo No Tao

⁹ Am ori o ji ta macimaziknai a mapeyvazay so apya vazay. Ta no si to ta ngotokot a mahap so akman sang a vazay am no marateng o araraw no makwa am amyan so nakem na jyaten ni Ama ta do to.

Cyalatay 6:9 ပူးပေါင်းရင်းမြစ်များ

Matay 10:22

Pacioyyan da inyo a yaomraralay nyaken. Am o jyamama no makakaday a alalaw a tao am mahap da o to meyyonong a ikavyay no pahad da.

Matay 24:13

Am o to ngotokot a jyahayo so nakem a omraralay nyaken am mahap da o to meyyonong a ikavyay no pahad da.

Matay 25:17

Akman sang o nimakahap so adwa zivo a nizpi, ta nimangay na nipeynizpi a kapakanizpi na so adwa zivo.

Matay 9:19

Makarahan am meytatanek si Yeso a omonot jya mangay. O macinanao jya am nimacilolo sira.

Make 3:3

Maniring si Yeso do meykazakazain so lima tao am, “Sijya do tangain ko.”

Locya 18:1

Ipanci na jira ni Yeso o payyaingen na sya ipait na sira a meynozi.

Loma 2:7

Yamyan so tao a yajimtad no da kapanidong so tao a yakomala so azwazway na ni Ama ta do to a kano to meyyonong a ikavyay no pahad da. O akman rana sang a tao am itoro na jira ni Ama ta do to o to meyyonong a ikavyay no pahad da do teyngato.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

2 Kedinto 4:1

Yamanoyong si Ama ta do to a yamarilaw nyamen do na kapahanhan jyamen do vazay na. Ori o namen rana jyaraci nya so onowned.

2 Kedinto 4:16

Am ori an, namen jyaraci nya so onowned. Tana ji namen a ngahay a yameypararakeh am yamangday do araraw o onowned namen a yameypahagnat.

2 Kedinto 9:6

Manakem nyo an. Ta o apereh so nipamowa am apereh o mahap da. O aro so nipamowa am aro mahap da.

Ivoso 3:13

Am ori an o ko pakotokotan pa sya jinyo. Taosya o kahaha nyo so nakem do iyan no alalaw ko. Ta o akman sang am isaray nyo o mina kapeylimwang ko no ciriciring na ni Ama ta do to jinyo.

2 Tesalonicya 3:13

Manga kakteh, ji nyo macimazai o kapeyvazay nyo so apipiya vazay.

Sipolay 12:3

Naknakmen nyo o mina vazay na to nomok so avavay da sya no meyraraten a tao. Ta ori o ji nyo a vokahawi no ingalaw da jinyo.

Sipolay 12:5

Manngwa, nyo na todahamangi o na ivavaga jinyo akman so inyapwan a amvavaga do anak na? Ta no maniring am, “Imo rana anak ko am azimanen mo o nanao ni Ama ta do to. Ji ka todarahet rana so onowned a nanawen na.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Yake 5:7

Am ori manga kakteh an, ji nyo macimangsahi a omapananala si Yeso Kizisto a Panirsirngen ta mai. To nyo nita o omhakakaw a tao a ji macimangseh a mapanala so cimoy a mapasaod so nihakawan na.

1 Pite 2:15

Ta o nakenakem na jinyo ni Ama ta do to am zazatan nyo no apiya icicirawat nyo o ji mamayok a ciring da no macioya ji Ama ta do to a tao.

1 Pite 3:17

No nakenakem ni Ama ta do to o kapeyrarahet da jinyo do kanoyngan nyo am cyaha. Ta apyapya rana ori a kano peyrarehtan da jinyo do kalasan nyo.

1 Pite 4:19

Am ori an, no si nakem na ni Ama ta do to o kapakasazi da no tao so alalaw am ji da macimazai o kapanidong da so tao. Ta ipeyhanhan da si Ama ta do to a nimangamaog so tao do karawan a makasidong sira.

Ipaziman 2:17

“ ‘O ciring no Seyzi so peycyakyokyokayan na am amizngen nyo a yameycicilwan a tao an. Sira rana a jya nimablis so onowned a tao am itoro ko jira o kanen apo do teyngato a meyngaran so mana a yajyasingkad no mata sicyaikwaya a kapanta ko nya so malavang a veysen a adketan no vayo a ngaran. O mahap so veysen a tao o makateneng do ngaran a domket do veysen ang.’

Ipaziman 2:3

Yakamo tey mowyat so onowned a ji macizizikna do aro a alalaw nyo a mahap so vazay ko.

Ipaziman 2:7

O ciring no Seyzi so peycyakyokyokayan na am amizngen nyo a yameycicilwan a tao an. Sira rana yamakata tao am ipanta ko sira so oyowyat da a koman so asyasi no kayo a yapwan no to meyyonong a ikavyay no pahad da ji Ama ta do to do teyngato.’