Cyalatay 6:8 - Seysyo No Tao

⁸ Ta no myan so tao a to mangozangozay do nakenakem na am mangay o kapakahap na so to meyyonong a alalaw do makotokotod a lila no apoy. Am no si pangozayan na o ahapan na sya no Seyzi na ni Ama ta do to am mahap na o to meyyonong a ikavyay no pahad na do teyngato a itoro no Seyzi.

Cyalatay 6:8 ပူးပေါင်းရင်းမြစ်များ

Matay 19:29

O mahap so vazay ko a to rana ngaro do kavavahay da kano kakakteh da kano inyapwan da kano minapodpod jya kano nihakawan da am arwaro pa o makadpeh jira a kapakahap da so to meyyonong a ikavyay no pahad da.

Matay 25:46

O akman rana sang a tao am todangay no makwa o pasingsingtan jira. Am sira rana o ji meylimoteng so onowned a tao am mahap da o to meyyonong a ikavyay no pahad da.”

Locya 18:30

arwaro pa o padpehen na jya sicyakwaya. No makwa kapeyvangon no tao am mahap na rana o to meyyonong a ikavyay no pahad na an.”

Yowani 4:14

Am o amyop so itoro ko a ranom am to sira meyyonong a ji rana awaw. O itoro ko jya ranom am akmey atbod do onowned na a komalangboy. So ikanoyong na makahap so to meyyonong a ikavyay no pahad na.”

Yowani 4:36

O mapanop so tao a omanoyong do nanao ko am arako o nakem ko jya. Sira rana omonot do nanao ko am mahap da o to meyyonong a ikavyay no pahad da. Katonodan no nang o amhakakaw a tao. Ta o pamowahen no asa ka tao am macivonong sira o karwan tao. So ikanoyong da tey masaray a tomaham do nihakawan da. Akman so meylimwang no ciriciring na ni Ama ta do to a kano omanop so tao a omanoyong jya an, ta tey masaray sira an.

Yowani 6:27

Taosya o kaziknan nyo no ji mamayok a kanekanen. Ta apyapya pa o kaziknan nyo no kanen a yapwan no to meyyonong a ikavyay no pahad nyo. O kanen rana ori am yaken o yatomoro nya jinyo. Ta yaken a Nipamnekan na ni Ama ta do to a tao o tomoro no akman sang jinyo. Ta yarana amyan jyaken so oyowyat na ni Ama ta do to. Ori rana am yongkad na no yanitomovoy jyaken.”

Loma 13:14

Ahapen nyo si Yeso Kizisto a Panirsirngen ta, akma nyoy voovoo a ipzat nyo do onowned nyo. Ji nyo to mamyapyan o kapeyraraten nyo. So ingtwan nyo do kataotao nyo.

Loma 6:13

Ji nyo mamyapyan o peyvongvongwan nyo a peylamlamsoin no raraten. Ta itoro nyo o kataotao nyo ji Ama ta do to a mahap so vazay na. O torwan nyo no kataotao nyo ji Ama ta do to am ahapen nyo o apya vazay na. Ta iya o na yapwan no vayo a inawan ta.

Loma 6:23

Ta o kapalit no raraten am mangay do makotokotod a lila no apoy a mangay no makwa. Am o yazaw na ni Ama ta do to so yamacibedbed ji Yeso Kizisto a Panirsirngen ta am ipanta na so to meyyonong a ikavyay no pahad da.

Loma 8:11

No si myan jinyo o Seyzi na ni Ama ta do to a niomvyay si Yeso Kizisto am akman kamo sang a ipirwa na avyain ni Ama ta do to, do kowyat na jinyo no Seyzi na ni Ama ta do to.

Loma 8:13

Ta no si to nyo mangozai o adan a onowned nyo am jyabo kaji nyo angayan do kararatan a. Am no si onotan nyo o Seyzi a komaro do raraten nyo am jyabo kaji nyo avyayan do teyngato a.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

1 Kedinto 15:42

Akman so sang, ta meytarek o kataotao ta do teyngato a kado teyrahem. Ta no si mirwa ta mavyay am vayo rana o kataotao ta a ji rana wakwak.

Cyalatay 6:7

Ji kamo manayotayo do tangain na ni Ama ta do to. Ta abo matayo ta do tangain na. So ikanoyong no kapacilocilolo no mahap no tao do makakaday a mina vazay na.

1 Timotay 1:16

Am kanikasi na nyaken ni Ama ta do to. Ta si Yeso Kizisto am manoyong a nimapapalit do nakenakem ko a meyraraten a tao. Na jyahaywan yaken a tey rako so raraten a tao. So ipakateneng da rana do pangangarilawan na ni Ama ta do to no manownowji amraralay nya tao, kapakahap da rana so to meyyonong a ikavyay no pahad da.

Tito 3:7

O pangangarilawan na ni Ama ta do to am ori o ikapya ta na so nakenakem jya, ta abwata rana o raraten ta do tangain na. So ikanoyong ta mapananala so kapakahap ta rana so to meyyonong a ikavyay no pahad ta.

Yake 3:18

O makakaday a apiya vazay am akma ney asi no nipamowa a nanao ni Ama ta do to do onowned no tao a mapeypapya so onowned da kano icyatatao da.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:19

Ipanci da o kapeypapya da no macilolo jira. Am jyakman sang, ta kapasagpyan da so icicirawat da. So ikanoyong no macihza jira tao a kalamsoyan no makakaday, do katalamozong na nira no raraten.

Yota 1:21

Ji nyo ngawawan do onowned nyo o pangangarilawan na ni Ama ta do to a meyhanhan ni Yeso Kizisto a Panirsirngen ta a marilaw ninyo a manta ninyo so to meyyonong a ikavyay no pahad nyo.

Ipaziman 22:11

O meyraraten am jyablis o kapeyraraten da. O mapasagpyan so aktokto da am jyablis o vazay da. O manidong so tao am jyablis o kapanidong da. O ji meylimoteng so onowned am jyablis o kaji da meylimotengan so onowned.”