Cyalatay 6:3 - Seysyo No Tao

³ O mapakateneteneng a tao am akma ney littan o kataotao na.

Cyalatay 6:3 ပူးပေါင်းရင်းမြစ်များ

Locya 18:11

Meytatanek a meynozi o tao a macyagom do Vadisay am ipanci na o, ‘Mo Ama do to, ko isaray imo, ta ko jyakman so karwan no tao a yamangagom, mangzakza so icyatatao na, manlita. Ko jyakman so mapeyvazay so deyking a tao a yameyraraten.

Nimlivolivon 5:36

Ta no keypisa am amyan so tao a nimai a meyngaran si Teota a mapakarakarang so kataotao na kapacilolo da no kakapatan a poo (400) a tao. Am wakwaken da si Teota am to sira na meyvwak o nimacilocilolo jya tao, kabo na rana no angangayan na.

Loma 12:16

Peyyangangain nyo o tao a sidongen. Ji nyo pahama o nakenakem nyo, ta pehbowen nyo o nakem nyo. Ji kamo mapakateneteneng.

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

1 Kedinto 13:2

Tana mateneng ko a mangononong so ciriciring na ni Ama ta do to a yanan no makakaday a teneng a makateneng do nanao na ni Ama ta do to a mowyat so nakenakem a to rana makapeylis so tokon a mangay do awa, kabo no pangangarilawan ko so icyatatao ko am ikongo peypeypangayan na no nang.

1 Kedinto 3:18

Ji nyo ngalalasa o aktokto no kataotao nyo an. No amyan jinyo so ominara so icicirawat no tao do karawan a mapazway so teneng na am iptad na rana o kapakateneteneng na. Ta ori o ikanoyong na mateneng a tao.

1 Kedinto 8:2

O mapakateneteneng a tao am jyanoyong o katenngan na.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 3:5

Am beken a namen pangozayan o oyowyat namen a yamapeyvazay so sya. Ta o yakapwan no oyowyat a kano teneteneng namen a yamapeyvazay so sya am yapo ji Ama ta do to.

Cyalatay 2:6

Am sira rana panipanirsirngen am ji ko ngezsangan o keynakem da, kato da katawwan. Ta si Ama ta do to rana am ji na nita o akman sang. O ko pancyan no nang am abo nikarahet da do ipangnanao ko.

Cyalatay 2:9

Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

2 Timotay 3:13

Ta o meyraraten rana tao a kano mangnanao no malas a tao am meypeyparahet o vazay da. Ta alalasan da o tao am akman sang sira kalittan.

Yake 1:22

Taosya o kamizing so ciriciring na ni Ama ta do to a ji peyvazaya. Ta o akman rana sang am alalasan o kataotao.

Yake 1:26

No myan so tao a mapakakdekdeng so nakem ji Ama ta do to a kaji na amzatan do ciring na am alalasan na o kataotao na. So ikabo no peypeypangayan na no kararalay na ni Ama ta do to.

1 Yowani 1:8

No si ipanci ta o kabo no raraten ta am alalasen ta o kataotao ta, do kaji ta mangononongan do nanao ni Ama ta do to a nimamizing ta.