Cyalatay 6:16 - Seysyo No Tao

¹⁶ Inaoy no si ikarilaw na sira ni Ama ta do to o yamangozay do ciriciring ko, pacyangayan da no tao do Yotay a kano beken a tao do Yotay, kapanta na nira so ikapiya no onowned da.

Cyalatay 6:16 ပူးပေါင်းရင်းမြစ်များ

Yowani 1:47

Macita ni Yeso si Natannay mangay jya am maniring jya am, “Yameysinogat ori a Isedi a tao. Yabo do onowned na o yamalahet.”

Yowani 14:27

Ko itoro jinyo o ikapiya no onowned nyo. So na ikanoyong a yapo jyaken no apiya onowned nyo. Am meytarek ori a kano ipanci da no tao do karawan ikapiya no onowned. Am ori an, ji nyo a raci so onowned. Ji kamo anyahey.

Yowani 16:33

O ko pancyan no nang jinyo am ko ipadnadna so nakem nyo a macikaop jyaken. Am mangay o kalalaw da jinyo no ji manaralay a tao. Am ji kamo a zabab so onowned an. Ta ko na niharag o yamrahet so karawan.”

Loma 1:7

Am ori o yako peyteygamyan ninyo a na tey karilaw ni Ama ta do to a tao do Loma a yamanoyong a na italamozong ni Ama ta do to. Inaoy si itoro na o pangangarilawan na kano ikapiya no onowned nyo ni Ama ta do to a kani Yeso Kizisto a Panirsirngen ta.

Loma 4:12

Akman sang, ta yada akmey ama no yarana niyongkadan do kataotao da tao. Am beken a yada kanimyongkad rana do kataotao da, ta yada inarahen pa si Apolahan a yameyhanhan ni Ama ta do to.

Cyalatay 1:3

Inaoy si itoro na ni Ama ta do to a kani Yeso Kizisto a Panirsirngen ta o pangangarilawan na kano ikapiya na no onowned nyo.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

Cyalatay 5:16

O yako ipanci am onotan nyo o peypalanginan na ninyo no Seyzi an. Ta ori o ipakazazat nyo do onowned nyo a to mangozangozay do apyahen nyo no nakem.

Cyalatay 5:25

Manoyong o kanimanta na rana nyaten no Seyzi so vayo a onowned ta. Am ori o na ikanoyong a yatomalamozong nyaten.

Ivoso 6:23

Inaoy no si itoro na ni Ama ta do to a kani Yeso Kizisto o ikapiya no onowned nyo, a kazagoman nyo a yamraralay ni Ama ta do to, a kapanta na ninyo so manoyong a pangangarilawan nyo, a kakdeng nyo na so nakem a meyhanhan nya.

Veydipi 3:16

Am ji ta ablis so nakenakem a mangozay do manoyong a nanao a nimamizing ta.

Veydipi 3:3

Ta yaten rana am manoyong a niyongkadan na rana ni Ama ta do to, do kasidong na jyaten no Seyzi a yamraralay ni Ama ta do to. So ta ji mangozai do makakaday a iwawalam da no tao do Yotay a mapeypapya jyaten do tangain na ni Ama ta do to, ta si Yeso Kizisto o ozain ta. Am ori o yata ikasaray rana a yamacikaop jya.

Veydipi 4:7

Ta itoro na jinyo o ikapiya no onowned nyo a ji da tenngi no karwan no tao. Mangay na irapa do nakenakem nyo do nyo kararalay ni Yeso Kizisto.

1 Pite 1:3

Isaray takamo si Ama ta do to a Ama na ni Yeso Kizisto a Panirsirngen ta. Ta yatey rako o pangangasyan na a yanimanta nyaten so vayo a onowned ta, do yana kanimapeyvangon si Yeso Kizisto do heseb na. So anoyngan ta do akman sang a oyowyat ni Ama ta do to a mapeyvangon jyaten no makwa.

Yota 1:2

Inaoy si itoro na jinyo o pangangasyan na kano ikapiya no onowned nyo a kano pangangarilawan nyo.