Cyalatay 6:12 - Seysyo No Tao

¹² Sira rana mapazway so kataotao da a yamanci ninyo a amyongkad do kataotao nyo am o da ikakman sang am ikanyahey da sira o mapakakasi sira no mangnanao sira no jyojika na ni Kizisto. Ta makanet rana ori a mapatazadang jyaten do teyngato.

Cyalatay 6:12 ပူးပေါင်းရင်းမြစ်များ

Matay 23:27

“Inyo rana yatanwasiwasi a yamangnanao no iwawalam ni Ama ta do to a kano tao a macyagom do Vadisay am to kamo makasi. Ta inyo rana am kamo akmey niwadwadan a heseb no tao a yarana mawadwad, apiya do mata. Am o teyrahem na am kasongisongyan no totowang no nimawakwak a tao.

Matay 23:28

Kamo akman sang, ta no kamo citahen so kataotao am yabo nyo karatan. Am onowned nyo am yamangalalas a yameysaod so raraten.

Matay 23:5

O yamakakaday a vazay da am yamamimin a yada ipacita do tao. Pangain da do kataotao da o akmey kavangan a adketan no ciring do Seysyo. Da kangednged do aywayob da yapadketan so azwazong na.

Matay 5:10

“O mahap so vazay na ni Ama ta do to a tao a pakakasin da am tey yapya sira. Ta macikaop rana sira do italamozong ni Ama ta do to.

Matay 6:16

“No ji kamo mangakaday a meynozi am ji nyo nginara sira o tanwasiwasi a tao, do kakma dey mapasingat a mapacita no kaji da nimangakadayan a meynozi. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Matay 6:2

No mangazaw ka am taosya o kapacita mo nya, akman so tanwasiwasi do peyneynozyan a kado rarahan a mapacita no kasidong da so tao. Ko ipanci pa jinyo am tana mahap da o kazwayan da do karawan am abo rana mahahap da a kadmayan da ji Ama ta do to.

Matay 6:5

“No meynozi kamo am ji nyo nginara o tanwasiwasi so nakenakem a makza no keyyan da do peyneynozyan a kado rararahan a meynozi a amngongyod so kapacita nya do tao. To ko na macitangayan jinyo am tana mahap da o kazwayan da do karawan am abo rana o mahahap da a kadmayan da ji Ama ta do to.

Locya 16:15

Maniring jira si Yeso am, “Kanyo mapakapyapya so nakem do tangain no tao. Am si Ama ta do to rana am yamanita so onowned no tao an. Ta o ipanci no tao a ney makdeng na vazay am ipanci na ni Ama ta do to a jyakdeng.

Locya 20:47

Littan da o vao a mavakes do kahap da so kangangay da, kato da ngidan so inozi da mapakapyapya so nakem. Sira rana ori am mangay o kangay na jira no rako a peyoyaoyyan na ni Ama ta do to.”

Yowani 7:18

O mapagaz so ciring do kataotao na am manoyong o akman sang a mapazway. Am o tao a makza no kazwazway da so nimapahanhan sya am manoyong o akman sang a jyalas.

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 15:5

Maniring o tatasa ka amraralay ni Yeso a tao a macyagom do Vadisay am, “Jyabo kaji da yongkadan do kataotao da no beken a tao do Yotay a mangozay do iwawalam ni Moyse a.”

2 Kedinto 10:12

Namen jyadkeci namen kapazanod so kataotao namen do yamapakarakarang so kataotao da. Ta yamanoyong da kakmey ji makownong jya an, a yamapehngay so kataotao da do kadwan jira.

2 Kedinto 11:13

Sira rana mangalalas a tao am beken a meyngongyod sira a lamlamsoy ni Kizisto. Ta sira ji macipayok so icicirawat.

Cyalatay 2:14

Macita ko o iwawalam da a macisala do Mapasaray a Ciriciring na ni Ama ta do to am maniring ko ji Pite do tangain da no aro a tao am, “Imo am tao do Yotay ka. Am iwawalam mo am beken a tao do Yotay a yaji mangozay do adan a iwawalam ta a tao do Yotay. Ikeykongo ka yamgacigat do beken a tao do Yotay a mangozay do iwawalam da no tao do Yotay.

Cyalatay 2:3

Ikongo do nisaray da o vazay ko no kanang, am ori o ji da nimgacigaci ji Tito amyongkad do kataotao na a mahap so iwawalam ni Moyse. Ta si Tito rana am beken a tao do Yotay, ta tao do Sila.

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Cyalatay 6:13

Am sira rana a nimyongkad do kataotao da am da jyamimin o iwawalam na ni Moyse a yamahap. O da pancyan ninyo a amyongkad do kataotao nyo am da pazwain o kaniomamizing nyo sira.

Veydipi 1:15

Manoyong o keyyan no tatasa ka tao a manginanahet a meynenenet a meylimwang no ciriciring na ni Kizisto. Am amyan so tatasa ka tao a apiya so nakenakem a meylimwang nya.

Veydipi 2:4

Beken a o kataotao mo o manakem mo an. Ta manakem mo o kapanidong mo so icyatatao mo an.

Veydipi 3:18

Beken a ko ipisa inyo a yavavagan. So ko to lavii a yamapamizing jinyo an. O icicirawat da no aro a tao am yamacisala ji Kizisto a nimawakwak do jyojika. So da ikanoyong a akmey mapeykavosoyan si Yeso.

Kelosi 2:23

No citahen sira o amraralay no tinsi a kano tanwasiwasi a kano mapeyzaza so kataotao da manaralay so malas a iraralay am akmey apiya sira. Am sira rana am ji da pariparing o aktokto da do kataotao da. So ikabo no peypeypangayan na.