Cyalatay 6:10 - Seysyo No Tao

¹⁰ Am ori an, no myan so sidongan ta so icyatatao ta am sidongen ta sira an. Am arakorako pa o sidongan ta so akma tey kakteh do cinai an.

Cyalatay 6:10 ပူးပေါင်းရင်းမြစ်များ

Matay 10:25

O macinanao a tao am amyan so kasaraw a ipacingay da do amnanao sira. Akman sang o peylamsoin da tao, ta amyan so kasaraw a ipacikto da do mapeylamsoy sira tao. No ngaranan da o makayokod no asa ka vahay so marahet a ngaran a Peysepo am jyabo kaji da to macizagoman no macivahay jya tao a.

Matay 12:50

Ta o mahap so vazay ni Ama do to a tao am ori o abneken ko a kakakteh ko a kano ina ko.”

Matay 25:40

Maniring o Panirsirngen am, ‘To ko na macitangayan jinyo am no manidong kamo so akma nyoy kakteh do cinai a ipangoyongoyod no tao am kataotao ko na sira ori.’

Matay 5:43

“Nimamizing nyo na o ciring da no kamanrarakehan no kakwa a manci no, ‘Ikarilaw nyo sira o apapnan nyo a kapacioya nyo do kavosoyan nyo.’

Make 3:4

Makarahan am pacicin na sira o tomangay sya tao. Maniring am, “Ikongo o yata ahahapan sya do ipeywalam no tao. Manngwa, apyapya o kapanidong so tao an? No apyapya o kaji mamyayan so tao. Avyain sira an? No wakwaken sira.” Mamizing da no aro a tao am abo meyzezyak.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Yowani 12:35

Maniring si Yeso am, “Alikey o iyan na jinyo no zezak. Makabezbez kamo a omalam do iyan na pa no zezak. Ta no masari rana am ji nyo na cita o pangonongan nyo.

Yowani 9:4

Ahapen ta o vazay na no yanimapahanhan jyaken do ikavyay ta pa. Ta no si mawakwak ta rana am ji ta na makapeyvazay.

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

2 Kedinto 2:8

Am ori an o ko kakzeban jinyo amnanao sya a kapakateneng na rana jinyo a marilaw nya.

Cyalatay 1:23

Kapakamizing da jyaken a yameylimwang rana no ciriciring na ni Kizisto a nimacioya jya no kakwa pa.

Ivoso 2:19

Am ori an, ikabeken nyo rana kadwan a beken a tao do Yotay an. Ta tamo na mamimin a akma ney anak ni Ama ta do to a yakmey yasa ka vahay.

Ivoso 3:15

Sira rana o yamyan do teyngato a kano yapa amyan do teyrahem am mamimin sira akma ney anak ni Ama ta do to.

Ivoso 4:28

O nimangap so ahahapen no kakwa am ablisan na rana o panakawan na a kowyat na rana amyaw no velek na, makanakem so kapanidong na so makasi a tao.

Ivoso 5:16

No to ngyan so sidongen a tao am sidongen nyo sira. Ta ji nyo painini. Ta aliket rana o ta iyan do karawan.

Veydipi 4:10

Ko masaray do ko kararalay ni Yeso. Ta yapa mirwa o nakenakem nyo a yasomidong jyaken. So ko ipakateneng jinyo a yamasangib a yamnakenakem jyaken. Am na kabo no tao a yanyo pararan so aryarilaw nyo jyaken.

Kelosi 4:5

Apzatan nyo o iwawalam nyo a kano ciriciring nyo, ta peycitacittan da inyo no ji manaralay so Tao do to. Makateteneng kamo a meylimwang no nanao ni Ama ta do to jira.

1 Tesalonicya 5:15

Azimanen nyo an. Ji nyo patonggali o macioya jinyo a tao an. O kapasicyakarilaw nyo. O tey kakza da vazay no icyatatao nyo am peyvazain nyo.

1 Tesalonicya 5:21

Am pakanaknakmen nyo o nimamizing nyo a nanao da jinyo a kownot nyo do manoyong a nanao an.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Tito 3:8

So ikabo no kalalasan no ciriciring eya. Pakanakmen mo a ipanci jira oya an, a kowyat da no amraralay ni Ama ta do to a tao a meyvazay so apiya vazay. Ta o akman rana sya vazay am tey yapya a makasidong so tao.

Sipolay 13:16

Ji nyo hamangi o kapanidong nyo so tao. Ta o akman rana so sang a vazay am akmey nakem ta patanangen ji Ama ta do to a isaray na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 6:10

Ji mapeycyakaban si Ama ta do to. So na ji makahamangi do pangangarilawan nyo a kano vazay nyo. Ori rana am vazay nyo do karwan no sinjya a yajimtad a yasomidong sira.

1 Pite 2:5

Inyo rana a tao a na yanan no to meyyonong a ikavyay no pahad nyo am itoro nyo o kataotao nyo ji Ama ta do to. So icyakma nyoy vato a ipatnek na so panaralayan. So nyo icyakmey mapatanatanang so nakem ji Ama ta do to. Am o patanangen nyo am sarasaray nyo. So sarayan na nya jinyo ni Ama ta do to so akman sang a nakem nyo sya, ta kamo na macikaop ji Yeso Kizisto a na rana yanan no Seyzi.

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.

1 Yowani 5:1

O tao rana omanoyong ji Yeso Kizisto a Misayya am manoyong o akman sang a anak na ni Ama ta do to. O tao a omraralay ni Ama ta do to am akman sang a marilaw no akma ney kakteh do cinai, ta meyyangangay sira anak na ni Ama ta do to.

3 Yowani 1:10

No si mai ko am patwawen ko o mina vazay na, do kanimangamaog na so iraherahet na jyamen a ciring. Beken a orii o na nikarehtan. Ta iya rana am na ji naotawwa sira o akma ney kakteh do cinai a meylimwang no Ciriciring na ni Ama ta do to a na ioya sira a yapagcinen do kyokay o yatomaotao sira tao.

3 Yowani 1:11

Ji mo nginara o akman sang a marahet, mo keypong an, ta kahap mo so apiya vazay. Ta o apya so icicirawat am macikaop ji Ama ta do to. O marahet so icicirawat a tao am ji meyngongyod o akman sang a makateneng ji Ama ta do to.

3 Yowani 1:3

Makaranes sira o akma tey kakteh do cinai do jya am ipanci da jyaken o kakdekdeng mo so nakem ji Ama ta do to a manoyong a mangozay do nanao na. So nikasaray ko a makamizing sya.