Cyalatay 6:1 - Seysyo No Tao

¹ Manga kakteh, inyo rana yamakdeng so nakem ji Ama ta do to am no myan so tao a to meyraraten am ji nyo anigan a pamizngen. Am taosya o kapahama nyo so onowned nyo a mapamizing sya. So ipeytataziman nyo, ta kalittan kamo.

Cyalatay 6:1 ပူးပေါင်းရင်းမြစ်များ

Matay 11:29

Ahapen nyo o vazay ko. Inarahen nyo yaken. Ta o nakenakem ko am mapanadnad so nakem a ji makazyazyak. No si akman kamo sang am manoyong kamo a keyhepawan so kataotao.

Matay 26:69

Amhezsad si Pite do pantaw am amyan so lamlamsoy da a mavakes a mangay jya. Maniring am, “Imo asyo o yamacihcihza do tao do Cyadidi a Yeso?”

Matay 26:75

Karahan am manakem na rana ni Pite o mina ciring na ni Yeso a manci no, “Do yanam no manok a tomazokokok am ipitlo ka omalalas jyaken.” Karahan am makowbot rana si Pite a kapeykaoo na omzezezeng rana amlavi.

Matay 9:13

O ciring do Seysyo am, ‘O kakdain ko am karilaw nyo no icyatatao nyo. So ikabeken a patanangen nyo a makakaday.’ Angay kamo na kanakenakem nyo pala so peypeypangayan no ciring ang. Ta o ko nyai am beken a ko manara so ji meyraraten a tao. Ta o yameyraraten a tao am ori o yako nyai.”

Loma 14:1

O malma pa so onowned ji Ama ta do to a tao am makapya kamo jya so nakenakem an. Tana macitarek o ahahapan na sya am ji nyo a zyakan.

Loma 15:1

Yaten rana yamakdeng so onowned ji Ama ta do to am sidongen ta sira o yapa malma so onowned ji Ama ta do to, kabo rana no ikarahet da do vazay ta. Ta beken a kataotao ta o naknakmen ta.

Loma 8:6

O italamozong no adan na onowned a tao am mangay do kararatan. O italamozong no Seyzi am mahap da o ikapiya no onowned da kano to meyyonong a ikavyay no pahad da.

1 Kedinto 10:12

Am ori an, no myan so makeylamdam so nakenakem na ji Ama ta do to a makdeng rana am meytataziman ori an. Ta kalittan an.

1 Kedinto 14:37

No myan so tao a yamanci no kapangononong na so ciriciring na ni Ama ta do to a kano manci no keyyan no oyowyat na jya no Seyzi am naknakmen na o yadomket do teygami ko ya. Ta yamonganay ori ji Ama ta do to.

1 Kedinto 2:15

O yanan no Seyzi na ni Ama ta do to a tao am ori o makateneng do monganay ji Ama ta do to a vazay. Am o kabwan no Seyzi a tao am ji da tenngi o monganay ji Ama ta do to a vazay. Am ori o ji da zyaki no akman sang a tao.

1 Kedinto 3:1

Manga kakteh, ji ko na naywa jinyo o ciring ko. No kananao ko pa jinyo no kakwa am ji ko meyhanhanan inyo a ipeypalanginan na no Seyzi. Ta monganay kamo pa do karawan. So nyo icyakmey kanakan pa so nakenakem a yaji meypahagnat a yamraralay ni Kizisto.

1 Kedinto 4:21

Ikongo apyahen nyo a vazay ko si makaranes ko jinyo do dang. Manngwa, apyahen nyo o kaoya ko ninyo? No apyapyahen nyo o kasaray ko ninyo.

1 Kedinto 7:5

Am ori o ji nyo mapasalai do kadwan jinyo an. No nakem no asa jinyo so kapeynozi na am manoyong o kapeytarek nyo so alikey. Am no komavos rana a meynozi am meytovong kamo na meyyaven do vahay. Ta littan na inyo ni Satan do kaji nyo makaparingan so nakem nyo.

2 Kedinto 10:1

Yaken rana am si Pawlo ko a yamvavaga jinyo. No kamo maniring am, “Ka apiya so ciring no ka macikaop jyamen. No ka ji macikaop jyamen am mo ji ngeypeypepzaci yamen do teygami mo,” kwan nyo yaken. Am sicyaikwa rana ya am ko na hapen o kapyapya na ni Kizisto a yamapasyasi jinyo.

2 Kedinto 2:7

Inyo rana am to nyo peykabobwa, apwapwen nyo o akman sang a tao an. Ta marahet o katey meyngen na so onowned.

2 Kedinto 2:8

Am ori an o ko kakzeban jinyo amnanao sya a kapakateneng na rana jinyo a marilaw nya.

Cyalatay 5:23

ji mapahama so nakem, ji to mangozangozay do nakem. So ikabo no pasobnan na a ciriciring na ni Ama ta do to no akman sang a tao.

Cyalatay 6:18

Manga kakteh, inaoy si itoro na jinyo o pangangarilawan na ni Yeso Kizisto a Panirsirngen ta. Amin.

1 Tesalonicya 4:1

Manga kakteh, nyo na nimahap jyamen o apiya icicirawat a isaray na ni Ama ta do to. Sicyaikwa rana ya am namen vavagan inyo no ngaran ni Yeso Kizisto a Panirsirngen ta. Ta ori o ikowyowyat nyo paha a mahap so apiya vazay.

2 Tesalonicya 3:15

Am ji nyo abneka a kavosoyan nyo, ta kavavaga nyo jya akman so kakteh nyo do cinai.

2 Timotay 2:25

No akman sang o inanao na so ji ngahap so nanao a tao am ala ipanta na sira ni Ama ta do to so ipamlis da so nakenakem, kapakateneng da rana do manoyong a nanao na ni Ama ta do to.

Sipolay 12:13

Ji nyo pasala o pangonongan nyo. Ta ori o ji da tahaciji no makasapa so ai a tao. So ikanoyong nyo na karapan so onowned.

Sipolay 13:3

Manakem nyo sira o yamyan do pamemtengan a tao. Ta akma kamoy to macizanod jira aptengen da. Manakem nyo sira o peyrarehten da a tao. Ta akma kamoy to macizanod jira a peyrarehten da.

Yake 3:13

Sino jinyo o yamateneng a tao. No si myan am apyapya o kapehbo na so nakem na a mapeyvazay so apiya vazay.

Yake 3:2

Abo jyaten eya o jya nimalas so vazay. Am o tao a ji mapatwaw so marahet a ciring am manoyong o akman sang a abo so karatan, do kapakapzat na do lila na kano kataotao na.

1 Pite 3:15

Ji kamo a haha so nakem ji Kizisto. Iraralay nyo a panadnaden o Panirsirngen nyo. Mangday kamo do araraw a omnakenakem so itovis nyo do mapacici jinyo, do raralayan nyo ni Ama ta do to a mapatazadang jinyo do teyngato.

1 Yowani 5:16

No makacita kamo so akma nyoy kakteh do cinai a meyraraten am ipeynozi nyo ji Ama ta do to a kavonas na jya kapanta na nya so to meyyonong a ikavyay no pahad na. Am o omalalas do Seyzi am ji ko na mancyan o kapeynozi nyo nya. Ta manoyong o akman sang a peydednan no peyoyaoyyan na ni Ama ta do to.