Cyalatay 5:3 - Seysyo No Tao

³ Ko pazimanen pa jinyo so ipisa. No si yongkadan nyo o kataotao nyo am pangononongan nyo saon o aro a iwawalam ni Moyse am.

Cyalatay 5:3 ပူးပေါင်းရင်းမြစ်များ

Matay 23:16

“Inyo rana yakmey mavota tao a yatomirara so tao am to kamo makasi. No kamo maniring am, ‘No amyan so tao a macipeyyeyyan so nakem do rako a panaralayan am jyanoyong o akman sang. Am no si pagazen da do vowawan a yamyan do panaralayan am pangononongan da o ciring da.’

Matay 23:18

No kamo maniring pa am, ‘No amyan so tao a macipeyyeyyan so nakem do patanatanangan so nakem ji Ama ta do to am jyanoyong o akman sang. Am no si pagazen da o ciring da do akma dey nakem ori a makakaday am pangononongan da o akman sang.’

Locya 16:28

a kapamizing na pa so yalalima a kakteh ko, ta maraherahet o kai da pa macitovong jyaken a makaliliw so kataotao da.’

Nimlivolivon 15:1

Amyan so tao a apo do Yotay a nimai do Antia a omnanao so sinjya do dang. Maniring sira am, “No si ji nyo mangozai o iwawalam na ni Moyse a amyongkad do kataotao nyo a meyngongyod a Isedi am ji na patazadanga inyo ni Ama ta do to do teyngato.”

Nimlivolivon 2:40

So ikaro na pa no ciring na ni Pite a pakoyokoin na jira. Maniring pa am, “Inyo rana am macisyay kamo do meyraraten a tao an. Ta ori o ji nyo macizanoji do balinasen na ni Ama ta do to a tao.”

Nimlivolivon 20:21

Tana tao do Yotay a tana tao do Sila am yako inyo to peyyangangaya a yananawen, do ko kakza ninyo a mamlis so nakem a omanoyong ji Yeso Kizisto a Panirsirngen ta.

Loma 2:25

No kamo manoyong a yamahap so iwawalam na ni Ama ta do to am manoyong o keyyan no peypeypangayan no kayongkad do kataotao nyo. Am si ji nyo ngapa o iwawalam na am abwata peypeypangayan no kayongkad nyo do kataotao nyo.

Cyalatay 3:10

O tao a meyhanhan no iwawalam na ni Moyse am meydedna jira o peyoyaoyyan na ni Ama ta do to, do kaji da makataptapan sya a peyvazain. Ta o ciring do Seysyo am, “O tao a ji makataptap sya peyvazain so yadomket a iwawalam ni Moyse am mangay jira o peyoyaoyyan na ni Ama ta do to.”

Cyalatay 5:2

To ko na macitangayan jinyo am no si ipeyhanhan nyo o kayongkad do kataotao nyo a ipasaray nyo si Ama ta do to am abo peypeypangayan ni Kizisto jinyo.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

1 Tesalonicya 4:6

O akman rana sya vazay am taosya o kapasala nyo do akma nyoy kakteh do cinai an. Ta mangay o kaoya na no meyvazay so marahet a vazay ni Ama ta do to. Ori rana am nipaziman namen rana jinyo.

1 Yowani 4:14

Si Ama ta do to am na nitovoy o Anak na do karawan a mapatazadang jyaten do teyngato. So namen nipakacittan so akman sang, a namen kapeylimwang rana no nang do tao.