Cyalatay 5:14 - Seysyo No Tao

¹⁴ Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Cyalatay 5:14 ပူးပေါင်းရင်းမြစ်များ

Matay 7:12

No si kakzeben nyo o kapya da so nakem jinyo no icyatatao nyo am akman kamo sang so nakem jira. Ta ori o na agagazan no nivatvatkan ni Moyse a kano panoyonoywan na so ciring ni Ama ta do to.

Make 12:31

Ikadwa na am, ‘Ikarilaw mo o icyatatao mo. So to mo peyyangai so aryarilaw mo so kataotao mo a marilaw no icyatatao mo.’ So ikabo na rana no makataha so sya so kakdekdeng.”

Make 12:33

So raralayan ta ni Ama ta do to no onowned ta kano nakenakem ta kano oyowyat ta, a kato peyyangayan so aryarilaw so kataotao a marilaw no icyatatao. So ikakdekdeng no nya kano nakem ta sya vinyay a kano makakaday a patanangen ji Ama ta do to.”

Yowani 13:34

O itoro ko a vayo a inanao ko jinyo am masicyakarilaw kamo. To nyo nita o aryarilaw ko jinyo. Ta akman kamo so sang a masicyakarilaw.

Cyalatay 1:6

Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

1 Timotay 1:5

O agagazan no akman sang a ciriciring ko am ko kakzeben o kapakateneng da do pangangasyan da so tao apo do ji meylimoteng a onowned da a manoyong a meyhanhan ni Ama ta do to. So ikabo na no vazay da a somala do nakenakem da.