Cyalatay 5:13 - Seysyo No Tao

¹³ Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Cyalatay 5:13 ပူးပေါင်းရင်းမြစ်များ

Locya 4:18

“Yanimeygegcin jyaken o Seyzi na ni Ama ta do to. Ta yana nipamnekan yaken a mangay meylimwang no Mapasaray a Ciriciring na ni Ama ta do to do makasi a tao. Nitovoy na yaken a meylimwang no kasaway da rana no akmey kaneban a tao a kapakacita da rana no mavota tao a kasaliway da rana no peylamlamsoin da tao.

Nimlivolivon 20:35

Am ori o inaran nyo jyaken an. So ipakowyat nyo a meyvazay an. Ta ori o ipakasidong nyo so ji makahakaw a tao. Manakem nyo o mina ciring na jyaten ni Yeso a Panirsirngen ta. Ta maniring si Yeso am, ‘Rakorako pa o sarasaray no onowned no mangazaw a kano azawen da tao.’ ”

1 Kedinto 8:9

Am azimanen nyo. Ta ji nyo akwan kapya na jinyo o kato nyo mangozayan do kataotao nyo. Ta panadnaden nyo sira o malma pa so onowned a amrahet pa sya.

1 Kedinto 9:19

Yaken rana am yabo mapeylamlamsoy jyaken a tao. Am nakenakem ko o kakma koy lamlamsoy da no aro a tao, do ko kapanop sira.

2 Kedinto 12:15

Ko ikakza inyo a sidongen an. So ikapyapya na pa no kangay no inawan ko a kapakasidong ko so pahad nyo. Manngwa, ipeyparahet nyo so nakem jyaken o karilaw ko ninyo?

2 Kedinto 2:8

Am ori an o ko kakzeban jinyo amnanao sya a kapakateneng na rana jinyo a marilaw nya.

2 Kedinto 3:17

O yana malavat do jya Panirsirngen ta am Seyzi. O yanan no Seyzi a tao am kowvayan rana o onowned na, ta italamozong na rana no Seyzi.

2 Kedinto 4:5

Beken a kataotao namen o namen ipeylimwang, ta namen ipeylimwang si Yeso Kizisto a manoyong a Panirsirngen ta. O namen sidongan jinyo am lamlamsoy na yamen ni Yeso Kizisto.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 4:22

O nivatvatkan do Seysyo am rarwa o anak ni Apolahan. Asa am anak no lamlamsoy na. Asa am anak no meyngongyod a mavakes na.

Cyalatay 5:1

Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Cyalatay 5:22

O italamozong no Seyzi a tao am mangarilaw, masaray, apiya o nakenakem na, jyaharag no alalaw, mazonos, manidong so tao, ji mangalalas,

Cyalatay 6:2

No myan so alalaw nyo am macisidosidong kamo. Ta ori rana am nanao na jyaten ni Yeso Kizisto.

Ivoso 5:21

Masicyakanig kamo, akman so nakenakem nyo si Yeso Kizisto a yamanig nya.

1 Tesalonicya 1:3

No namen meynozi am namen isaray ji Ama ta do to o apiya vazay nyo a yongkad no nyo kapeyhanhan ni Yeso Kizisto a Panirsirngen ta, kano nyo kazikna yamangarilaw so tao, do nyo raralayan ni Ama ta do to a yatongbo so alalaw nyo a yaomapanala si Yeso Kizisto a Panirsirngen ta a yameygegcin.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

2 Pite 2:19

Ipanci da o kapeypapya da no macilolo jira. Am jyakman sang, ta kapasagpyan da so icicirawat da. So ikanoyong no macihza jira tao a kalamsoyan no makakaday, do katalamozong na nira no raraten.

Yota 1:4

Ta yamyan so yatatasa ka tao a yamacizavoz jyaten. Sira rana am yamalas o yada ahahapan so pangangarilawan na ni Ama ta do to a kano ciring na a yada ibonbon do da pasagpyanan so kataotao da. Da taosyahen si Yeso Kizisto a yamaveyvow a yatomalamozong nyaten. No kakwa pa am amyan rana so ciring a domket do Seysyo a omaing jira, do keyyan no ipasingsingkad na sira ni Ama ta do to.