Cyalatay 5:11 - Seysyo No Tao

¹¹ No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Cyalatay 5:11 ပူးပေါင်းရင်းမြစ်များ

Nimlivolivon 16:3

Palolwen na ni Pawlo si Timotay am yongkadan na o kataotao na no iwawalam no tao do Yotay, ta panadnaden na o tao do dang a makateneng ji ama na a beken a tao do Yotay.

Nimlivolivon 21:21

Mamizing da imo a nimangnanao so tao do Yotay a meyili do beken a ili da no tao do Yotay am nipanci mo kono o kataosya da so iwawalam ni Moyse. Nipanci mo kono o kataosya da rana so kayongkad do kanakan.

Nimlivolivon 21:28

Maniring sira am, “Inyo rana Isedi a tao am sidongen nyo yamen an. Ta si Pawlo rana am yaro na nipanci a macisala do iwawalam ta, na niraherahet yaten a Isedi a tao a na kapazagom pa sya a yarehrehten so iwawalam na ni Moyse a kano rako a panaralayan ta. Ta sicyaikwa rana ya am na todey rara sira a yasomdep o beken a tao do Yotay do rako a panaralayan ta. So ikanoyong na nya ya meyraraten.”

1 Kedinto 1:18

O ipeylimwang a jyojika ni Yeso Kizisto am abo o peypeypangayan na do ji manganoyong a tao. Am yaten a na patazadangen do teyngato ni Ama ta do to am tey rako ori a oyowyat na ni Ama ta do to.

1 Kedinto 1:23

Am yanamen ipeylimwang si Kizisto a nipadket da do jyojika. O akman rana sang do tao do Yotay am ipacimanig da. Am no citahen da o akman sang no beken a tao do Yotay am abwata o ayyaingan na.

1 Kedinto 15:30

Ikongo namen to nomoki sya no kalalavitan no inawan namen.

Cyalatay 2:3

Ikongo do nisaray da o vazay ko no kanang, am ori o ji da nimgacigaci ji Tito amyongkad do kataotao na a mahap so iwawalam ni Moyse. Ta si Tito rana am beken a tao do Yotay, ta tao do Sila.

Cyalatay 3:1

Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Cyalatay 4:29

No kano nang am o anak na ni Hacya am nipeyrarahet na o kakteh na si Isa a nimalikey apo do Seyzi. Yakman so tao do Yotay sicyaikwaya a yamangozay do iwawalam na ni Moyse a yamapakakasi jyaten.

Cyalatay 6:12

Sira rana mapazway so kataotao da a yamanci ninyo a amyongkad do kataotao nyo am o da ikakman sang am ikanyahey da sira o mapakakasi sira no mangnanao sira no jyojika na ni Kizisto. Ta makanet rana ori a mapatazadang jyaten do teyngato.

Cyalatay 6:17

Inaoy si papwen da sicyaikwaya o kaji da rana zyakan nyaken a meylimwang no ciriciring na ni Yeso Kizisto. Ta o aro a kozad ko do kataotao ko am ori o yongkad ko a lamlamsoy ni Kizisto.