Cyalatay 5:1 - Seysyo No Tao

¹ Na rana niovayan yaten ni Kizisto do yamvaod jyaten a iwawalam ni Moyse. Ori o ji nyo rana meyhanhani no adan a iwawalam ni Moyse.

Cyalatay 5:1 ပူးပေါင်းရင်းမြစ်များ

Matay 23:4

Sira rana am da nanawen sira o tao a mahap so tey masalit a nanao ni Moyse. Am sira am da ji mangozai.

Locya 5:38

Am ori an, o paglowan so vayo a potaw cyo do vayo a kolit no baka an.

Nimlivolivon 15:10

Nyo ileylamdamen si Ama ta do to? Nyo pancyan no kamimin no iwawalam ta tao do Yotay a ahapen da no yamraralay ni Yeso a beken a tao do Yotay? To ko na macitangain jinyo am ji da nimataptap no ineynapo ta o iwawalam ni Moyse a pangozayan.

Loma 6:14

So ji na rana nalamozongi ninyo no raraten. Ta nyo na ipeyhanhan o pangangarilawan na ni Ama ta do to a makavonas so raraten nyo. So ji na monganai do apya icicirawat nyo.

Loma 6:18

Am ori o ji na rana mapeylamlamsoi jinyo no raraten. So ikanoyong nyo na yamahap so apya vazay na ni Ama ta do to.

Loma 7:3

Am ori an, no meyigegen pa o kahanghangan na am ji to macitovong do karwan no tao. Ta o akman rana sang am somagpyan. Am no nimawakwak rana o kahanghangan na am ipanci rana ori no tao a to rana naliway. So ikapya na rana macivahavahay.

Loma 7:6

Am sicyaikwa rana ya am na rana jyagogadan yaten no nivatvatkan a iwawalam na ni Moyse. Ta ori rana am adan rana ori. So ta na pangozayan do na ipananao jyaten no Seyzi a vayo a nakenakem ta ji Ama ta do to.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Loma 8:2

Ta o Seyzi am ori o yamapanop jyaten ji Yeso Kizisto. So ta ikanoyong rana yakmey nikowvayan so raraten a kano ji na rana meydednai no peyoyaoyyan na ni Ama ta do to.

1 Kedinto 15:58

Am ori an, manga keypong an, makakdeng kamo so nakenakem ji Yeso Kizisto a Panirsirngen ta. Makowyat kamo a mapeyvazay so vazay na. Cyaha, ta nyo katenngan o kaji na liklikan so mapeyvazay so vazay na tao.

1 Kedinto 16:13

Meytataziman kamo an. Makahadpet kamo so nakenakem a omraralay ni Ama ta do to. Ji kamo a nyahey.

1 Kedinto 7:22

Ta o lamlamsoy da tao a omanoyong ji Yeso am to naliway rana sira do tangain na ni Ama ta do to. Akman so sang sira o to naliway a tao a omanoyong ji Yeso, ta lamlamsoy na sira ni Yeso Kizisto.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 3:17

O yana malavat do jya Panirsirngen ta am Seyzi. O yanan no Seyzi a tao am kowvayan rana o onowned na, ta italamozong na rana no Seyzi.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 3:25

Sicyaikwa rana ya am yarana amyan si Kizisto. Am ori o na rana ji amzaci do onowned ta no iwawalam ni Moyse.

Cyalatay 4:26

Am o mavakes a meyngaran si Salay am akma tey ina, do kakma ney mapehngehngay sya do Yelosaleng do teyngato a ji rana nalamozongan no iwawalam na ni Moyse.

Cyalatay 4:31

Ori an, manga kakteh an, ta ji macikownongi do anak no lamlamsoy a mavakes. Ta yaten rana am akma ney anak yaten ni Ama ta do to, do yata kaji mangozayan rana do adan a pangozayan a ciring.

Cyalatay 4:9

Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

Cyalatay 5:13

Manga kakteh, o na nipamnekan jinyo ni Ama ta do to am na ovayan inyo a yamvaod no iwawalam ni Moyse. Am ori o ji nyo to mamyapyai no kataotao nyo a italamozong no marahet a nakenakem nyo. Apyapya pa o pangarilawan a isidong nyo so kadwan jinyo.

Ivoso 6:14

Am ori o ipeytataziman nyo a mapeyyabtek so manoyong a nanao na ni Ama ta do to. Kalokalen nyo o apya icicirawat nyo a omaing ji Kizisto.

Veydipi 1:27

O ahahapan nyo so onowned nyo do araraw am pehngehngain nyo do Mapasaray a Ciriciring na ni Kizisto an. Tana ji ko angay a tomita jinyo a kapakamizing ko jinyo a akmey asa so pangtoktwan a kano onowned a mowyat a meylimwang no Mapasaray a Ciriciring,

1 Tesalonicya 3:8

No kamo to ngotokot so onowned ji Yeso a Panirsirngen ta am namen tongned so ninyakan.

2 Tesalonicya 2:15

Ori an manga kakteh an, makakdeng kamo so nakenakem an. O ninanao namen jinyo a ciriciring na ni Ama ta do to am meyyangay ori a kano ciriciring namen do teygami a miminen nyo a ahapen.

Sipolay 10:23

Am ori o ji ta na ablisi so nakem a to ngotokot no kararalay ta ni Ama ta do to. Ta o mina ciring na jyaten ni Ama ta do to am abo kalasan na.

Sipolay 3:14

No ji ta haha so nakem ji Ama ta do to am manoyong ta macizanod ji Kizisto a mahap so vazay na.

Sipolay 3:6

Akman sang si Yeso Kizisto a ji mapasala do vazay ni Ama ta do to a tomalamozong no amraralay ni Ama ta do to a tao. Am iya am Anak na ni Ama ta do to. No ji ta hayo a meyhanhan nya a omapanala so nakem na jyaten no makwa am manoyong ta macikaop ji Ama ta do to.

Sipolay 4:14

Am ori o pangozayan ta do nakem ta yamraralay ni Ama ta do to. Ta yata ipeyhanhan si Yeso a ney manhama na mapatanatanang nyaten so nakem ta ji Ama ta do to. Iya rana am Anak ni Ama ta do to a yarana myan do tangain ni Ama ta do to.

1 Pite 2:16

Inyo rana am kamo manoyong a italamozong ni Ama ta do to. Am ori o ji nyo rana pasngesngeni so marahet do onowned nyo. Ta manakem nyo o kakma nyoy lamlamsoy ni Ama ta do to.

2 Pite 2:19

Ipanci da o kapeypapya da no macilolo jira. Am jyakman sang, ta kapasagpyan da so icicirawat da. So ikanoyong no macihza jira tao a kalamsoyan no makakaday, do katalamozong na nira no raraten.

Yota 1:3

Manga keypong, nimanakem ko o kapeyteygami ko ninyo a pancyan ko no kapatazadang na jyaten ni Ama ta do to do teyngato. Am apyapya pa o kavavaga ko jinyo a kowyat nyo a mangozay do nipeylimwang da rana jinyo no nipamnekan na ni Yeso a amlivolivon no ciriciring na ni Ama ta do to. Ta oya rana am yajyablis a pangozayan no amraralay nya tao.

Ipaziman 2:25

Am ahapen nyo o yanyo na nimamizing a nanao ni Ama ta do to mangay do ikeypirwa ko a meyhekas do karawan.

Ipaziman 3:3

Am peyyanen nyo do onowned nyo o yanyo nimamizing a nanao ni Ama ta do to a kapangononong nyo jya a komaro do raraten nyo. No si ji kamo yokay am ji ko mapaziman a mai akman so manakaw a tao. Jyabo kapakateneng nyo do araraw no yai ko a.