Cyalatay 4:9 - Seysyo No Tao

⁹ Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

Cyalatay 4:9 ပူးပေါင်းရင်းမြစ်များ

Matay 11:27

Maniring pa si Yeso jira am, “Yamamimin o meycyamadadayan a na nitoro jyaken ni Ama. So na ikabo no tao a makateneng jyaken. Ta si Ama o yamakateneng jyaken a Anak na. Yabwata o tao a makateneng ji Ama. Ta yaken a kano nipamnekan ko o makateneng jya. So ikabo no matarek a tao a makateneng jya.

Locya 5:38

Am ori an, o paglowan so vayo a potaw cyo do vayo a kolit no baka an.

Yowani 10:14

Yaken rana am akma koy mapamangamangan so kagling a makapzat jira. Si Ama ka nyaken am namen katenngan o kadwan jyamen. Yakman sang o kagling ko yamabwang jyaken. Yaken rana am ikakza ko o kangay ko nira no inawan.

Yowani 10:27

O kagling ko am katenngan da o izezyak ko. So ipakateneng ko jiraha. So da ipacilolo jyaken.

Yowani 17:3

O to meyyonong a ikavyay no pahad da am ipakateneng da jimo a ney manoyong na Tao do to, a kapakateneng da ji Yeso Kizisto a nitovoy mo do karawan.

Loma 8:29

Ta o nipamnekan na ni Ama ta do to a amraralay nya tao am to na ji ngamoga sira akman so Anak na si Yeso Kizisto apiya so ahahapan sya. So ikanoyong na ni Yeso a akmey rakeh na jyaten akmey meyketeketeh do cinai.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

1 Kedinto 13:12

O tamo katenngan sicyaikwaya am akmey avwavong apo do kowpasan a kagami a jyasingkad. Am no makwa am mapengkad ta rana. So ta pa ji makamimini si Ama ta do to a katenngan sicyaikwaya. Am no makwa am manoyong o kapakateneng ta rana jya, akman si Ama ta do to a makamimin jyaten a yakatenngan.

1 Kedinto 15:34

Paolin nyo o nakenakem nyo do kapyapyan. Paseykeden nyo na o kapeyraraten nyo. Yatatasa jinyo a yana ji makateneng ji Ama ta do to. O ko peycirngan sya am kapakateneng nyo do kanigan nyo.

1 Kedinto 8:3

Am o amraralay ni Ama ta do to a tao am ori o ipanci na ni Ama ta do to a anak na.

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

2 Kedinto 4:6

O nimangamaog no ciring na so zezak a Tao do to am ori o amzezak so masyonowned ta. Ori o ta ipakateneng do azwazway na ni Ama ta do to amyan ji Yeso Kizisto.

Cyalatay 3:3

Yakamo meypanngonngo a yakmey abo so nakem. No kakwa am nipeyhanhan nyo o Seyzi a tomalamozong ninyo. Am ikongo kamo a to mangozangozay do nyo ahapan sya a mapasaray si Ama ta do to sicyaikwaya.

Cyalatay 4:3

Akman sang an, ta no kaji ta pa meypahagnatan so nakenakem ji Kizisto no kakwa am akma tey lamlamsoy a italamozong no jyapsepsek a iwawalam no tao do karawan.

Ivoso 1:17

Ko mapasyasi ji Ama ta do to a tey mazway a Tao do to a Ama na ni Yeso Kizisto a Panirsirngen ta a manta ninyo so teneng a kapakateneng nyo rana ji Ama ta do to.

2 Timotay 2:19

Am yajyablis o manoyong a nanao na ni Ama ta do to. Ta maniring do nivatvatkan a Ciriciring am, “Katenngan na ni Yeso o omanoyong jya tao.” Maniring pa am, “O manci no kararalay da ni Ama ta do to am peymakarwan da rana o raraten da.”

Sipolay 7:18

So na rana ikablis no adan a iwawalam ni Moyse, ta yabo oyowyat na mapatazadang jyaten do teyngato.

2 Pite 2:20

No si amyan so tao a makateneng do Panirsirngen ta si Yeso Kizisto a mapatazadang jyaten do teyngato a kanikomaro na rana do makakaday a raraten do karawan, a kaoli na pa so mina raraten na am arakorako pa o kanginanawan na no nang.

1 Yowani 5:20

Tamo katenngan o Anak ni Ama ta do to a yanimai rana a yamanta nyaten so teneteneng ta a ta ipakateneng do manoyong a Tao do to. So ta ikanoyong a macikaop do ney manoyong na a Tao do to a kani Yeso Kizisto a Anak na. Iya rana am manoyong a Tao do to a yapwan no to meyyonong a ikavyay no pahad ta.