Cyalatay 4:8 - Seysyo No Tao

⁸ No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

Cyalatay 4:8 ပူးပေါင်းရင်းမြစ်များ

Yowani 1:10

O Ciring rana am amyan rana do karawan a nipangamaog na ni Ama ta do to so karawan. Am kaji da makatenngan jya no tao do karawan.

Nimlivolivon 14:12

Karahan am ngaranan da sira no ngaran no tao do to da. O ningaran da ji Parnapo am si Sose. Si Pawlo am si Hemeyse, ta iya o meyzezyak.

Nimlivolivon 17:23

Ko na nilivon o ili nyo a yatomita so nyo iraralay. So ko nipakacita so nyo nipariparing a papazosan nyo. O yadomket a vatvatek am, ‘Jyasingkaji a tao do to.’ Sicyaikwa rana ya am ko ipanci jinyo o nyo pa jyatenngi so ngaran a meyngongyod a Tao do to.

Loma 1:23

Da ji raralayan o yato meyyonong a Tao do to. Da iraralay o da nipariparing a yakmey taotao a kano meyyasasalap a kano omalalam a kano makakaday a nipariparing da.

Loma 1:28

Ji da ranakzan no tao o manoyong a nanao na ni Ama ta do to. Am ori o to na rana macipanadngi do onowned da a meyparahet a mapeyvazay so makararahet a vazay.

1 Kedinto 1:21

Tey makdeng o teneteneng na ni Ama ta do to. So ikabo no tao do karawan a mangozay do teneteneng da makateneng ji Ama ta do to. Am kanimamnek na ni Ama ta do to do yada ipanci abo so peypeypangayan a yanamen ipeylimwang a yana ivyay so omanoyong jya tao.

1 Kedinto 12:2

Naknakmen nyo pala no kaji nyo pa nganoyngan ji Yeso. Jyabo kaji na nitomalamozongan ninyo ni Satan a, do kanimraralay nyo no malas a iraralay nyo.

1 Kedinto 8:4

Oya rana o ipanci ko jinyo a omagaz do nipazos da kanen. Tanyo katenngan o kaji da anoyngan no malas a iraralay da. So tanyo ipakateneng do na kasa ni Ama ta do to a ta iraralay.

Cyalatay 4:3

Akman sang an, ta no kaji ta pa meypahagnatan so nakenakem ji Kizisto no kakwa am akma tey lamlamsoy a italamozong no jyapsepsek a iwawalam no tao do karawan.

Ivoso 4:18

Onowned da am yakmey kasarisaryan. Yabo da kasngesngenan do vayo a onowned a yapo ji Ama ta do to. So da ikanoyong a yaji macipayok so nakenakem ji Ama ta do to.

1 Tesalonicya 1:9

Ta yaro o tao a yamanci nya jyamen so kapiya no nitaotawwan nyo jyamen no kangay namen jinyo do dang a kano yanyo mina kakaro rana do yamalas a niraralay nyo a yarana omanod ji Ama ta do to a yaomraralay nya a yamanoyong a yamavyay a Tao do to.

1 Tesalonicya 4:5

So ji nyo mapasagpyani so kataotao nyo an. Ji kamo macyangangay do yato nazibo ni Ama ta do to.

1 Pite 4:3

Teywara o mina raraten nyo no kakwa. Ta meyyangay kamo pa so vazay a kano ji raralay ni Ama ta do to a tao a to meyvozaw a mapasagpyan so aktokto nyo a masakisakin, manaralay so malas a tao do to nyo, pacyangayan no makakaday a raraten nyo.

1 Yowani 3:1

Yatey makdeng o aryarilaw na jyaten ni Ama ta do to. Yatey rako o pangangarilawan na a makanket jyaten a abneken a anak na. So ikanoyong no nang a ciring. O yada ji makatenngi jyaten a anak ni Ama ta do to no ji nganoyong jya tao am da ji nganoyngi si Ama ta do to.