Cyalatay 4:5 - Seysyo No Tao

⁵ O ikakman na sang am ovayan na sira o mavaod no iwawalam na ni Moyse a tao. So ikanoyong ta rana meyngongyod a akma ney anak ni Ama ta do to.

Cyalatay 4:5 ပူးပေါင်းရင်းမြစ်များ

Matay 20:28

Akman so Nipamnekan na ni Ama ta do to a tao. Ta o na nyai am beken a ilamnain no tao. Ta mapeylamnay so aro a tao a kangay na mapasansan so kataotao na yagag na sira do peyraratenan da.”

Locya 1:68

“Manoyong a isaray o Tao do to da no Isedi a tao a tomalamozong nyaten an. Ta tovoin na o sivovoong ni Tawey a omyavayo so onowned ta a mapatazadang jyaten do teyngato.

Yowani 1:12

Sira rana ji nazibo nya tao a kano omanoyong jya tao am abneken na sira akma ney anak ni Ama ta do to.

Nimlivolivon 20:28

So ipeypepzat nyo an. Ahapen nyo o nitoro na jinyo no Seyzi a marilaw no kadwan jinyo. Ta sira rana am nipalit na no rala no Anak na ni Ama ta do to a yarana macikaop jya.

Loma 10:4

O na nyai ni Kizisto do karawan am ipanci na o kabo no oyowyat no iwawalam na ni Moyse a amvonas so raraten no tao. Ta si Ama ta do to o makavonas so raraten ta tao. So ikanoyong no meyhanhan rana nya tao a abneken na ni Ama ta do to a abo rana so raraten do tangain na.

Loma 8:14

O ipeypalanginan na no Seyzi a tao am mamimin sira akma ney anak ni Ama ta do to.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

Loma 8:23

Beken a o nyamamaog na o akman sang. Ta yaten rana ya na yanan no Seyzi a tao a yongkad na no kapanta na nyaten ni Ama ta do to so to meyyonong a ikavyay no pahad ta am akman ta sang do onowned ta a macizizikna jya, a omapanala si Ama ta do to a mapanop jyaten a anak na a manta nyaten so ji rana wakwak a kataotao ta do teyngato.

Loma 9:4

Sira rana Isedi a tao am nipamnekan na ni Ama ta do to a akma ney anak do karawan. So yada rana nipakacita so azwazway na ni Ama ta do to. Sira o nitorwan na no pangozayan da ciring a kano iwawalam na. So da pakatenngan rana do da kararalay ni Ama ta do to. So da rana nipakahap so nakem na jira ni Ama ta do to.

Cyalatay 3:13

Am si Kizisto o nimalit jyaten do oyaoyyan na nyaten ni Ama ta do to a ji makataptap so iwawalam na ni Moyse. Ta o ciring pa do Seysyo am, “O nipadket da do jyojika am iya o nyangayan no peyoyaoyyan na ni Ama ta do to.”

Cyalatay 3:26

Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Cyalatay 4:21

Inyo rana yamangozay do iwawalam ni Moyse sicyaikwaya am manngwa, nyo katenngan o ciriciring a yadomket do iwawalam na ni Moyse an?

Cyalatay 4:7

Inyo rana sicyaikwaya am beken a lamlamsoy kamo rana a na italamozong no iwawalam ni Moyse, ta akma ney anak rana inyo ni Ama ta do to. O akma ney anak ni Ama ta do to am ori o makahap so aryarilaw na.

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

Ivoso 1:7

Si Kizisto yanimawakwak nyaten. Am ori o yana nikavonas no raraten ta. Tey rako o pangangarilawan na ni Ama ta do to a yana nitoro jyaten.

Ivoso 5:2

Patwawen nyo do icicirawat nyo o pangangasyan na ni Ama ta do to, akman si Yeso Kizisto a yamarilaw nyaten a yajingbeywan do inawan na nisomidong jyaten. Ta o akman rana sang a vazay na am isaray na ni Ama ta do to.

Tito 2:14

Na nipalit ni Yeso Kizisto no kataotao na o raraten ta. So ikaro ta rana do makakaday a ta pineyraratenan. So icyakma tamoy matnaw a ranom so onowned a omanod jya, mowyat a meyvazay so apya vazay.

Sipolay 1:3

Yatomwaw jya o azwazway ni Ama ta do to. Iya rana am akma ney kataotao ni Ama ta do to. Na kalopkopen no oyowyat no ciring na o makakaday do karawan. Nikawakwak na o raraten no tao a kangay na rana do teyngato amlisna do wanan ni Ama ta do to a meypanirsirngen.

Sipolay 9:12

Si Yeso Kizisto am ji rana mapalolo so rala no kagling a kano baka. Ta mina to na rana patananga o rala na ipatazadang na jyaten do teyngato. Am o akman rana sang a vazay am ipisa mapatanang nyaten a kakavos na rana a mangay do kaidan no karawan.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

1 Pite 3:18

Ta ipisa si Yeso Kizisto a nimawakwak no raraten ta, kapakavos na rana so vazay na a mapatazadang jyaten do teyngato. So ikanoyong na abo so raraten a nisomabway no raraten no tao, do na kapanop jyaten ji Ama ta do to. Tana niwakwak da o kataotao na am jya nimawakwak o pahad na.

Ipaziman 14:3

Sira rana am meytatanek sira do sazapen no lilisnan a kano apat a ka omalalam a kano kamanrarakehan a meyyanwanood so vayo a anood. O meyyanwanood a tao am o nipasakay na do kapyapyan am yamyan so ikakapatan da ranaw so ikalima da zivo no ikadwa da latos (144,000) no tao o makateneng do anood a peyyanwanooden.

Ipaziman 5:9

a kapeyyanwanood da so vayo a anood. O kanwanoodan na am, “Imo o makahap so vakong a mapakaro so nipadketan a vakong. Ta imo rana am niwakwak da imo. O nimvoyog a rala mo am nimapatastas so tao do peycyeylilyan na kano meykataretarek so ciring a kano meytaretarek a tao do sinokob no hanit a yaitoro ji Ama ta do to a yaponged na.