Cyalatay 4:4 - Seysyo No Tao

⁴ Am marateng rana o araraw a nipamnekan na ni Ama ta do to am tovoin na rana o Anak na alavaten no asa ka mavakes a italamozong no iwawalam ni Moyse.

Cyalatay 4:4 ပူးပေါင်းရင်းမြစ်များ

Matay 1:23

“Amyan so ji meylimoteng so onowned a mavakes a mangalavat so mahakay. O ngaran na am Imaneydi.” O peypeypangayan na am, “Macilovot jyaten si Ama ta do to.”

Matay 3:15

Maniring si Yeso jya am, “To ta macyozai o akman sya vazay an. Ta o ikakman na sya am ahapen ta o vazay ni Ama ta do to.” Makarahan am to na rana amya ni Yowani a taktakan si Yeso.

Matay 5:17

“Ji nyo mancyan yaken a yambalinas so iwawalam ni Moyse a kano nanao da no panoyonoywan na so ciring ni Ama ta do to. Ta yaken rana am yako patwawen o peypeypangayan na.

Make 1:15

Maniring am, “Yarana makeykai o yana katalamozong ninyo ni Ama ta do to. Am ori o karwan nyo na do peyraratenan nyo a omanoyong do Mapasaray a Ciriciring na ni Ama ta do to.”

Locya 1:31

Citahen mo an. Mangalavat ka so anak mo a mahakay. So ngaranan mo jya si Yeso.

Locya 1:35

Maniring o tinsi am, “O Seyzi na ni Ama ta do to o peyhekasen na jimo a kano oyowyat na. So na apzatan jimo ni Ama do to. Am ori o ikatazak na tao no Anak na ni Ama ta do to.

Locya 2:7

So nikatazak na rana no kabnekan na anak a mahakay. Am ori o nivangnan da sya no milakayob a kapangay da sya do pamangamanganan so baka, ta abo rana o yanan da do iseysanan.

Locya 20:44

Abneken na ni Tawey a Panirsirngen na o Misayya am ikongo peysivovoongan na syaha.”

Yowani 1:14

So nipeyvaliw no Ciring a tao a macikaop jyaten a tey rako so pangangarilawan a tey manoyong. So nipakacittan namen rana so azwazway na. So ikanoyong na abo so ikararwa angayan no azwazway. Ta iya rana am veyvowen na Anak ni Ama ta do to.

Yowani 10:36

Am yaken rana am na nitovoy yaken ni Ama do teyrahem. Ko ipanci pa am Anak na yaken ni Ama ta do to. Ikongo nyo pancyan nyaken a yajyaninig ni Ama ta do to.

Yowani 3:16

Yatey rako na karilawan no tao do karawan ni Ama ta do to. Mangay do na veyvowen a Anak na o yana nitoro. So ikamimin da no omanoyong jya tao a ji rana meydednai no peyoyaoyyan na ni Ama ta do to, ta mahap da rana o to meyyonong a ikavyay no pahad da.

Yowani 6:38

Ta yaken rana am ko apo do teyngato. So ko ji to mangozai do nakenakem ko. Ta ko pangozayan o nakenakem no yanitomovoy jyaken.

Yowani 8:42

Maniring jira si Yeso am, “No yamanoyong si Ama ta do to a ama nyo am ikongo nyo jyarilawi nyaken. Yaken rana am ko apo ji Ama ta do to. Ko na nimai do teyrahem. Am beken a nakenakem ko o ko kai, ta si Ama ta do to a yanimapahanhan jyaken.

Nimlivolivon 1:7

Maniring jira si Yeso am, “O akman rana sang a vazay a kano araraw na am si Ama ta do to o makateneng jya.

Loma 15:8

Naknakmen nyo an, ta o na nyai ni Kizisto do teyrahem am sidongen na o tao do Yotay a makateneng do kanoyong na ni Ama ta do to a mangononong do mina ciring na do ineynapo da no kakwa pa.

Loma 5:6

No kakwa pa am abo oyowyat ta a komaro do peyraratenan ta. Am kanimangozay na jya ni Kizisto do nipamnekan ni Ama ta do to a araraw a mangay mawakwak nyaten.

Loma 8:3

O iwawalam na ni Moyse am ji na sidong yaten a komaro do peyraratenan ta. Ta cinatao ta o kapeyraraten ta. Am si Ama ta do to am ori o yanisomidong jyaten. Na nitovoy o Anak na a yamacingay so keyteytawan do tao do karawan a yanimawakwak no raraten ta. So ji na rana nalamozongi nyaten no raraten.

Loma 9:5

Sira rana am sivosivovoong da sira no katenngan a ineynapo namen no kakwa. So ipacitetngehan na jira ni Kizisto. Am si Kizisto rana am makarakarang pa kano meycyamadadayan. So ikanoyong na paingan ta so ciring a Tao do to. Amin.

Ivoso 1:10

Ta o pamnemnekan na ni Ama ta do to no kakwa am itoro na o makakaday do karawan a kado teyngato ji Kizisto a italamozong na, no marateng o araraw no nipamnekan na ni Ama ta do to.

Kelosi 2:14

Nipeyyopowpas no rala ni Yeso Kizisto o domket a raraten ta a ji ngahap so iwawalam ni Moyse.

1 Timotay 2:6

Apyapyahen na pa o kataotao na a mawakwak, a omalit do oyaoyyan na nyaten ni Ama ta do to a meyraraten a tao. O akman rana sang a vazay am nipeyvazay na rana ni Yeso a yongkad na ni Ama ta do to a ji mamyapya no tao do karawan a mangay do kararatan.

1 Timotay 3:16

Yata katenngan an, o makdeng a nanao a nipatwaw ni Ama ta do to a yata anoyngan. Nimatazak a tao si Kizisto. O Seyzi am yongkad na a abo so raraten. Nimacita da no tinsi, a yarana meylimwang do peycyamahamahatawan na, a yada rana anoyngan no aro a tao do karawan. So nikatkatan na sya ni Ama ta do to a yangay do teyngato.

Sipolay 2:14

Yaten rana akma ney anak ni Ama ta do to am tao ta do karawan. So nicyakman na jyaten ni Yeso a yamyan so kataotao. Am mawakwak rana o kataotao na ni Yeso am haragen na o oyowyat ni Satan a omwakwak so tao.

Sipolay 9:10

Ta do ji na pa nimapatwawi ni Ama ta do to so apyapya pa kano adan a pangozayan a ciring am mamimin pa ori a omagaz do icicirawat a kano isovo a kanen.

1 Yowani 4:14

Si Ama ta do to am na nitovoy o Anak na do karawan a mapatazadang jyaten do teyngato. So namen nipakacittan so akman sang, a namen kapeylimwang rana no nang do tao.

1 Yowani 4:2

O ipakateneng nyo do tao a yanan no Seyzi na ni Ama ta do to am to nyo na tenngi o tao a manci ni Yeso Kizisto a nimatazak a tao, ta ori o manoyong a yanan no apo ji Ama ta do to a Seyzi.