Cyalatay 4:30 - Seysyo No Tao

³⁰ Am o ciring do Seysyo am, “Pagcinen mo o lamlamsoy mo a mavakes a kano anak na. Ta o anak no lamlamsoy mo am ji macivonong do kangangay mo. Ta o kangangay mo am amoonen no meyngongyod a anak no mavakes mo.”

Cyalatay 4:30 ပူးပေါင်းရင်းမြစ်များ

Yowani 8:35

O pavahain a lamlamsoy do vahay am abo o panadnaden so akman sang. Ta o meyngongyod a anak o panadnaden.

Loma 11:2

Na jya nitaosya ni Ama ta do to o nipamnekan na pa tao no kakwa. Nyo jyatenngi o ciring do Seysyo? No karaherahet na so Isedi a tao ni Idiya do tangain na ni Ama ta do to am,

Loma 4:3

Ta maniring do Seysyo am, “Na anoyngan si Ama ta do to ni Apolahan. Ori nibnekan na sya ni Ama ta do to do a abo so raraten do tangain na.”

Cyalatay 3:22

Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Cyalatay 3:8

Nipaziman na rana ni Ama ta do to do Seysyo o kabnek na so beken a tao do Yotay a abo so raraten do tangain na, do kapeyhanhan da ni Ama ta do to. So nipazimanan na rana sya ji Apolahan so akman sang a Mapasaray a Ciriciring no kakwa pa. Maniring am, “Mamimin o tao do karawan a ipanta ko so aryarilaw ko, do mo kapeyhanhan nyaken.”

Cyalatay 4:22

O nivatvatkan do Seysyo am rarwa o anak ni Apolahan. Asa am anak no lamlamsoy na. Asa am anak no meyngongyod a mavakes na.

Cyalatay 4:31

Ori an, manga kakteh an, ta ji macikownongi do anak no lamlamsoy a mavakes. Ta yaten rana am akma ney anak yaten ni Ama ta do to, do yata kaji mangozayan rana do adan a pangozayan a ciring.

Yake 4:5

Ji nyo akwan o kalas na no ciring do Seysyo a manci no kaji na mamyapyan nyaten no Seyzi amyan do onowned ta a mapatarek so iraralay ta.