Cyalatay 4:3 - Seysyo No Tao

³ Akman sang an, ta no kaji ta pa meypahagnatan so nakenakem ji Kizisto no kakwa am akma tey lamlamsoy a italamozong no jyapsepsek a iwawalam no tao do karawan.

Cyalatay 4:3 ပူးပေါင်းရင်းမြစ်များ

Matay 11:28

“Sijya kamo a yamazikna kano yaro so alalaw a tao. Ta ihepawan ko inyo.

Yowani 8:31

Maniring si Yeso do omanoyong jya tao do Yotay am, “No si hapen nyo o nanao ko am manoyong kamo na omonot jyaken.

Nimlivolivon 15:10

Nyo ileylamdamen si Ama ta do to? Nyo pancyan no kamimin no iwawalam ta tao do Yotay a ahapen da no yamraralay ni Yeso a beken a tao do Yotay? To ko na macitangain jinyo am ji da nimataptap no ineynapo ta o iwawalam ni Moyse a pangozayan.

Loma 7:14

Manoyong o na kapo ji Ama ta do to no iwawalam na ni Moyse. Am yaten rana am tao ta. Jyabo kapakataptap ta so yadomket a ciring do iwawalam na ni Moyse a.

Loma 8:15

Ta o itoro na ni Ama ta do to a Seyzi am beken a mapeylamlamsoy jinyo a omanyanyahey jinyo, ta peyvaliwen na inyo a akma ney anak ni Ama ta do to. So oyatan na jyaten no Seyzi a tomawag ji Ama ta do to a manci no, “Mo Ama.”

2 Kedinto 11:20

Ta no peylamsoin da inyo am littan da inyo am soziban da inyo am ji da ninigan inyo am somiplang so posngi nyo am nyo to macyozai sira.

Cyalatay 2:4

Am yamyan so tatasa ka tao a yanimacizavoz a yamapatpeh so kataotao da. Sira ori am kakzeben da si Tito a amyongkad do kataotao na. Am sira rana am beken a kayyai da, ta ileylamdamen da yamen a yamraralay ni Yeso Kizisto a tao. Ta manngo paro sira. Ala ahapen da o iwawalam ni Moyse.

Cyalatay 3:19

Am ikongo peypeypangayan na no iwawalam ni Ama ta do to a nitaid na ji Moyse. O iwawalam rana ori am ipakateneng no tao do raraten da mangay do yai no sivovoong ni Apolahan a si Kizisto. Am no kano nang am tinsi o nitomoro nya ji Moyse so iwawalam ang a katoro na rana nya do tao.

Cyalatay 4:24

Sira rana ya rarwa ka mavakes am kehngehngay no adan a kano vayo a pangozayan a ciring ni Ama ta do to. O meyngaran so Hacya a lamlamsoy am omagaz do iwawalam na ni Moyse do Sinay a tokon. O ipanci da ananak ni Hacya tao am pangozayan da o iwawalam na ni Moyse. So icyakma dey lamlamsoy no iwawalam na ni Moyse.

Cyalatay 4:25

O Sinay a tokon am amyan do Alapo. Akma ney kehngehngay no tao do Yelosaleng a mangozay do iwawalam ni Moyse.

Cyalatay 4:31

Ori an, manga kakteh an, ta ji macikownongi do anak no lamlamsoy a mavakes. Ta yaten rana am akma ney anak yaten ni Ama ta do to, do yata kaji mangozayan rana do adan a pangozayan a ciring.

Cyalatay 4:8

No kakwa pa am ji nyo a tenngi si Ama ta do to. Am ori o ikanoyong nyo a lamlamsoy no makakaday a malas a iraralay nyo.

Cyalatay 4:9

Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

Kelosi 2:20

Inyo rana yameyngongyod a macikaop ji Kizisto am ji nyo rana pasaklanga o adan a marahet a icicirawat nyo, do nyo kaji ngonotan rana do adan nyo a icicirawat. Am ikeykongo kamo ya a yapa macizavoz do icicirawat da no tao do karawan,

Kelosi 2:8

Makapzat kamo. Ji nyo ngonoci o mapeycyakawad jinyo a nanao no tao do karawan. Ta o akman rana sang a nanao am apo do tao no kakwa. So ji na monganai ji Kizisto no da ipamizing jinyo.

Sipolay 5:12

No kamo mowyat a yamacinanao am kamo na mangnanao. Am asyosyo kamo eya a yada pananawen no tao no yatodalapit a ciring na ni Ama ta do to. So nyo icyakmey metdeh a yapa somoso.