Cyalatay 4:13 - Seysyo No Tao

¹³ Ta no keyngen ko am nipeyveyveken nyo yaken no ka ori pa so kapeylimwang ko no Mapasaray a Ciriciring na ni Ama ta do to jinyo.

Cyalatay 4:13 ပူးပေါင်းရင်းမြစ်များ

Matay 4:23

Nilivolivon ni Yeso o peycyeylilyan na do Cyadidi a kapangnanao na so tao do peyneynozyan da do dang a meylimwang no italamozong na ni Ama ta do to a kapangiwakwak na so meykeyngeyngen a tao do dang.

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

1 Kedinto 2:3

Am ori an, makaranes ko jinyo do dang am malma ko so kataotao amzikzik do kanyahey ko. Ta ihawa ko kaji ko makatenngan do vazay na ni Ama ta do to.

2 Kedinto 10:10

Yamyan so tao a yamapeyciring so, “No yameyvatvatek si Pawlo am tana yamangdet pa, yajyowyat am. Am no yana to macimata eya am malma, yabo so oyowyat a yamarahet so ipanirisiring.”

2 Kedinto 11:30

Si zowain ko o kataotao ko am apyapya pa kapazway ko so makakaday a alalaw ko.

2 Kedinto 11:6

Tana ko jyateneteneng a meyzezyak am jyabo katonton ko so teneteneng jira mangalalas a tao. So yako ikasangib a yamapacita no akman sang a vazay jinyo.

2 Kedinto 13:4

Tana yakmey yabo oyowyat na ni Kizisto do yada kanimapadket sya do jyojika am oyowyat na ni Ama ta do to o yanimapeyvangon sya. So namen ikakman sang akmey abo so oyowyat a yamacikaop ji Kizisto. Am no namen ioya inyo am oyowyat na ni Ama ta do to o namen pangozayan an.

Cyalatay 1:6

Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Cyalatay 4:12

Manga kakteh, inaoy si inarahen nyo yaken a ji rana mangozay do iwawalam ni Moyse. Ta beken a iwawalam nyo o kapangozay nyo do iwawalam ni Moyse a beken a tao do Yotay. Am ori o ko sarayan ninyo.

Cyalatay 4:14

Tana nyo ikarahet no kangangay o ingingnen ko am nyo jya nikahayo yaken. Ta nyo nipehngay yaken do tinsi na ni Ama ta do to a taotawwen. So icyakma koy Yeso Kizisto a nitaotao nyo,

Cyalatay 4:18

Apya o karilaw da ninyo. Am ney yapya na am tana myan ko dang a tana abo ko dang am to meyyonong o karilawan da ninyo.