Cyalatay 3:5 - Seysyo No Tao

⁵ Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.

Cyalatay 3:5 ပူးပေါင်းရင်းမြစ်များ

Nimlivolivon 14:3

Am mownay pa dang si Pawlo a kani Parnapo. Ji sira nimamogaw a meylimwang ni Yeso. Ta nioyatan na sira ni Ama ta do to. Am aro o mapeyzokab a vazay da yongkad no ipeylimwang da pangangarilawan na ni Ama ta do to.

Loma 10:17

So ikanoyong no kayapo na do kapakamizing so ciriciring na ni Kizisto o peyhanhanan ta nya.

Loma 15:19

So nikowyat ko a mapeyvazay so mapeyzokab a vazay do kanimoyat na jyaken no Seyzi. Am ori o nipapwan ko sya do Yelosaleng a kangay na do Ididiko o yako peylimwangan no Mapasaray a Ciriciring na ni Kizisto.

1 Kedinto 12:10

Akman sang, ta itoro no Seyzi do tao o oyowyat na mapeyvazay so mapeyzokab a vazay, a na katoro nya do yasa ka tao so oyowyat na mangononong so ciriciring na ni Ama ta do to, a na katoro nya do yasa ka tao so teneteneng na mapeypinpin so manoyong a oyowyat no Seyzi a kano oyowyat na ni Satan, a na katoro nya do yasa ka tao so oyowyat na a meyzezyak so macitarek a ciring apo do Seyzi, a na katoro nya do yasa ka tao so teneteneng na a mapeyvaliw so ciring a nipanci da.

2 Kedinto 10:4

Ta o voovoo namen am beken a yamonganay do oyowyat a kano teneteneng do karawan. Ta o oyowyat na ni Ama ta do to o voovoo namen a yato manbalinas so vazay ni Satan a yamangalalas so tao.

2 Kedinto 12:12

No keyyan ko pa jinyo do dang am tana masaod ko o alalaw ko am ji ko macimazai o vazay ko. So iyan no yeyyak nyo a vazay, yeyyak nyo a oyowyat, mapeyzokab a vazay akmey yongkad ko jinyo do kanoyong ko a nipamnekan ni Kizisto a omlivolivon no ciriciring na.

2 Kedinto 13:3

So iyan na pa no makakaday a yongkad nyo do kakma ney mapatwaw sya ni Kizisto so ciring na jyaken. So ipakacita nyo so oyowyat na ni Kizisto a meydedna do meyraraten a tao.

2 Kedinto 3:8

ney manngo o oyowyat no Seyzi a mapanop jyaten ji Ama ta do to. Ta jyabo kaji na azwazwayan pa kano iwawalam ni Moyse a.

2 Kedinto 9:10

Si Ama ta do to am yapwan no mowahen da kano kanen da. Akman sang an, ta anoyngan nyo si Ama ta do to a manta ninyo so makakaday a ipanidong nyo so tao. So ikakman nyo so kayo so pangangarilawan a mapka no asi na.

Cyalatay 3:2

Pancyan kamo pala jyaken. Iwawalam na ni Moyse o yanyo ipakahap so Seyzi na ni Ama ta do to? No yapo do yanyo nimamizing a Mapasaray a Ciriciring na ni Ama ta do to.

Veydipi 1:19

Ta katenngan ko o kapakowbot da jyaken, do peynozyan nyo nyaken a kano sidongan na jyaken no Seyzi a nitovoy na jinyo ni Yeso Kizisto.