Cyalatay 3:26 - Seysyo No Tao

²⁶ Inyo rana am kamo rana mamimin a akma ney anak ni Ama ta do to, do yanyo rana kapeyhanhan ni Yeso Kizisto.

Cyalatay 3:26 ပူးပေါင်းရင်းမြစ်များ

Yowani 1:7

Iya rana am ipanci na do tao o zezngang a kamimin no tao a makamizing sya kapanganoyong da rana.

Yowani 20:17

Maniring si Yeso am, “Ji mo minani yaken, ta yako pa jya nimangay ji Ama. Angay da kakteh ko do cinai a kapanci mo nya jira so ko kapeysinaoli a mangay ji Ama a Tao do to ta. Ta iya rana am ta kalovotan a Tao do to.”

Loma 8:1

O pacikaopan ni Kizisto a tao sicyaikwaya am ji na rana meydednai no peyoyaoyyan na ni Ama ta do to a mangay no makwa.

Loma 8:19

O yamakakaday a na nyamamaog ni Ama ta do to am yada toda ji nalla o araraw no ipeytotwaw no azwazway na do omanoyong jya tao.

2 Kedinto 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a amlivolivon no ciriciring na. Yaken rana kano akma tey kakteh do cinai si Timotay am namen ipeyteygami inyo a Kedinto kyokay a kazagoman nyo a sinjya do Sila.

2 Kedinto 6:18

“Ama nyo yaken. Inyo rana am anak ko inyo. O ciring rana ya am si Ama ta do to a Panirsirngen ta o mapeyciring sya.”

Cyalatay 3:28

Am ori o ikabo rana no matarek do amraralay ni Yeso Kizisto a tao. Ta meyyangangay sira do tangain na. Tana tao do Yotay a tana beken a tao do Yotay, tana lamlamsoy a kano beken a lamlamsoy, tana mahakay a tana mavakes am kamo mamimin a akmey asa rana a yamacikaop ji Yeso Kizisto.

Cyalatay 4:14

Tana nyo ikarahet no kangangay o ingingnen ko am nyo jya nikahayo yaken. Ta nyo nipehngay yaken do tinsi na ni Ama ta do to a taotawwen. So icyakma koy Yeso Kizisto a nitaotao nyo,

Cyalatay 5:24

O yaomanod ji Yeso Kizisto a tao am akma dey nipazanod o marahet a nakenakem da do jyojika ni Yeso Kizisto, do kanimawakwak na no raraten ta.

Cyalatay 5:6

Ta o tao a macikaop rana ji Yeso Kizisto am ji na rana ngezsangan o kaji na yongkadan do kataotao na. Ta o ney makdeng na ji Ama ta do to am ipeyhanhan ta si Kizisto a kapangarilaw ta so icyatatao ta.

Ivoso 1:1

Yaken rana am si Pawlo ko a lamlamsoy na ni Ama ta do to a yana nipamnekan ni Yeso Kizisto a omlivolivon no ciriciring na. Yako ipeyteygami inyo a yamraralay ni Ama ta do to a tao do Ivoso a yato ngotokot so nakem ji Yeso Kizisto.

Ivoso 1:5

Am ori o na sarayan nyaten ni Ama ta do to a na panopen a akma ney anak, ta yata na macikaop ji Yeso Kizisto.

Ivoso 5:1

No kamo manoyong a na tey kaglaw a anak na am inarahen nyo si Ama ta do to a tey yapya so nakenakem.

Veydipi 1:1

Yaken rana am si Pawlo ko a kani Timotay a lamlamsoy na ni Yeso Kizisto. Namen ipeyteygami inyo a yameyili do Veydipi a yamraralay ni Ama ta do to a yaomanoyong ji Yeso Kizisto a ka ninyo a panipanirsirngen do kyokay.

Veydipi 1:8

Katenngan na ni Ama ta do to o karilaw ko ninyo no pangangarilawan na ni Yeso Kizisto do kapaw ko ninyo. So ikanoyong no nya ciring.

Veydipi 2:15

So nyo ji meylimotengi so onowned a abo so karatan a akma ney anak ni Ama ta do to a yamacikaop do meyraraten a tao do karawan. Ta inyo rana am akma kamoy zezak da, akman so mata no hanit a amzezak so kasarisaryan,

Kelosi 1:4

Ta namen rana nimamizing o nakenakem nyo si Yeso Kizisto a kano aryarilaw nyo so aro a sinjya.

Kelosi 2:6

Inyo rana am nyo anoyngan si Yeso Kizisto a Panirsirngen ta. Am ori o panadnadan nyo sya an.

Veydimeng 1:1

Yaken rana am si Pawlo ko. Yako akmey nimanakaw a tao a yada aptengen do yako kahap so vazay na ni Yeso Kizisto. Yaken a kani Timotay am namen ipeyteygami imo a akma nameney kakteh do cinai, mo Veydimeng,

Veydimeng 1:9

Ko katenngan o katey rako no pangarilawan mo so tao. Am ko ji gacigaci imo a manidong so tao, ta yako apyapyahen pa o kapasyasi ko jimo do kapanadnad ko jimo. Ta yako rarakeh rana a yada masangib a aptengen, do ko kahap so vazay na ni Yeso Kizisto.

Ipaziman 21:7

O ji nimablis so onowned a tao am ori o apya amyop sya. O icyakman na sang am abneken da yaken a Tao do to da a kabnek ko sira anak ko.