Cyalatay 3:22 - Seysyo No Tao

²² Am o ciring do Seysyo am yatodamimin o tao do karawan a yamabedbed no raraten. Am ori an, no kakzeben ta o kapakahap ta so to meyyonong a ikavyay no pahad ta am kapeyhanhan ta ni Yeso Kizisto. Ta ori rana am mina ciring na ori ni Ama ta do to do amraralay nya tao.

Cyalatay 3:22 ပူးပေါင်းရင်းမြစ်များ

Make 16:16

O omanoyong jyaken a omya so kataktak do kataotao da am patazadangen ko sira. Am o ji manganoyong a tao am pasyain ko sira a pasingsingtan.

Yowani 12:46

Akma koy zezak a mai do teyrahem. So ji da na ngyani do kasarisaryan no omanoyong jyaken a tao.

Yowani 20:31

O yanipadketan so karwan na do vakong eya am anoyngan nyo ji Yeso a Misayya a Anak ni Ama ta do to. O manganoyong a tao am mahap da o to meyyonong a ikavyay no pahad da.

Yowani 3:36

Omanoyong do Anak na am mahap na o to meyyonong a ikavyay no pahad na. O ji nganoyong do Anak na am abo jya o ikavyay no pahad na, ta meydedna jya o peyoyaoyyan na ni Ama ta do to.

Yowani 5:24

To ko na macitangayan jinyo am omamizing so ciring ko a tao a omanoyong do yanitomovoy jyaken am mahap na o to meyyonong a ikavyay no pahad na. So ikanoyong na ji na meydednai no peyoyaoyyan na ni Ama ta do to. Ta nimaliklik na rana o apwa kawakwakan no pahad na.

Yowani 6:40

Ta o nakenakem ni Ama am mahap da o to meyyonong a ikavyay no pahad da no makateneng jyaken a kano omanoyong jyaken a tao, a kapeyvangon ko pa sira no makaranes rana o araraw no kapeykapyapinpin na ni Ama ta do to so tao.”

Nimlivolivon 16:31

Maniring sira jya am, “Anoyngan mo si Yeso a Panirsirngen ta. Ta ori o ipakahap nyo so to meyyonong a ikavyay no pahad nyo a asa ka vahay.”

Loma 10:9

No si to mo na mancyan kanoyong mo ji Yeso Kizisto a Panirsirngen mo a kanoyong mo jya a nipirwa na avyain ni Ama ta do to am ahapen na imo ni Ama ta do to.

Loma 11:32

Nakenakem na ni Ama ta do to o kamimin no tao do karawan a makateneng do da peyraratenan. Ta ori o ipakateneng da do pangangasyan na.

Loma 3:22

Si ipeyhanhan ta si Yeso Kizisto am abneken na rana yaten ni Ama ta do to a abo so raraten do tangain na. So ipeyyangangay na no nang a itoro na do meyhanhan nya tao.

Loma 3:23

Ta tanyo mamimin a yameyraraten a yaji makanet so nakenakem do tangain na ni Ama ta do to.

Loma 5:12

Si Adam o yapwan no raraten do karawan. Am ori o nyangay na no inawan na do kapeyraraten na. Ori o nikapwan no kawakwak rana no tao do karawan. Ta yamamimin o tao a yameyraraten.

Cyalatay 3:14

O nikakman na sang ni Yeso Kizisto am ikakza na o aryarilaw na ni Ama ta do to si Apolahan a mangay na itoro do beken a tao do Yotay. So ta rana ikamimin a makahap so Seyzi a nipanci na itoro na jyaten ni Ama ta do to, do kapeyhanhan ta nya.

Cyalatay 3:17

O peypeypangayan no ciring ko am ji meyyopowpas o nimanmanma a nipamnekan na ni Ama ta do to a ciring na. Tana nimanownowji o iwawalam ni Moyse so atlo a poo so ikasikalima ranaw (430) so awawan am jyablis o mina ciring na ni Ama ta do to ji Apolahan.

Cyalatay 3:23

Am no kabo pa ni Yeso a ipeyhanhan ta am apya, ta amyan so iwawalam ni Moyse a omzat do onowned ta.

Cyalatay 3:29

No kamo macilovot ji Kizisto am manoyong kamo na a macikownongan ji Apolahan a omamoon so aryarilaw na ni Ama ta do to si Apolahan.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

Sipolay 9:15

So ikanoyong ni Kizisto a yatomalamozong no vayo a pangozayan a ciring na ni Ama ta do to a somidong so nipamnekan na tao a omahap so nakem na jira. So na ikanoyong ni Kizisto a niomagag sira do raraten da a ji ngonot do manmanma pangozayan a ciring a nitaid na ji Moyse ni Ama ta do to.

2 Pite 1:4

do na kapangononong do mina ciring na jyaten. Ori o ikanoyong nyo a komaro do ikeykakza nyo a monganay jinyo a tao do karawan a macikaop rana ji Ama ta do to a ji meylimoteng so onowned.

2 Pite 3:13

Am yaten rana am yata pananalahen o nipanci na ni Ama ta do to a vayo a hanit a kano teyrahem. O ji meyraraten o amyan do dang.

1 Yowani 2:25

Ta o ipanci na jyaten a mahap ta ni Kizisto am to meyyonong a ikavyay no pahad ta.