Cyalatay 3:21 - Seysyo No Tao

²¹ No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Cyalatay 3:21 ပူးပေါင်းရင်းမြစ်များ

Locya 20:16

Jyabo kaji na balinasan sira a kapapalit na so tao a amvood so nihakawan na.” Mamizing da no aro a tao o ciriciring na am ipanci da o, “Jyabo kato na akmanan sang no vazay a.”

Loma 3:31

No akman sang am manngwa, todabo rana o oyowyat na no iwawalam na ni Moyse? Jyabo kakman na sang a. Ta o manoyong a meyhanhan ni Yeso Kizisto a tao am ori o ipanci a manoyong a mangononong do iwawalam na ni Moyse.

Loma 3:4

Jyabo kakman na sang a. Tana todamimin o tao a mangalalas am jyabo kapangalalas na ni Ama ta do to a. Akman so ciring na do Seysyo. Ta maniring am, “No mehtaw o ciring mo am yamo pangononongan an. No kapacici da jimo am ji ka nikapatawan.”

Loma 3:6

Beken a akman sang an. Ta no si malas o kapasingsingkad na jyaten ni Ama ta do to am makongo so wanjin a mapeykapyapinpin so tao do karawan.

Loma 9:31

Am sira rana tao do Yotay a yamangozay do iwawalam na ni Moyse am jyabo da kapakahap so aryarilaw na sira ni Ama ta do to a.

2 Kedinto 3:7

O iwawalam ni Moyse am nivatvatkan do mataripis a vato. No keyyan no nang am tomwaw rana o azwazway na ni Ama ta do to. No kanang am nimaniray o moing ni Moyse. Am ori o nikakowap da no Isedi a tao no oyowyat na ni Ama ta do to. No si manoyong a mazway o na kapwan no peyoyaoyyan ni Ama ta do to a iwawalam ni Moyse am

Cyalatay 2:17

Yaten rana a yaomanoyong ji Kizisto a nibnek na ni Ama ta do to a abo rana so raraten do tangain na am no si meyyangay ta kano beken a tao do Yotay a meyraraten am manngwa, apyahen na ni Kizisto o kapeyraraten ta saon? Jyabo kapya na sya a.

Cyalatay 2:19

Yaken rana am ko katenngan o kaji makahapan so to meyyonong a ikavyay no pahad ko no si pangozayan ko o iwawalam ni Moyse. Am ori o ko na ji ngapi so iwawalam ni Moyse. Ta ko na hapen o vazay na ni Ama ta do to. Ko akmey to macizasing so kataotao ji Kizisto a nimawakwak do jyojika.

Cyalatay 2:21

Ko ji zazaci o pangangasyan na ni Ama ta do to. No si iwawalam na ni Moyse o abnekan na jyaken ni Ama ta do to a abo rana so raraten do tangain na am manngwa, abo saon o peypeypangayan no na kanimawakwak ni Kizisto am.”

Cyalatay 6:14

Am yaken rana am yabo ikadwa na no yako pazwain, ta si Yeso Kizisto a Panirsirngen ta o yako pazwain a yanimawakwak nyaten do jyojika. O peypeypangayan no jyojika jyaken am yanimavonas rana o marahet a nakenakem ko. O peypeypangayan no nang am yako na nimamlis.

Sipolay 11:7

Si Noya rana am tana ji na pa nimacita o vazay am nyamizing na o nipaziman na sya ni Ama ta do to, do kapeyhanhan na ni Ama ta do to. Ori o nipamaring na so rako a avang. Ori o nikapya da asa ka vahay do henep, do katey rako no raraten no tao do karawan. So nikanoyong ni Noya a nibnek na ni Ama ta do to abo so raraten do tangain na, ta nipeyhanhan na si Ama ta do to.

Sipolay 7:18

So na rana ikablis no adan a iwawalam ni Moyse, ta yabo oyowyat na mapatazadang jyaten do teyngato.

Sipolay 7:19

Am cyaha, ta yarana myan so yapyapya pa hanhan ta a mapanop jyaten ji Ama ta do do. Iya rana am si Yeso Kizisto.