Cyalatay 3:17 - Seysyo No Tao

¹⁷ O peypeypangayan no ciring ko am ji meyyopowpas o nimanmanma a nipamnekan na ni Ama ta do to a ciring na. Tana nimanownowji o iwawalam ni Moyse so atlo a poo so ikasikalima ranaw (430) so awawan am jyablis o mina ciring na ni Ama ta do to ji Apolahan.

Cyalatay 3:17 ပူးပေါင်းရင်းမြစ်များ

Yowani 1:17

O iwawalam na ni Ama ta do to o nipangnanao na ni Moyse a onotan ta. Am o pangangarilawan na kano manoyong a nanao na ni Ama ta do to am ori o nyai na ni Yeso Kizisto do tao do karawan.

Nimlivolivon 7:6

Maniring pa jya si Ama ta do to am, ‘O sivosivovoong mo am meyvahay sira do teysa ka mahataw an, a kapeylamlamsoy da sira dang a peyrarehten so sikapat a poo (400) so awawan.

Loma 3:25

Nitovoy na si Yeso Kizisto a mangay mawakwak no raraten ta. So ikanoyong no meyhanhan nya tao a mavonas rana so raraten. O ikakman na sang ni Ama ta do to am ipacita na o kaji na alasan a mapeykapyapinpin so tao. Ta o pangangasyan na am ori o ji na rana mapasingsingkaji do meyhanhan nya tao no kakwa.

Loma 3:3

Tana yamyan jira so yatatasa yaji nganoyong do ciriciring na am cinakongo na. Manngwa, ablisen na pa o nakenakem na ni Ama ta do to?

1 Kedinto 1:12

O peypeypangayan no ciring ko am yamyan kono jinyo so yamanci no na kapacyanod jyaken. Yamyan kono so yamanci no na kapacyanod ji Apolo. Yamyan so yamanci no na kapacyanod ji Pite. Yamyan so yamanci no na kapacyanod ji Kizisto.

1 Kedinto 1:17

Ta o nipamnekan na jyaken ni Kizisto am beken a manaktak. Ta kapeylimwang ko no Mapasaray a Ciriciring na ni Ama ta do to. So ji ko mangozai do teneteneng ko a mangononong. Ta si akman sang am o teneteneng ko a mangononong o ikakza da ahapen no tao, a kaji da na ngapan so oyowyat no mina kawakwak na ni Kizisto do jyojika.

1 Kedinto 10:19

Ikongo peypeypangayan no akman sang a ciring. Manngwa, manoyong o kakdeng na no malas a iraralay da kano pazos?

1 Kedinto 7:29

O ko ipanci pa jinyo, manga kakteh am yalikey rana ta yahap so vazay na ni Ama ta do to. Am ori an, inyo rana yamyan so kahanghangan a mavakes am akman kamo rana so kabwan no tao a abo rana so ikasanga a mahap so vazay na ni Ama ta do to.

2 Kedinto 1:20

Ta na rana nipangononongan o aryarilaw na jyaten ni Ama ta do to ni Yeso Kizisto. Am ori o icyakma tey asa so onowned a manci no Amin a zomwazway si Ama ta do to.

2 Kedinto 9:6

Manakem nyo an. Ta o apereh so nipamowa am apereh o mahap da. O aro so nipamowa am aro mahap da.

Cyalatay 3:15

Manga kakteh, o ahahapan sya no tao am no meysirisiring o rarwa ka tao do vazay da am to da na mamneki o apyahen da. So ikabo rana no mapasobna do nipamnekan da vazay, do kabo rana no nipeyras da vazay.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Cyalatay 5:16

O yako ipanci am onotan nyo o peypalanginan na ninyo no Seyzi an. Ta ori o ipakazazat nyo do onowned nyo a to mangozangozay do apyahen nyo no nakem.

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

Ivoso 2:12

No kano nang am abo o kasngesngenan nyo ji Kizisto, ta akma kamoy kadwan a ji da patwatopa do tangain ni Ama ta do to, do kaji nyo macitetngehan do tao do Yotay. Ta sira am nipanta na sira ni Ama ta do to so pangozayan na ciring. So ikanoyong nyo a to rana hayo so onowned, do kaji nyo makatenngan ji Ama ta do to.

Ivoso 4:17

Ko pangozayan o ngaran ni Yeso Kizisto a Panirsirngen ta a yamvavaga jinyo. Ji nyo nginara o icicirawat da no yaji manaralay a tao, ta o nakenakem da nira am yabo na peypeypangayan.

Kelosi 2:4

O ko pancyan no akman sang jinyo am ko ihawa o karwan no tao a mapeykawad jinyo no malas a ciring da.

Sipolay 11:13

Sira rana ori am to da noiban do karawan o kapeyhanhan da ni Ama ta do to. Tana abo nimahap da do nipanci na ni Ama ta do to am da ji macimangsahi o da kapananala so akman sang a nakem na sira ni Ama ta do to. Da anoyngan o da kakmey mangilili a tao a yato ngiseysan do karawan.

Sipolay 7:18

So na rana ikablis no adan a iwawalam ni Moyse, ta yabo oyowyat na mapatazadang jyaten do teyngato.

1 Pite 1:20

Ji na pa nyamaog o karawan am nipamnekan na rana si Yeso ni Ama ta do to a mawakwak no raraten no tao do karawan. So na ikanoyong rana a nimai a somidong jinyo.