Cyalatay 3:12 - Seysyo No Tao

¹² Am o iwawalam na ni Moyse am abo kasngesngenan na do kapeyhanhan ni Ama ta do to. Ta o ciring do Seysyo am, “O mangozay do iwawalam na ni Moyse am abo dang o likliken a ciring.”

Cyalatay 3:12 ပူးပေါင်းရင်းမြစ်များ

Matay 19:17

Maniring si Yeso am, “Ikongo mo panahsan nya jyaken so apya vazay. Yasa saon o yapya so vazay am. Am no si kakzeben mo o kapakahap mo so to meyyonong a ikavyay no pahad mo am ahapen mo o iwawalam ni Ama ta do to.”

Loma 4:14

Ta no si azawen na yaten ni Ama ta do to do kahap ta so iwawalam na ni Moyse am manngwa, abo saon o peypeypangayan no kapeyhanhan ta ni Ama ta do to. So ikabo na saon no peypeypangayan no mina ciring na jyaten am.

Loma 4:16

O mina ciring na ni Ama ta do to so meyhanhan nya tao am to na palololwa do kapeyhanhan da nya. So ji na monganai do kapya no icicirawat ta. Ta o aryarilaw na ni Ama ta do to jyaten a sivosivovoong na ni Apolahan am ori o nipanci na a itoro na jyaten ni Ama ta do to. So ji ta mangozai do iwawalam na ni Moyse. Ta macyangay ta ji Apolahan a omanoyong ji Ama ta do to. Ta iya rana am akma tey ama a yameyhanhan ni Ama ta do to.

Loma 7:10

Am o peypeypangayan no iwawalam na ni Moyse am ipakateneng no tao do to meyyonong a ikavyay no pahad. Am o akman rana sang jyaken am yangay ko do kararatan. Ta yako jya nimataptap a yanipeyvazay no iwawalam na ni Moyse.