Cyalatay 3:1 - Seysyo No Tao

¹ Inyo rana abwata so kapsepsekan a tao do Cyalatay am yamanoyong na kanidomket ni Yeso Kizisto do jyojika. Am sinosino yamapeykawaw jinyo. Manngwa, kamo mavota saon?

Cyalatay 3:1 ပူးပေါင်းရင်းမြစ်များ

Matay 24:24

Ta amyan so tao no makwa a manci no ka si Kizisto da tao a kano malas so ipangnanao a tao. Sira rana am meyvazay sira so mapangyangyalak a vazay a ipeycyakawad da so tao. So icyakman da so sang a mapeycyakawad so nipamnekan na ni Ama ta do to a yamraralay nya tao.

Matay 7:26

Am o makamizing so ciring ko a tao a ji ngahap sya am akman so jyapatapatak a tao a mangay mapatnek so vahay na do kananayan.

Locya 24:25

Maniring si Yeso jira am, “Manoyong kamo a yajyateteneng a tao an. Ta ikongo nyo ji nganoyngi do ciring da no panoyonoywan na so ciring ni Ama ta do to no kakwa.

Nimlivolivon 16:6

Ikongo do ji na mya sira no Seyzi a mangay a meylimwang no ciriciring na ni Ama ta do to do Yasiya, am ori o nipangonong da do Vodicya kado Cyalatay.

Nimlivolivon 6:7

Am ori o nipeylimwang na rana no ciriciring na ni Ama ta do to. Am ori o to da raparapai jira no omanoyong ji Yeso do Yelosaleng a karo da rana. Tana mapatanatanang so nakem da si Ama ta do to am aro sira omanoyong rana ji Yeso.

Loma 10:16

Am beken a todamimin o tao a omanoyong do Mapasaray a Ciriciring na. Maniring si Isayya am, “Mo Panirsirngen, sino omanoyong do yanamen ipeylimwang a ciriciring mo.”

Loma 2:8

Am o yatomaosya so manoyong a nanao na ni Ama ta do to a yaomonot do malas a vazay da am meydedna jira o peyoyaoyyan na ni Ama ta do to.

Loma 6:17

Am ta isaray ji Ama ta do to. Ta no kakwa am akma ney lamlamsoy inyo no raraten. Am sicyaikwa rana ya am yasa rana o onowned nyo a yaomonot do manoyong a nanao.

1 Kedinto 11:26

Mangday no kakan nyo so pang a omyop so potaw cyo eya o kapeylimwang nyo ni Yeso Kizisto a nimawakwak no raraten nyo, mangay do ikeypirwa na mai.

1 Kedinto 2:2

Ta mina to ko na mamneki do kabo no yamatarek a yako inanao jinyo. Ta si Yeso Kizisto a nipadket da do jyojika o yako inanao jinyo.

2 Kedinto 10:5

Namen pahawahen so makakaday a mapazway a ciriciring a kano malas a nakenakem a yada izazat do tao a makateneng ji Ama ta do to. So namen pangozayan do oyowyat ni Ama ta do to a yamapanod so ji manaralay a tao ji Kizisto.

2 Kedinto 11:3

Am yako ikanyahey o kapeyparahet no onowned nyo a todahamang rana ji Yeso Kizisto, akman si Iwa a nilittan no volay.

Cyalatay 1:2

Yaken rana kano akma tey kakteh do cinai do jya am yanamen ipeyteygami inyo a peycyakyokyokayan na do Cyalatay.

Cyalatay 1:6

Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Cyalatay 2:14

Macita ko o iwawalam da a macisala do Mapasaray a Ciriciring na ni Ama ta do to am maniring ko ji Pite do tangain da no aro a tao am, “Imo am tao do Yotay ka. Am iwawalam mo am beken a tao do Yotay a yaji mangozay do adan a iwawalam ta a tao do Yotay. Ikeykongo ka yamgacigat do beken a tao do Yotay a mangozay do iwawalam da no tao do Yotay.

Cyalatay 3:3

Yakamo meypanngonngo a yakmey abo so nakem. No kakwa am nipeyhanhan nyo o Seyzi a tomalamozong ninyo. Am ikongo kamo a to mangozangozay do nyo ahapan sya a mapasaray si Ama ta do to sicyaikwaya.

Cyalatay 4:9

Am nyo katenngan si Ama ta do to sicyaikwaya. So na ipakateneng jinyo ni Ama ta do to a akma ney anak. Am ikongo kamo a yapa mangay amwoli so makanyaw a iwawalam nyo a abo so peypeypangayan. Manngwa, nyo apyapyahen pa o kakma nyoy lamlamsoy no makanyaw?

Cyalatay 5:11

No si ipeylimwang ko o kayongkad do kataotao am ikongo da rehrehtan jyaken. O da rehrehtan jyaken am ko ipeylimwang o jyojika ni Kizisto. Am ori o da oyyan nyaken no ji raralay ni Yeso.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Ivoso 4:14

a ji rana akman so kanakan, akmey azda a kano pagpag a jyatenngi so pamnemnekan a to ngonongonot so nakem do mangalalas so ciring a tao.

Ivoso 5:15

Am ori o apzatan nyo do icicirawat nyo. Ta ji nyo nginara o abo so pannaknakman a tao. Ta inarahen nyo sira o tey rako so pangasasnekan so icyatatao.

1 Timotay 6:4

o akman rana sang a tao am mapahama, abwata so katatenngan. So ikanoyong da makza no kapaciskaskad da a manamwad. So iyan na rana do onowned da no panginanehtan da, pacililimanan da, ji da manganoyngi.

Sipolay 11:8

Si Apolahan rana am nionotan na si Ama ta do to do kapeyhanhan na nya. Am ori o nikarwan na do keymiminili da a mangay do tovoyan na sya ni Ama ta do to a pongso a itoro na jya ni Ama ta do to. Am no kakaro na do keymiminili da am ji na tenngi o angayan na.

Sipolay 5:9

Komavos o vazay na ni Yeso am tombod rana jya o to meyyonong a ikavyay no pahad da no yaomonot jya tao,

1 Pite 1:22

Kamo manoyong a yarana ji meylimoteng so onowned a yamarilaw no akma nyoy kakteh do cinai, do yanyo kanoyong a yaomonot do nanao na ni Ama ta do to. So ikakdekdeng nyo pa a marilaw no kadwan jinyo.

1 Pite 4:17

Yarana marateng sicyaikwaya o araraw no yana ipeykapyapinpin so tao ni Ama ta do to. Am papwen na do omanoyong jya tao o pacicin na. No si panmahen na yaten a pacicin ni Ama ta do to am makongo paro sira so wanjin o jya niomanoyong do Mapasaray a Ciriciring na ni Ama ta do to a tao.

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

Ipaziman 18:3

Ta yana cinirara no Papilon o peycyamahamahatawan na a mapasagpyan so kataotao da a yamraralay no malas a iraralay da. So da nionotan jya no panipanirsirngen. O meypananazangan a tao am nikarapan o nizpi da no peycyamahamahatawan na a omraralay no malas a iraralay da.”

Ipaziman 2:20

Am yasa ka vazay pa o yako oyyan ninyo. Inyo rana am nyo to amyapya o malas so ciring a mavakes a meyngaran so Yesipi. Na cirarahen o lamlamsoy ko a mapasagpyan so kataotao da a yakoman so pazos da no yamalas a da iraralay.