Cyalatay 2:9 - Seysyo No Tao

⁹ Am katenngan da no panipanirsirngen do kyokay a si Yake a kani Pite a kani Yowani o ka yaken na no nipanta na ni Ama ta do to so oyowyat a meylimwang no Mapasaray a Ciriciring na do beken a tao do Yotay am isaray da yaken a kani Parnapo. Am ori o mina to da macipanadngi jyamen a meylimwang no Mapasaray a Ciriciring na ni Ama ta do to do beken a tao do Yotay. Am sira am to sira tarek a mapamizing so tao do Yotay.

Cyalatay 2:9 ပူးပေါင်းရင်းမြစ်များ

Matay 16:18

To ko na macitangayan jimo am imo rana am si Pite ka. So icyakma moy lalitan a patnekan ko so kyokay. So ji na rana makagogaji nya ni Satan. Ta akman rana sang am jyagogad no oyowyat ni Satan.

Locya 22:8

Am ori o nitovoyan na ni Yeso si Pite a kani Yowani. Maniring jira am, “Mangay kamo pa manita so pamaringan ta so kanen an.”

Yowani 1:42

Makarahan am yangay na si Simong ji Yeso. So nisingkadan na jya ni Yeso. Maniring am, “Imo rana mo Simong am anak na imo ni Yowani. O ngaran mo na am si Civa.” (O peypeypangayan no Civa am Pite. O Pite rana am lalitan.)

Nimlivolivon 12:17

Kasdep na ni Pite am patalahen na o lima na. Maniring jira am, “Ji kamo meyzezyak, ta ononongan ko na o panpandan no na nipasawayan jyaken ni Ama ta do to do pamemtengan.” Maniring pa jira am, “Ipanci nyo pa ji Yake a kano akma nyoy kakteh do cinai.” Teyka na ononongan ni Pite o cinasasaodan na am mangay rana do asa ka ili.

Nimlivolivon 15:13

Mateyka sira a mangononong am meyzezyak si Yake. Maniring am, “Manga kakteh, amizngen nyo an.

Nimlivolivon 15:7

So nikownay da nimeysirisiring. Meyratateng am meytatanek si Pite. Maniring jira am, “Manga kakteh, nyo katenngan yaken a na nipamnekan ni Ama ta do to a mangay a mapamizing so beken a tao do Yotay no Mapasaray a Ciriciring.

Nimlivolivon 4:36

Akman sang o vazay na no asa ka Diwey a tao do Saypolose a pongso a meyngaran so Yoseyvo. O ingaran da jya no nipamnekan na ni Yeso a omlivolivon no ciriciring na am si Parnapo. O peypeypangayan no ngaran na ori am “Mapayyait so nakenakem.”

Loma 1:5

Am ori o ko pangozayan do ngaran na a yamahap so vazay na yamapanop so tao a yaomanoyong ji Yeso Kizisto do peycyamahamahatawan na,

Loma 12:3

Yaken rana a nipamnekan ni Ama ta do to a lamlamsoy na a nipantan na so aryarilaw na am ko vavagan inyo. Ji nyo pahamaha o kataotao nyo. Ta to nyo palololwa o ahahapan nyo so kataotao nyo do na nitoro jinyo ni Ama ta do to a teneteneng nyo.

Loma 15:15

Am o teygami rana ya am ji ko na nayotaywa o ciring ko a inanao ko jinyo do yamakakaday a nyo pa jyataptap a vazay. Ta na nipamnekan yaken ni Ama ta do to a lamlamsoy na ni Yeso Kizisto a yameyvazay do beken a tao do Yotay. So yako ikakmey mapatanatanang so kingking a tao a yameylimwang no Mapasaray a Ciriciring na ni Ama ta do to. Inaoy no si akmey kingking sira o beken a tao do Yotay a isaray na ni Ama ta do to, ta niblis na rana no Seyzi o onowned da. So ikanoyong da rana abo so raraten do tangain na ni Ama ta do to.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

2 Kedinto 11:5

Ko ji nganoyngi o ko katonton do yamangalalas a beken a lamlamsoy ni Kizisto.

2 Kedinto 12:11

Yako akmey mapazway a tao. Am monganay jinyo o yako ikakman sang a yaji mapazway jyaken do tangain no malas a tao. Tana abo angangayan ko am jyabo kaji ko maciktwan do yamangalalas a beken a lamlamsoy ni Kizisto a.

2 Kedinto 8:4

Ta da to meynakman o da kai jyamen a manci no kasidong da so akma dey kakteh do cinai a sinjya do Yotay.

Cyalatay 1:16

Nipacita na jyaken o Anak na. Am ori o nipakateneng ko do Mapasaray a Ciriciring na ni Kizisto a ipeylimwang do beken a tao do Yotay. So ikabo no tao a nipacyamizngan ko.

Cyalatay 1:18

Ikatlo na kawan am mangay ko ji Pite do Yelosaleng a macivahay jya so makalima so icyarwa (15) so araraw.

Cyalatay 2:1

Ikapat na so icyarwa (14) no awawan am macihza ko ji Parnapo a mangay do Yelosaleng a kapehza ko si Tito.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Cyalatay 6:3

O mapakateneteneng a tao am akma ney littan o kataotao na.

Ivoso 2:20

Ta nyo nimahap rana o nanao da no nipamnekan ni Yeso a omlivolivon no ciriciring na kano mangononong so ciriciring na ni Ama ta do to. So na ikamimin no nang a yapo ji Yeso Kizisto.

Ivoso 3:8

Tana mina saod na so kabo no kapsepsekan ko am na manket yaken a pahanhanen a meylimwang nya jinyo a beken a tao do Yotay so aglaglaw na jyaten ni Kizisto.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

1 Timotay 3:15

Am no si kahahay ko am cyaha, ta to ko na mancyan jinyo do teygami ko o iwawalam ta. Ta yaten rana amraralay ni Ama ta do to am akma tey asa ka vahay rana, do yana katketken jyaten ni Ama ta do to no ciriciring na no to meyyonong a mavyay a Tao do to.

1 Yowani 1:3

O nimacita namen a kano nimamizing namen am namen toywen jinyo. So ikanoyong nyo na macikaop jyamen a akma nyoy kakteh do cinai, do namen kapacikaop ji Ama ta do to a kano Anak na si Yeso Kizisto.

Ipaziman 3:12

O jya nimablis so onowned a tao am akman sira so sominogat a ai no vahay a ralaralayan da ni Ama ta do to a vahay a kaji da na ngarwan do dang. Ta padketen ko do kataotao da o ngaran na ni Ama ta do to a kano ngaran no ili na ni Ama ta do to. Ori rana am apo ji Ama ta do to do teyngato a nipakas na a Vayo a Yelosaleng a kapadket ko so vayo a ngaran ko do kataotao da.