Cyalatay 2:8 - Seysyo No Tao

⁸ Ta si Ama ta do to o yaniomoyat jyaken a mangay do beken a tao do Yotay, akman si Pite a nitovoy na ni Ama ta do to a meylimwang no Mapasaray a Ciriciring na do tao do Yotay.

Cyalatay 2:8 ပူးပေါင်းရင်းမြစ်များ

Nimlivolivon 1:25

a macipalit do vazay ni Yota. Ta nikarwan na rana o vazay na mangay do angayan na.”

Nimlivolivon 1:8

Am meyhekas jinyo o Seyzi. So iyan no rako a oyowyat nyo a meylimwang nyaken do Yelosaleng a kado peycyeylilyan na do Yotay a kado Samadiya a mangay do peycyamahamahatawan na.”

Nimlivolivon 15:12

So ikabo no meykazyazyak a tao a omamizing so ononongan ni Parnapo a kani Pawlo, do kapeyzokab da no vazay da do beken a tao do Yotay, ta nisidong na sira ni Ama ta do to.

Nimlivolivon 19:26

Ko ipanci jinyo am nyo na nimamizing, nyo na nimacita o icicirawat na kano vazay na ni Pawlo. Ta maniring asyo am, ‘O nipariparing rana no tao a iraralay da am beken a meyngongyod a Tao do to.’ O akman sang a ciring am da to nganoyngi no aro a tao do Ivoso a kado Yasiya.

Nimlivolivon 21:19

So nipeyminaminasyan na nira ni Pawlo a kapanci na no vazay na ni Ama ta do to jya do beken a tao do Yotay, do mina kapeylimwang na no ciriciring na ni Ama ta do to jira.

Nimlivolivon 22:21

Maniring jyaken si Yeso am, ‘To ka nangay. Ko na to novoya imo a mangay do ili da no beken a tao do Yotay a meylimwang no ciriciring ko.’ ”

Nimlivolivon 4:4

Am no kanang am aro tao a niomanoyong do nipangnanao da Pite. O vilang da no mahakay am kakaliman a ranaw (5000).

Nimlivolivon 8:17

Am ori o nipaoptan da jira so lima da da Pite a kani Yowani a ipanlanlag da. Ori o niyan na rana jira no Seyzi.

Nimlivolivon 9:15

Maniring jya si Yeso am, “Mangay ka, ta ko nipamnekan si Sawlo a mahap so vazay ko a meylimwang no ngaran ko do beken a tao do Yotay a kano aro a panipanirsirngen, pacyangayan nyo a Isedi a tao.

1 Kedinto 15:10

Am o pangangarilawan na ni Ama ta do to o ko ikakman sya. Yamanoyong o pangangarilawan na ni Ama ta do to a nitoro na jyaken. Am ori o ko ikaharahara pa a yameyvazay a kano karwan namen a nipamnekan na ni Yeso. Am beken a kowyowyat ko a meyvazay, ta si Ama ta do to am ori o yamacipeyvazay jyaken.

1 Kedinto 9:2

Tana ji da panadnada yaken a nipamnekan ni Kizisto am cyaha, ta nyo panadnaden yaken a nipamnekan ni Kizisto. Ta inyo o yongkad na no kanimamnek na jyaken ni Kizisto a Panirsirngen ta.

Cyalatay 3:5

Na nitoro ni Ama ta do to o Seyzi jinyo a yamapeyvazay so mapeyzokab a vazay. Am manngwa, yamonganay ori do yanyo kahap so iwawalam na ni Moyse? No yamonganay do yanyo kanimakamizing so Mapasaray a Ciriciring na ni Ama ta do to.

Kelosi 1:29

Am ori an o ko ikowyat a yameyvazay a ji macimazikna do vazay a mangozay do na kaniomoyat jyaken ni Kizisto a yanitomoro no vazay na jyaken.

1 Tesalonicya 2:13

Namen masangib a yasomaray nya ji Ama ta do to. Ta o namen nipeylimwang a ciriciring na am nyo na nimamizing. Nyo na nimahap. So nyo ji mancii nya ciring no tao, ta nyo anoyngan ori a ciriciring na ni Ama ta do to. Ta o ciring ori am yaomoyat do onowned nyo a yarana omanoyong ji Yeso Kizisto.