Cyalatay 2:21 - Seysyo No Tao

²¹ Ko ji zazaci o pangangasyan na ni Ama ta do to. No si iwawalam na ni Moyse o abnekan na jyaken ni Ama ta do to a abo rana so raraten do tangain na am manngwa, abo saon o peypeypangayan no na kanimawakwak ni Kizisto am.”

Cyalatay 2:21 ပူးပေါင်းရင်းမြစ်များ

Make 7:9

Maniring pa jira am, “Yakamo tey mateneng a yatomaosya so Ciriciring na ni Ama ta do to, do yanyo kahahap so icicirawat no ineynapo nyo.

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

Loma 4:25

Nimawakwak si Yeso no raraten ta a kapirwa na rana mavyay. So ikanoyong ta na ipanci ni Ama ta do to abo so raraten do tangain na.

Loma 8:31

No yakman sang am ikongo ipanci ta. No si sidongen na yaten ni Ama ta do to am abo makaharag jyaten.

1 Kedinto 15:14

No jya nimirwa a mavyay si Kizisto am jyabo angangayan no kapeylimwang namen nya. Jyabo peypeypangayan no kanoyong nyo ji Yeso a.

1 Kedinto 15:17

No ji nimirwa a mavyay si Kizisto am abo o peypeypangayan no kanoyong nyo jya. So ikanoyong nyo amyan pa do peyraratenan nyo.

1 Kedinto 15:2

O Mapasaray a Ciriciring na ni Ama ta do to o nipakahap nyo so to meyyonong a ikavyay no pahad nyo. So pangozayan nyo jya an, ta no si ji nyo mangozay am abo o peypeypangayan na no kanoyong nyo ji Yeso Kizisto.

Cyalatay 2:16

Am ta katenngan an, o ipacikaop no tao ji Ama ta do to am anoyngan si Yeso Kizisto. Beken a omagaz do kahap so iwawalam ni Moyse. Yaten rana am yata anoyngan si Yeso Kizisto. Am ori o ta ipacikaop ji Ama ta do to. So na ji monganai do ta kapangozay do iwawalam na ni Moyse. Ta abo o asa ka tao a meypapya no iwawalam na ni Moyse do tangain na ni Ama ta do to.

Cyalatay 2:18

Am no si olin ko pa hapen o iwawalam ni Moyse am raraten ko ori.

Cyalatay 3:21

No akman sang am manngwa, masipalpalpid o iwawalam ni Moyse a kano pangozayan na a ciring a nitoro na ni Ama ta do to? Jyabo kakman na sang a. No si manoyong o kapakahap ta no iwawalam ni Moyse so to meyyonong a ikavyay no pahad ta am makanet rana ori a ipacikaop ta ji Ama ta do to.

Sipolay 7:11

O iwawalam no Isedi a tao am nimakalapo no kakwa o kapangozay da do iwawalam ni Diwey a mapatanang so nakem da ji Ama ta do to. No makanet rana ori a ipakasalap ta do teyngato am ikongo tovoyan na pa ni Ama ta do to si Yeso Kizisto a mapatanatanang nyaten so nakem ta ji Ama ta do to akman si Mocisete, a iblis na so adan a iwawalam ni Yalon.