Cyalatay 1:6 - Seysyo No Tao

⁶ Ko ikeyngen inyo so onowned a yato ngaro do pangangarilawan na ni Ama ta do to a yanimamnek jinyo a nyo kahap so yamalas a nanao.

Cyalatay 1:6 ပူးပေါင်းရင်းမြစ်များ

Make 6:6

Am ori o nyeyyakan na nira, ta ji sira manganoyong o aro a tao. So ji na nimacimazai do kalivolivon na do peycyeylilyan na mangnanao so tao.

Yowani 9:30

Maniring ori am, “Asyo ori nyo jyatenngi na kapwan no yaniomiwakwak do mata ko ang.

Nimlivolivon 15:11

Yaten rana am meyyangay ta kano beken a tao do Yotay a patazadangen ni Ama ta do to do teyngato, do ta kapeyhanhan no pangangarilawan na ni Yeso a Panirsirngen ta.”

Loma 10:3

Da to mangozangozai o nakenakem da a mahap so iwawalam na ni Moyse a yaji meyhanhan ni Ama ta do to a yamvonas so raraten a manci nira abo rana so raraten do tangain na.

Loma 5:2

O ta ikakman sang sicyaikwaya am pangangarilawan na ni Ama ta do to, do ta kapeyhanhan ni Kizisto. Am ori o ikasaray ta, ta katenngan ta o kahap na jyaten ni Ama ta do to do teyngato a macikasaray do azwazway na.

Loma 8:28

Tamo katenngan na kasidong ni Ama ta do to so yamraralay nya a tao a nipamnekan na mangozay do nakenakem na a tao. So na ikamimin no vazay da na ipeypalanginan ni Ama ta do to. So ikanoyong da meypapya nya.

Loma 8:30

Ta o tao a nipamnekan na ni Ama ta do to a amraralay nya am nipanop na sira a omanoyong jya, kabnek na sira abo so raraten do tangain na. So ikanoyong da macikazway jya do teyngato no makwa.

1 Kedinto 4:15

Tana todaro tao amnanao jinyo a mapeypahagnat so nakenakem nyo ji Kizisto am asa saon o ama nyo am. Ta yaken rana am nipeylimwang ko jinyo o Mapasaray a Ciriciring na ni Ama ta do to. So yako icyakmey ama nyo a omanoyong ji Yeso Kizisto.

2 Kedinto 11:4

Ikeykongo kamo a yato mamyapya no yamacitarek so ipeylimwang a ka nyamen a yaomagaz ji Yeso. Ikeykongo kamo eya a to nganoyong do macitarek so ipeylimwang a Seyzi a kano Mapasaray a Ciriciring.

2 Kedinto 2:17

Namen jyakman so aro a tao a yamacininizpi no nanao ni Ama ta do to. Ta namen meyngongyod a nipamnekan ni Ama ta do to a yameylimwang no ciriciring na. So namen ikanoyong a yaji mangalalas so ciring a lamlamsoy na ni Kizisto.

Cyalatay 1:11

Manga kakteh, to ko na macitangayan jinyo am o ko ipeylimwang jinyo a Mapasaray a Ciriciring na ni Ama ta do to am beken a nimyapo do tao.

Cyalatay 1:15

No kaji ko pa nimatazakan a tao am nipamnekan na rana yaken a mahap so vazay na ni Ama ta do to, do karilaw na nyaken.

Cyalatay 1:7

Am to ko na mancyan jinyo am abo o ikadwa na no Mapasaray a Ciriciring na ni Ama ta do to. Am da kapeykawaw jinyo no tao a komaro do manoyong a nanao ni Yeso Kizisto.

Cyalatay 2:14

Macita ko o iwawalam da a macisala do Mapasaray a Ciriciring na ni Ama ta do to am maniring ko ji Pite do tangain da no aro a tao am, “Imo am tao do Yotay ka. Am iwawalam mo am beken a tao do Yotay a yaji mangozay do adan a iwawalam ta a tao do Yotay. Ikeykongo ka yamgacigat do beken a tao do Yotay a mangozay do iwawalam da no tao do Yotay.

Cyalatay 2:2

O yangay ko do Yelosaleng am onotan ko o ciring na ni Ama ta do to a manci nya do panipanirsirngen no kyokay so mina vazay ko no kapeylimwang ko no Mapasaray a Ciriciring na ni Ama ta do to do beken a tao do Yotay. Ta ji ko mamyapyan o kapanci da no vazay ko ji Ama ta do to no kakwa a kasicyakwaya abo so peypeypangayan.

Cyalatay 2:5

Am ji namen mamyapyan o kablis na no Mapasaray a Ciriciring na ni Ama ta do to a nipeylimwang namen jinyo. Am ori o ji namen nimapaoyoi jira.

Cyalatay 2:7

To da rana tenngi o kanitomovoy na jyaken ni Ama ta do to a yamangay a meylimwang no Mapasaray a Ciriciring na do beken a tao do Yotay. Akman sang si Pite a nitovoy na ni Ama ta do to do tao do Yotay a meylimwang no Mapasaray a Ciriciring na.

Cyalatay 5:14

Ta yana to zagoma no pangangarilawan o iwawalam na ni Moyse. Ta si ahapen ta o ciring do Seysyo a manci no, “O aryarilaw mo so kataotao mo am akman sang o karilawan mo no icyatatao mo,” am nimahap ta rana o iwawalam ni Moyse.

Cyalatay 5:4

Inyo rana yamnakenakem so kabnek na jinyo a abo so raraten ni Ama ta do to a yamangozay do iwawalam na ni Moyse am kanyo manoyong a yameyparai ji Kizisto, do nyo kataosya so oyowyat na ni Ama ta do to a yasomidong jinyo.

2 Tesalonicya 2:14

O Mapasaray a Ciriciring na ni Ama ta do to a nipamizing namen jinyo am ori o yanimrara jinyo a macikasaray do azwazway na ni Yeso Kizisto a Panirsirngen ta.

1 Timotay 1:14

O Panirsirngen ta rana si Yeso Kizisto am yatey rako o pangangarilawan na a na nitoro jyaken a na kapanta pa nyaken so onowned ko a meyhanhan nya kano pangangarilawan ko so icyatatao ko, ta yako macikaop rana jya.

1 Timotay 1:3

Apyapya kato mo ngyanan do Ivoso akman so mina ciring ko jimo no kapeypangay ko do Maciton a omzazat do yameylimwang no malas a nanao.

2 Timotay 1:9

Iya o nimahap jyaten a mapanop jyaten a omanod jya. Am beken a omagaz do kapya no icicirawat ta, ta yaomagaz do nakenakem na kano pangangarilawan na ni Ama ta do to. Ta no kaji na pa nimangamaogan so karawan am nimanakem na rana o katovoy na si Yeso Kizisto a somidong jyaten.

2 Timotay 2:1

Imo rana manganako am ahapen mo o na nitoro jimo ni Yeso Kizisto a pangangarilawan na, ta ori o ikowyat no onowned mo.

1 Pite 1:15

Naknakmen nyo o kaji nyo mapazavozan so marahet a vazay nyo. Ta si Ama ta do to a yanimapanop jinyo am yabo jiya o marahet.

2 Pite 1:3

Na rana nipazanod yaten ni Ama ta do to no oyowyat na, akma ney anak do karawan. Am ori o ji tamo meylimotengi so onowned do araraw. O tamo ipakahap so sang am yaomagaz do tamo rana kapakateneng ji Ama ta do to a yanimapanop jyaten a yamapazanod jyaten do inawan na kano azwazway na ni Ama ta do to,

Ipaziman 22:21

Inaoy si itoro na jinyo o pangangarilawan na ni Yeso a Panirsirngen ta. Amin.