Cyalatay 1:24 - Seysyo No Tao

²⁴ Am ori o yada rana sarayan ya ni Ama ta do to, do yako kapamlis rana a meylimwang no ciriciring na ni Yeso Kizisto.

Cyalatay 1:24 ပူးပေါင်းရင်းမြစ်များ

Matay 9:8

Macita da no tao am nisavasavak da a kazwazway da si Ama ta do to, ta nipakemkem na do tao o oyowyat na.

Make 2:12

So nipeyvangon na rana no tao a omahap so nirayan na a kapakowbot na rana. Pacimatan da no aro a tao am ori o nisavasavakan da nya a kazwazway da na si Ama ta do to. Maniring sira am, “Namen pa jya nimakacita so akman sya vazay.”

Locya 15:10

Ko pa ciring jinyo am o tinsi na ni Ama ta do to am akman so sang a somaray no asa ka mamlis a meyraraten a tao.”

Locya 15:32

Am si wari mo rana am yakmey nimawakwak a na kavyay an. Yakmey yanimabo a apzapzatan a na kapeytotwaw rana an. Am ori o ji na alasi no kasaray ta nya an.’ ”

Locya 2:14

“Azwazwain takamo si Ama ta do to. Inaoy si itoro na jira do omraralay nya tao do teyrahem o ikapiya no onowned da.”

Locya 7:16

Ori o nisavasavakan da nya no aro a tao a kasaray da nya ji Ama ta do to. So peycirngan da so, “Oyod a myan jyaten so panoyonoywan na so ciring ni Ama ta do to.” Maniring sira pa am, “Yanimakaranes rana o yamapatazadang jyaten.”

Nimlivolivon 11:18

Mamizing da o ciring na jira am ji da rana namwada, ta isaray da si Ama ta do to. Maniring sira am, “Yamanoyong si Ama ta do to a yamarilaw no beken a tao do Yotay a nimamlis rana a na torwan no to meyyonong a ikavyay no pahad da.”

2 Kedinto 9:13

O akman rana sang a ipanidong nyo so tao am ipakateneng da jinyo no aro a tao a yaomonot ji Kizisto a yaji mapasala do nanao ni Kizisto a yamanidong so tao. Am ori o da miminan so azwazway a itoro ji Ama ta do to no aro a tao.

2 Tesalonicya 1:10

O araraw na no ipeygegcin na am mamimin sira omanoyong jya tao a omazwazway sya a somaray nya. Inyo rana am macyangay kamo do dang, ta nyo anoyngan o nipeylimwang namen jinyo a ciriciring na ni Ama ta do to.

2 Tesalonicya 1:12

No akman kamo sang am ikazway no ngaran na ni Yeso a Panirsirngen ta. So ipacikazway nyo jya. O kapwan no nang am apo do pangangarilawan na ni Ama ta do to a kani Yeso Kizisto a Panirsirngen ta.