No makasinmo ka so tao a pacioyyan mo am apyapya o to nyongbowa so marahet a vazay nyo do pangonongan nyo. Ta maraherahet o kangay na nimo do mapacici a tao a kaneb da jimo do pamemtengan.
Ta ko manakem o kato mo na meykaooi asyo a pacisyayan ko. So ko toda ji ngamogi so kakeykai ko a makacita jimo. Ta jyabo kaji ko narayan a makacita jimo a.
Imo rana am makeykai ka mai do jya, do yana ipeypamyan rana, ta marekmeh rana. Yopolo a kani Poteng a kani Dino a kani Kelawtiya kano aro a akma tey kakteh do cinai o yameyminaminasi nimo.
Ko naknakmen a tovoin si Atema no beken a si Ticiko a mangay jimo do dang. So ji mo meypahahai a mangay do Nikepodi a mapananala jyaken. Ta nipamnekan ko na o kato ko ngyanan do dang sicyamyan eya.
