2 Timotay 3:3 - Seysyo No Tao

³ Abo rana o pangarilawan da so tao. Abo o pangangasyan da so icyatatao da. Mananamwad sira. Masosozi sira. Mangangamo sira. Ikaoya da o apya vazay.

2 Timotay 3:3 ပူးပေါင်းရင်းမြစ်များ

Matay 10:21

No si marateng o araraw no nang am ipanazang da no tao o meysominogat a kakteh da a wakwaken no tao. So icyakman na sang no ama da do ananak da. O ananak da am ioya da sira o inyapwan da a manci no kawakwak da sira no tao.

Matay 4:1

Makarahan am ipeypalanginan no Seyzi si Yeso a yangay do kabwan no nihakawan no tao a littan ni Satan.

Locya 10:16

Maniring si Yeso do macinanao jya am, “O omamizing jinyo am omamizing jyaken. O mapasobna jinyo am mapasobna jyaken. O mapasobna jyaken am pasobnan da o nitomovoy jyaken an.”

Locya 16:14

Mamizing da no tao a macyagom do Vadisay o ciring na ni Yeso am ipeykeykaming da, ta ikakza da o nizpi.

Yowani 6:70

Maniring si Yeso am, “Ko inyo nipamnekan a yararwa so ikakarwan am yamyan jinyo so yasa ka tao a yana italamozong ni Satan.”

Loma 1:29

Yamakakaday o raraten do onowned da akman so mangagom, manginanahet, manwakwak so tao, mapatongtonggal, mangalalas a kano mangamaog no tao so ciring.

Loma 1:31

Sya akmey yabo so nakenakem. Da alalasan o mina ciring da. Yabo pangangarilawan da.

1 Kedinto 7:5

Am ori o ji nyo mapasalai do kadwan jinyo an. No nakem no asa jinyo so kapeynozi na am manoyong o kapeytarek nyo so alikey. Am no komavos rana a meynozi am meytovong kamo na meyyaven do vahay. Ta littan na inyo ni Satan do kaji nyo makaparingan so nakem nyo.

1 Kedinto 7:9

Am no si ji nyo apzaci o onowned nyo am apyapya o kapazagzagpit nyo. Ta maraherahet o kato na ngyanan do onowned nyo no kakey nyo a macivahavahay.

1 Tesalonicya 4:8

O ji ngahap so akman sang a nanao am beken a tao o na pasobnan, ta o Seyzi a nitoro na jyaten ni Ama ta do to am ori o pasobnan na.

1 Timotay 3:11

O katovong da do vahay a mavakes am apiya o icicirawat da. Ji sira manamwadan. Taosya o kapangalalas da no makakaday a vazay.

Tito 1:8

Isaray na o kapanaotao na so tao. Isaray na o kapanidong na so tao. Apzatan na o onowned na, kapiya na no icicirawat na. Akmey mazngang o onowned na a ji nala so nakenakem.

Tito 2:3

Vavagan mo sira o rarakeh a mavakes a kapiya da so nakenakem. Ji sira manamwad. Ji da macikeyyani o saki. Ta naknakmen da o kapeycitacita da jira no malalavayo a mavavakes.

Yake 2:6

Am inyo rana am nyo panyanigen sira o yamakasi a tao. Am o yamapasnesnek jinyo a yamangay ninyo do pacicicyan am sira o katenngan a tao a yaro so nizpi.

2 Pite 2:14

Yabo da ji nitanita no mata da. Da pa ji makamyamyan o yamakakaday a yada peyraratenan. Da cirarahen sira o yaji makanet so onowned ji Ama ta do to a tao a mapasagpyan so kataotao da. Sira rana am da inaman o yada pangangagoman. So da ikanoyong a yana balinasen ni Ama ta do to.

2 Pite 2:19

Ipanci da o kapeypapya da no macilolo jira. Am jyakman sang, ta kapasagpyan da so icicirawat da. So ikanoyong no macihza jira tao a kalamsoyan no makakaday, do katalamozong na nira no raraten.

2 Pite 3:3

O ney makdeng na am manakem nyo o keyyan no to mangozangozay do onowned da tao a meykeykaming ninyo do pangavosan no karawan.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Yota 1:18

Maniring sira jinyo am, “Do kavosan no karawan am amyan so tao a komolala si Ama ta do to a meykeykaming ninyo.”

Ipaziman 13:15

Makahap o ikadwa na no omalalam so rako a oyowyat am avyain na o akma ney keyteytawan no nimanma na omalalam. So nipeyzezyak na rana a kawakwak na so ji raralay nya a tao.

Ipaziman 13:17

O ipadedket am vilang a ngaran na no omalalam. O jya nipadketan am ji makasazang so kanen na. Ji makapalit no apzapzatan na so ileylamnay na so nakem.

Ipaziman 16:6

Sira rana am nipavoyog da o rala no yaomanop jimo a tao a kano panoyonoywan mo so ciring mo. Sicyaikwa rana ya am ipanta mo sira so rala a yopen da. Ta manoyong ori a ipasingsingkad mo sira.”

Ipaziman 17:6

Karahan am macita ko o mavakes a masaki no rala no omanop ji Ama ta do to a tao a kano rala da no niwakwak da a nimeylimwang ni Yeso a tao. Macita ko am ikalak ko.