2 Timotay 3:2 - Seysyo No Tao

² Ta o kataotao da o manakem da. O kapangamkam da so nizpi. O kapahama da so nakem da. O kapanraherahet da. O kapasala da do inyapwan da. Ji da narayan o nisidongan da sira no tao. Jyanoyong o nakenakem da ji Ama ta do to.

2 Timotay 3:2 ပူးပေါင်းရင်းမြစ်များ

Matay 15:6

Nyo tongbowa no iwawalam nyo o Ciriciring ni Ama ta do to, do yanyo kapyapya pa so iwawalam no ineynapo nyo.

Locya 12:15

Maniring jira am, “Azimanen nyo kaji nyo mangagoman so meykamadadayan an. Ta tana meynakem o tao ori am beken a ikapintek na do karawan ori.”

Locya 16:14

Mamizing da no tao a macyagom do Vadisay o ciring na ni Yeso am ipeykeykaming da, ta ikakza da o nizpi.

Locya 6:35

So karilawan nyo no macioya jinyo a tao an. Makapya kamo so nakem jira an. O nivood da jinyo am ji nyo naknakma o kapaoli da sya jinyo an. Ta arakorako rana o nakem na jinyo ni Ama ta do to. So ipeyngongyod nyo anak na no tey mazway a Tao do to. Ta ikarilaw na ni Ama ta do to o ji naray no itoro na jira. Ikarilaw na o meyraraten a tao.

Nimlivolivon 5:36

Ta no keypisa am amyan so tao a nimai a meyngaran si Teota a mapakarakarang so kataotao na kapacilolo da no kakapatan a poo (400) a tao. Am wakwaken da si Teota am to sira na meyvwak o nimacilocilolo jya tao, kabo na rana no angangayan na.

Loma 11:18

Am ji nyo ngolala o yangaw na a nimapolcing, ta kapalangayan nyo o yangaw ang. So ji nyo mapazwai so kataotao nyo, ta beken a inyo o yapwan no pamnowan no kayo. Ta o yamot na am ori na ilida.

2 Kedinto 5:15

Na nikawakwak ni Yeso o tao do karawan. Ori o ji ta to mangozai do aktokto ta. Ta pangozayan ta si Yeso Kizisto a nimawakwak no raraten ta a kapirwa na rana mavyay.

Veydipi 2:21

O karwan no tao am o kataotao da o da naknakmen. Da jyanakem o vazay na ni Yeso Kizisto.

Kelosi 3:5

Am ori o to nyo peykaboboi so marahet a ikeykakza nyo, akman so mapasagpyan so aktokto a kano makakaday a marahet a aktokto a kano mangagom. Ta o mangagom rana ya am akmey to na raralayan o kakzeben na no nakem.

2 Tesalonicya 2:4

Iya rana am ioya na sira o tao a ji raralay nya. Ta abneken na o kataotao na makarakarang pa kano iraralay da no tao. So yangay na omlisna do raralayan da ni Ama ta do to a mapakataotao do to.

1 Timotay 1:20

O akman rana sang a tao am si Siminay a kani Yadisanta. So ko na nitorwan nira ji Satan a italamozong na, ta ori pa o ipakateneng da do apya, kaji da na rehrehtan si Ama ta do to.

1 Timotay 1:9

Am ori o naknakman ta sya an. Ta o iwawalam rana ni Moyse am beken a isidong so apya so nakenakem a tao an. Ta o marahet so nakenakem am ori o cinamaog na a izazat do marahet a vazay da. O ipanci da marahet so nakenakem a tao a kano ji mangozay do iwawalam na ni Moyse am ji ngahap so nanao, ji raralay ni Ama ta do to, meyraraten, komolala so ipeylimwang da ciriciring na ni Ama ta do to, makza no marahet a icicirawat no tao do karawan, manwakwak so inyapwan a kano icyatatao,

1 Timotay 3:3

jyasaki, ji macililiman, apiya o nakenakem so icyatatao, ji mangamkam so nizpi.

1 Timotay 6:10

O makza rana no nizpi am yapwan na no meycyamadadayan a raraten na. Ta amyan so tao a tey makza no nizpi a to ngaro rana do manoyong a nanao na ni Ama ta do to. So ikaro na rana no ikeyngen na no onowned.

1 Timotay 6:4

o akman rana sang a tao am mapahama, abwata so katatenngan. So ikanoyong da makza no kapaciskaskad da a manamwad. So iyan na rana do onowned da no panginanehtan da, pacililimanan da, ji da manganoyngi.

2 Timotay 3:4

Ipacinginangina da o icyatatao da. Ji da naknakma o apiya ahapan da so vazay da. O ahapen da am mapakazwazway sira. Maharahara pa o sarasaray da so makakaday a vazay da a kani Ama ta do to.

Yake 2:8

No si manoyong kamo a mangozay do ciring do Seysyo am, “To mo mangozai o aryarilaw mo so kataotao mo a marilaw no icyatatao mo.” Ta ori rana am ney makdeng na a iwawalam na ni Ama ta do to. No si peyvazain nyo ori am manoyong kamo na so ahahapan sya.

Yake 4:16

Am ikeykongo kamo eya a yato mapahama so nakem a ji mangozay do nakenakem na jinyo ni Ama ta do to. O mapazway rana ya am malas ya a vazay.

Yake 4:6

Ta arakorako pa o sidongan na jyaten ni Ama ta do to. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

1 Pite 5:5

Inyo rana a malalavayo a tao am onotan nyo o apya ciring da jinyo no rarakeh. So ko to zagomi jinyo a yapancyan no kapaveveh nyo so aktokto nyo a somidong so vazay no kadwan jinyo. Ta maniring do Seysyo am, “Ji na nidonga ni Ama ta do to o mapahama so nakem na tao. Apyapyahen na pa sidongen sira o mapaveveh so nakem da tao.”

2 Pite 2:10

Tarek pa sira o to mangozangozay do onowned da a ji mapanadnad so oyowyat ni Ama ta do to. Ta jyabo kaji nakdekdengan pa no pasingsingtan na jira. Pahamahen da o nakem da no malas so ipangnanao a tao a ji mapanadnad so tinsi na ni Ama ta do to.

2 Pite 2:12

Am o malas so ipangnanao a tao am sya akmey omalalam a yaji makateneng do kasnekan da a yamapananala so omwakwak sira a tao. Da ikazyak o yada jyatenngi a vazay. So ikanoyong na mangay jira no peyoyaoyyan na ni Ama ta do to,

2 Pite 2:18

Sira rana am sya mapatwaw so rako a ciring a tomirara so vayo pa niomtad no peyraratenan da tao.

2 Pite 2:3

Sira rana malas so ipangnanao a tao am mangamaog sira so ciriciring a ipeylimwang da ipangap da so apzapzatan no tao a ikadpeh jira. So iyan na rana no kakwa no oyyan na nira ni Ama ta do to. So ikanoyong da rana ji rana makasaway do pasingsingtan na jira ni Ama ta do to.

Yota 1:16

Masangib sira meyoyaoya a ji makamyamya no peymeymasaodan da. Da to ngonongonongi o nakenakem da, mapakazwazway no ciring da. Apiya o ciring da a ipeha da do icyatatao da.

Ipaziman 13:1

Karahan am makacita ko so asa ka omalalam a apo do awa. O ozong na am asa ngarnan. Oo na am apito. O ozong na am makakaday no sakop no panirsirngen. Oo na am adketan no ngaran a iraherahet na si Ama ta do to.

Ipaziman 16:11

To da na ngavaya si Ama ta do to, do kateywara no pakaliliwan da so kataotao da kano noka da. Am ji da ngaroi o marahet a iwawalam da.

Ipaziman 16:21

O rako a makarerekmeh am mangay makas do tao. O karehrehmet na am abo makanat sang a tao so karehrehmet. Am ori o to da raheraheci si Ama ta do to, do kateywara no pakaliliwan da so kataotao da meyngen.

Ipaziman 16:9

O tao am kakwatan no azidangdang no araw. Am ori o nyavayan da so tey mowyat a Tao do to a tomalamozong no alalaw. So ji da ngaroi do peyraratenan da. Ji dakzan o kasaray da ni Ama ta do to.