2 Timotay 2:3 - Seysyo No Tao

³ Makowyat ka so nakenakem a somazap so alalaw mo an, do kapacinanod mo jyaken a mahap so vazay na ni Ama ta do to. Ta akma tey itaysang na ni Yeso Kizisto a ji mapasobna do mimong nira.

2 Timotay 2:3 ပူးပေါင်းရင်းမြစ်များ

Nimlivolivon 23:31

Karahan am yangay da rana si Pawlo no aro a itaysang do Antipate do mahep.

1 Kedinto 13:7

O mangarilaw so icyatatao na am to na peyyopowpasa o iraherahet da sya no icyatatao na. Anoyngan na o keyyan no kasaraw a ipamlis da. To peycyabobwa o makakaday a oyaoyyan da no kataotao.

1 Kedinto 9:7

Sino o mangay do itaysang a tao a to ngonongonong do kanen na palolwen. Sino o meymowa so asi no kayo a jyangan so asi na. Sino jinyo o mangonong so kagling a ji meyyakan so kagling.

2 Kedinto 1:6

No makasazi namen so alalaw am cyaha, ta ipeypapya nyo. Ta no sidongen na yamen ni Ama ta do to am akman namen sang a somidong jinyo a mapait jinyo, kapeypakdeng nyo rana so nakenakem a akman jyamen a to nazibo no alalaw.

1 Timotay 1:18

Manganako, mo Timotay, ko pakoyokoin pa jimo am ji ka onib so onowned an. Si myan so somengseng do ipeylimwang mo a ciriciring na ni Ama ta do to am naknakmen mo o mina kapamnek da jimo no kararay ta a meyvazay ji Ama ta do to.

2 Timotay 1:1

Yaken rana am si Pawlo ko a lamlamsoy na ni Ama ta do to a nipamnekan na ni Yeso Kizisto a omlivolivon no ciriciring na. Yaken rana am yako ipeylimwang o mina ciring na jyaten ni Kizisto a ipakahap ta so to meyyonong a ikavyay no pahad ta a omraralay nya.

2 Timotay 1:8

Am ori o ji mo asneki a meylimwang ni Yeso a Panirsirngen ta. Ji mo macimasnekan yaken a nipteng da mahap so vazay na ni Kizisto. So ahapan mo so alalaw ta no kapeylimwang ta no Mapasaray a Ciriciring, ta na sidongen imo ni Ama ta do to.

2 Timotay 2:10

Am ori o ko to liliwi so yamakakaday a da peyrarehtan jyaken, do ko kasidong so nipamnekan na ni Ama ta do to a tao a omanoyong ji Yeso Kizisto. So ikanoyong da makahap so to meyyonong a pangangarilawan na kano azwazway.

2 Timotay 2:9

Am ori o ko nipeyrarahet a nivaod da no nilalin da vahalang. Am o ciriciring na ni Ama ta do to am jyasengsengi. So ikabo no makazazat jya.

2 Timotay 3:11

Mo katenngan o ko kato nazibwan no aro a alalaw ko do Antia kado Ikenyan a kado Disetela. Am kanisomidong na jyaken ni Yeso a komaro do akman sang a nipeyrarehtan da jyaken no tao.

2 Timotay 4:5

Am imo rana am meypepzat ka do meykamadadayan a vazay mo. Ji mo a mamman o alalaw mo a meylimwang no Mapasaray a Ciriciring. Ta ori o ikowyat mo a mahap so vazay mo ji Ama ta do to.

Veydimeng 1:2

a kano yameyneynozi do vahay nyo a akma tey kakteh do cinai. So namen peyteygamyan no kakteh ta si Aveyya kano kararay namen a si Asipo a yamowyat a yamahap so vazay na ni Ama ta do to.

Sipolay 10:32

Manakem nyo no kakwa. Tana aro o alalaw nyo no kavayo nyo pa a omanoyong ji Yeso am jyabo kanimaharag nyo no alalaw nyo a.

Sipolay 11:27

Ji na nyaheyan o kapeyoyaoya na ni Valaw. So nikaro na do Ayci. Ta akma ney todacita no mata si Ama ta do to a yamacitovong jya. Am ori o ji na rana kei a meysinaoli, do kapeyhanhan na ni Ama ta do to.

Sipolay 6:15

Ji na macimangsahi ni Apolahan a pananalahen. Makarahan am mahap na rana o nakem na sya ni Ama ta do to.

Yake 1:12

No amyan so alalaw a kajyablisan so nakenakem ji Ama ta do to am tey masaray o akman sang a tao. Ta no jyablis o nakem na am mahap na o to meyyonong a ikavyay no pahad na a nakem na sira ni Ama ta do to so amraralay nya tao.